Nuuk Internationale Friskole pingasunik ilinniartitsisussarsiorpoq

Ulloq suliffissaq siulleq 1/8 2026.

Friskolemi, atuarfik tamakkerlugu assigiinngitsunik suliassaqarfimmi sulinissamut sapiissusilinnik ilinniartitsisussarsiorpugut. Suliakkut piginnaasaqarluarneq pingaartillugu aammalu atuarfiup inerisaanermut pamersaanermullu suliassaanut naapertuuttumik isiginnittunik suleqatissatsinnik pisariaqartitsivugut. Taamaattumik qinnuteqaatinni qanoq atuarfimmi suliassanik kivitseqataasinnaanerit nassuiaatigissavat, aamma qanoq ilillutit tamanna atuarfiup naleqartitaanut attuumassuteqarsinnaanersoq tunngavilersorlugu allassavatit, taakku soorunami peqataaffigilerlugillu akisussaaffigilerumaarakkit.

Atuarfipput angivallaanngilaq, immikkut ilisimasalinnik suliassanut assigiinngiiaartunut tapersiisinnaasunik pisariaqartitsivugut. Suliassatit ilinniartitsisutut sulinerpit saniatigut unammillernarsinnaasut ilagisinnaammagit suliassanik tigusinissannut piareersimasassaatit.

1. Atorfimmut siullermut nukarlernut ilinniartitsisumik sinaakkusiilluarsinnaasumik ujartuivugut, nipilersortitsisinnaasoq nipilersortarnermulluunniit atuartitsinissamut periuseqarsinnaasoq.

2. Atorfiup aappaanut akullerni angajullernilu eqaatsumik peqataasinnaasumik ujartuivugut. Atorfik ilinniartitsisullu suleqatissat piginnaasatit atorlugit sunneeqataaffigisinnaavatit. Qinnuteqartoq kalaallisoortitsisinnaassasoq, matematikkertitsisinnaassasoq naturfagertitsisinnaassasorlu takorusupparput.

3. Atorfiit pingajuannut ilinniartitsisumik allamiut oqaasii oqaatsit pingajuattut 7.klassiniit 10.klassinut atuartitsisinnaasumik pissarsiorpugut. NIF-imi kalaallisut, danskisut tuluttullu saniatigut oqaatsinik allanik atuartitsisinnaanissamik anguniagaqarpugut. Taamaattumik oqaatsini ilinniartitsisumik qulaani taaneqartut saniatigut oqaatsinik allanik piginnaasaqartumik ujartuivugut, soorlu; tyskisoortitsisinnaasoq, franskisoortitsisinnaasoq, spanskisoortitsisinnaasoq imaluunniit italiamiusoortitsisinnaasoq. Periarfissanulli allanut ammavugut. Taakku saniatigut atuarfiup sinnerani peqataasinnaanissat orniginartipparput.

NIF-imi tamatta immitsinnut ikioqatigiittuuvugut, illillu suleqatigiinnermut peqataalernissat eqqortumillu aalajangiinerni peqataasarnissat naatsorsuutigineqarpoq. Meeqqat ineriartornissaannut nutaaliorsinnaanerannullu anguniagaqarnerput ataatsimuussusermi tatiginninnermit tunngaveqarpoq, pamersaaneq anguniagaqarnerlu ingerlaqatigilluinnarlugit. Atuarfitsinni peqataarusukkuit tusarfigerusuppatsigit!

Ilinniartitsisunik pissarsiorpugut:

• ilinniartitsisutut imaluunniit assingusumik ilinniarsimasunik

• atuartitsinissamut piginnaasalinnik pitsaassutsimillu pingaartitsisunik

• atuartunut suleqatinullu akisussaaffiminik ilisimaarinnittunik

• akisussaassusilimmik eqqarsarluarlunilu iliuuseqartartunik

• unammillernartunik nutaaliornartumillu suleriaatsinik nuannarisaqartunik

• atuartunut angajoqqaanullu pitsaasumik attaveqarlunilu suleqateqarsinnaasunik

• atuartitsinermik ilisimasanillu ingerlatitseqqiinermik nuannarisalinnik

• siunissamut ataatsimoorussamut allanngueqataarusuttunik

Neqeroorutigaagut:

· suliffik pissanganartoq uummaarissorlu, angajoqqaanik suleqateqarluartoq

· meeqqat atuarneranni ineriartortitseqataanissamut ersarissumillu sunniuteqarnissamut periarfissalik

· suleqatigiit nukittuut tunniusimasullu

· atuarfimmi kulturi nukittooq tikilluaqqusisorlu, ataatsimoornermik tatiginninnermillu ukkataqartoq

· suliat unamminartut ataatsimoornittalu ineriartornerani sunneeqataaffigisinnaanissat

 Soqutiginnikkuit attavigisinnaavatsigut pulaarlutaluunniit.

Kissaatigaarput:

· tunuliaqutaq, upperisaq, politikkikkut inissisimaffik kulturiluunniit apeqqutaatinnagit qinnuteqassasusi

· atuarfitta ineriartortinneqarnera ingerlaqqissasoq, tassungalu atatillugu siunnersuutit tamaasa tikilluaqquagut

· piginnaasat uagutsinnut avitseqatigiissutigissagitit – qinnuteqartoq eqqortoq naapertorlugu atorfik naleqqussarsinnaavarput

Pinerlussimannginnermut meeqqanullu pinerlussimannginnermut uppernarsaat

Atorfik meeqqanut pinerlussimannginnermut pinerlussimannginnermullu uppernarsaammik atuutsitsinermut inatsit malillugu pisussaavoq. Atorfininneq taamaallaat pisinnaavoq atuarfik uppernarsaatinik naammaginartunik tigusaqarsimappat. Erseqqissaassutigissavarput atorfininneq aatsaat pisinnaammat naalagaaffiup politiivinit meeqqanut pilerlussimannginnermut uppernarsaat politiinillu pinerlussimannginnermut uppernarsaat tigusimagutsigit. Meeqqanut pilerlussimannginnermut uppernarsaat atuarfimmit pineqartup akuersineratigut piniarneqassaaq, namminerli pinerlussimannginnermut uppernarsaat politiinit aaneqassalluni.

Paasissutissat

Qinnuteqaatinni ilinniartitsisutut misilittakkatit qinnuteqarninnullu kajumilersitsisut nassuiaatigalugit nassiussigit, ilanngutassat naleqquttut ilanngullugit (allagartat, oqaaseqaatit CV-lu) uunga: nif@nif.gl Atorfik pillugu apeqqutissaqaruit atuarfiup pisortaa Pilo Samuelsen telefonikkut +299 38 25 01-mut imaluunniit mailikkut pilo@nif.gl -mut attavigisinnaavat.

Atorfinitsitsineq akissarsiaqarnernerlu IMAK-ip Nuuk Internationale Friskolellu isumaqatigiissutaat aallaavigalugit pissapput. Atorfininneq: Piaarnerpaamik. Atorfininneq qaammatini pingasunik misiliutitalimmik pissaaq. Atorfininnermut atatillugu inissiamik innersuussisoqarsinnaanngilaq. Qinnuteqarnissamut killissarititaasoq: Maajip 26-at 2026

Oqaloqatiginninnerit ingerlaavartumik ingerlanneqassapput.