Nuummi Amerikamiut konsuleqarfiani nakkutilliisut pisortaat

USA-p Nunatsinni sinniisoqarfeqarneranut tapersersuinissamut immikkut ittumik periarfissaqarusuppit?

Taava Nuummi suleqatigiinnut nuannersunut ilanngugit misigisassarsiornissallu piareersarlugu!

Nuummi USA-p konsuleqarfiani isumannaallisaanermik misilittagaqarluartumik pisortassarsiorpugut.

Kiffartorneq isumannaallisaanerlu: USA-p sinniisoqarfiata sammisaani nakkutilliisutut pisortaq

Nakkutilliisutut pisortap Amerikamiut naalakkersuisuisa ingerlataat inissiallu attartorneqartut tamaasa nakkutigalugillu akisussaaffigissavai, najukkamilu nakkutilliisut ulloq unnuarlu sulisarnissaannut allaffissornikkut aqutsisuussalluni. ’Local Guard Force’-ip (LGF) ulluinnarni ingerlanneqarneranut tamanut akisussaasuullunilu USA-mi naalakkersuisut sulisuisa, illuutaasa pigisaasalu isumannaatsuunissaat qulakkeertassavaa.

Suliassat akisussaaffiillu pingaarnerit

Isumannaallisaanermut tunngasunik nakkutilliineq:

LGF-ip ingerlataannik ulloq unnuarlu nakkutilliisarneq; nakkutilliisut tamarmik paarlakaajaannerannik aqutsineq; nakkutilliisunut pilersaarutit suliassallu naleqqussaaneri; paarsisut nakkutilliisullu alaatsinaannissaat; pisoqartillugu ajornartoortoqartillugulu isumannaallisaanermik najukkami politiit suleqatigalugit ataqatigiissaarinissaq.

Misissuinerit nalilersuinerillu: Sulisut isumagisaannillu misissuisarnerit; konsulip najugaanik aamma/imaluunniit sulisut najugaannik kiisalu USA-p naalakkersuisuisa biiliinik misissuisarnerit; nakkutilliisut nalunaarsugaannik pisullu pillugit nalunaarutinik paasissutissiisarnermik ingerlatsineq; isumannaallisaanermut tunngasunik nalilersuinerit pitsanngorsaanissanullu innersuussinerit; isumannaallisaanermut atortut biilillu eqqortumik aserfallatsaalineqarnerannik qulakkeerinninnissaq.

Sungiusaanermik sulisunillu aqutsineq: Sulisut ilinniartinneqartarnissaannik aaqqissuussinerit, ilaatigut tunngaviusumik ilinniartitsinerit, ukiumoortumik sungiusarnerit aamma ingerlaavartumik ilitsersuisarnerit; sulisut nalilersorneqartarnerat (EPR); unioqqutitsinernut iliuusissatut siunnersuuteqarnerit; sulisut malitassanik periaatsinillu maleruaanissaat qulakkeerniarlugu.

Suliassatut ingerlanneqartunik nakkutilliineq: Isumannaallisaanermut tunngasunik nalunaarusiortarneq, soorlu nunap immikkoortuani isumannaallisaaneq pillugu pisortamut (RSO) aamma nunap immikkoortuani isumannaallisaaneq pillugu pisortamut ikiortimut (ARSO); nakkutilliisut piffissamik suliffissaannik aqutsineq, piffissat suliffiusut nalunaarsornerat, sungiusarnerit pillugit nalunaarsuinerit; missingersuutinik suliaqarneq atortunillu pisiortornerit ataqatigiissaarneqarneri; uppernarsaatit MS Office atorlugu suliarinissaat.

Isumannaallisaanermi ataqatigiissaarineq: WMD First Responder Team, RSO atorlugu sungiusarnissanik aamma nakorsat sungiusarnissaannik pilersaarusiornerit; pisortatigoortumik aaqqissuussinerit isumannaallisaanikkut nakkutiginissaat; isumannaallisaanermut tunngasunik sioorasaarinernillu pisoqartillugu aarlerinartorsiortoqaraangallu iliuuseqarnerit; sulisunik iliuuseqartunik suleqatinillu attaveqaqateqarluarsinnaaneq.

Piginnaasaqarfigisassatut piumasaqaatit

Ilinniarsimaneq: 

• Inuusuttutut ilinniakkamik naammassinnissimaneq, ilinniarnertuunngorniarfimmi soraarummeersimaneq assingusumilluunniit.

Misilittagaqarneq:

• Sakkutuujunermit, politiitut sulinermit imaluunniit isumannaallisaanermi nakkutilliisutut sulisimasutut sivikinnerpaamik ukiunik sisamanik misilittagaqarneq. 
• Tamakku saniatigut aqutsisutut sivikinnerpaamik ukiumik ataatsimik misilittagaqarneq (katillugit ukiunik tallimanik misilittagaqarneq).

Oqaatsitigut piginnaasat:

• Tuluit oqaasii: Oqalussinnaanikkut, atuarsinnaanikkut allassinnaanikkullu sulinermi atorsinnaasanik piginnaasaqarneq.
• Qallunaat oqaasii: Oqalussinnaanikkut, atuarsinnaanikkut allassinnaanikkullu sulinermi atorsinnaasanik piginnaasaqarneq.

Suliffik pillugu ilisimasat:

• Upalungaarsimanermut tunngasunik, qatserisarnermut tunngasunik kalerriisarnermilu periaatsinik isumannaallisaanermullu atortunik nutaaliaasunik ilisimasaqarneq.
• Kulturikkut ileqqunik, najukkami periaatsinik, aqqusinikkut angallannermi ajutoortoqartillugu aqqusinikkut angallannermut inatsisit atuuttut.

Pikkoriffigisassat piginnaasallu: 

• Siulersuillaqqissoq sulisunik kajumissaarinermik, siunnersuinermik ilitsersuinermillu misilittagalik; attaveqaqateqarluarsinnaasoq suleqateqarluarsinnaasorlu; ilinniartitsisinnaasoq saqqummiussisinnaasorlu.
• MS Office (Word, Excel, PowerPoint aamma SharePoint) misilittagaqarfigineqassapput; qarasaasianik atuisinnaanermik tunngaviusunik piginnaasaqarnissaq.
• Malussarissuunissaq, ilisimasaqarluarnissaq pissutsinik pitsaasunik attassiinnarsinnaaneq silamilu qanoq ikkaluartumiluunniit timi atorlugu sivisuumik sulisinnaaneq.
• Biilinik, isumannaallisaanermik atortunik, kalerrisaarutinik højttalerinik, radiomik uummammillu aallartitsissummik (AED-imik) atuisinnaaneq.

Inuuninni periarfissannut piareersimavit?

Qinnuteqarniaruit Job Opportunities – U.S. Embassy & Consulate in the Kingdom of Denmark alakkaruk, tassanilu atorfik “Local Guard (unarmed)” ujaruk, taavalu “Apply to this vacancy” toorlugu. Qinnuteqaat Electronic Recruitment Application (ERA) pieriarfissatut kisiartaasoq atorlugu pissaaq.

Piaarnerpaamik kingusinnerpaamillu maajip aallaqqaataanni qinnuteqarit. Apeqqutissaqaruit sulisoqarnermut immikkoortortaqarfik uunga saaffigisinnaavat: CopenhagenHR@state.gov imaluunniit +45 3341 7498.