Nuummi angalaqatigiinnut immikkoortortaqarfitsinni angalanernut siunnersorti

Suliffeqarfimmi, Kalaallit Nunaannik aallaaveqartumi pissanganartumi isumalimmilu sulerusuppit?

Angalanernik angalaqatigiiffiusunik tuniniaaneq inniminniisarnerlu misilittagaqarfigaagit, aamma atuisunut pitsaalluinnartumik sullissisarneq nuannaraajuk? Taamaappat illiusinnaavoq Nuummi angalaqatigiinnut immikkoortortaqarfitsinni ujartugarput.

Atorfik pillugu

Greenland Travel-imi angalaqatigiinnut immikkoortortaqarfitsinni angalanernut siunnersortitut suleqatigiinnut sullarissunut, Kalaallit Nunaanni Danmarkimilu atuisutsinnik inuussutissarsiortunik sullissisunut suleqataalissaatit. Piginnaaneqarfigilluarlugu siunnersuisassaatit, paasititsisassaatit aammalu angalanernik angalaqatigiiffiusunik, atuisutta pisariaqartitaannut naleqquttunik piareersaasassaatit.

Ulluinnaat tamatigoortut assigiinngitsullu neqeroorutigaavut – suleqativit suliaminnik nuannarisaqarluartut akornanniiffigisassatit.

Uagutsinni sullitarput qitiusarpoq, aammalu Kalaallit Nunaanni Danmarkimilu suleqatitit suleqatigalugit piginnaaneqarluarlutit siunnersuisinnaassaatit, pitsaalluinnartumillu sullissisinnaassallutit.

Angalaqatigiinnut immikkoortortaqarfitta timersortartut, ilinniartut, tusarnaariat ataatsimeersuariallu, kiisalu suliffeqarfinniit angalanerit naleqqussarlugit piareersartarpai – tamatigut atuisut pisariaqartitaat kissaataallu qitiutittarlugit.

Suliassatit pingaarnerit tassaassapput,

- Siunnersuineq aamma timmisartunut, akunnittarfinnut, biilinik attartornissamut sillimmasiissutinillu il.il. inniminniinerit.

- Ataatsimut aaqqissuussinernut mikisuniit angisuunut ataqatigiissaarinerit

- Suleqatinut pilersuisunullu qanittumik attaveqartarnerit

- Atuisutsinnik oqarasuaatikkut mail-ikkullu sullissinerit, aammalu tassunga ilanngullugu orniguttarnerit

- Suleqatigiit ulapittut, kajumittut nuannaartullu ulluinnarni suleqatigiinnerannut akuusarneq

Ilinnut kissaatigut tassaapput,

- Angalanernik angalaqatigiiffiusunik tuniniaanermik inniminniisarnermillu ilisimasaqarneq

- Amadeus, D365 aamma Focalscope ilisimagukkit qujanassaqaaq – taamaanngippat ilinniartissinnaavatsigit

- kiffartuussineq piginnaaneqarfinnut ilaaginnarpoq

- angallasseqatigiiffimmi atorfik nal. 8 – 16 akornanni atorfiinnaanngimmat nuannaraat

- kalaallisut, danskisut tuluttullu oqalussinnaavutit

- misigittartuuvutit, tusarnaartartuuvutit aammalu atuisutta pisariaqartitaannik paasiniaasinnaassuseqarputit

- nassaarsiullaqqissuuvutit angusaqarusussuseqarlutillu, aaqqissuussineq paasinnissinnaanerlu piginnaaneqarfigalugit

Uagutsinniit pissarsiassaraatit

- suliffeqarfimmi nukittuunik siunertaqarfiusumi, naleqartitanit aqunneqartumi atorfik pissanganartoq

- akissarsiassat pilerinartut, soraarnerussutisiassanik ilaqartinneqartut

- avatangiisini pingaartorsiorfiunngitsuni sullivimmi pissutsit eqaatsumik aaqqinneqarsinnaasut, atorfivit sunniuteqarfiginissaanut ineriartortinnissaanullu periarfissaqarfiulluartoq

- suliatigut ineriartornissamut periarfissaqarluartoq, anguniagaqarnissamut illarnissamullu inissaqartitsiffiusoq

- Air Greenlandip suliffeqarfissuani angalaqatigiinnut immikkoortortaqarfimmi alliartortumi suleqataanissamut periarfissaqarneq

Nuummi angalatitsivitsinni pisortarput Mari Louise Nissen qullersarissavat. Suleqatigiinnut pisortaq Arnatsiaq Lynge Martens, ulluinnarni suleqatigisassat angalaqatigiinnut immikkoortortaqarfimmi akisussaasuuvoq.

Kajumillutit qinnuteqaativit CV-villu, HR-imi pisortatsinnut Tina Mogensenimut, TM@greenland-travel.dk aqqutigalugu nassiussassavit tigunissaannut qilanaarpugut.

Oqaloqateqarnerit ingerlaavartumik ingerlatissavagut, taamaattumik qinnuteqaatit piaartumik nassiussinnaavat.

Atorfik pillugu apeqqutissaqaruit Nuummi pisortaq Mari Louise Nissen +299 348572-imut attaveqarfigisinnaavat.

Qinnuteqarnissamut killigititaq: 04.07.2025.

Greenland Travel Kalaallit Nunaanni aamma Danmarkimi atuisunut inuussutissarsiortunut angalanissamut aaqqiissutissanik siunnersuisarpoq. Tamatuma saniatigut inuinnarnut takornarianullu, Kalaallit Nunaat misigissallugu kissaateqartunut angalanernik ataatsimoortunik ataasiakkaanillu aaqqissuussisarpugut. Naleqartitagut ataatsimoornermik, suliatigut piginnaaneqarnermi attaveqaqatigiinnernillu nukittuunik tunngaveqarput – atuisut suleqatillu eqqarsaatigalugit.

Sulisut tunniusimasut piginnaaneqarluartullu, Nuummi, Sisimiuni, Ilulissani Københavnimilu allaffitsinnut agguarsimasut 52-iuvugut.

Greenland Travel Air Greenland Group-imut ilaavoq.