Fakta
Atorfiup suussusaa: Assartuussinermi nakkutilliisoq
Suliffeqarfik: Royal Arctic Line A/S
Qinnuteqarfissamut killigititaq: Oktobarip 31-ani 2025
Attavissaq: Julie Heilmann Jensen oqarasuaatikkut +299 34 92 15 imaluunniit emailikkut jhej@ral.gl
Nunatsinnit avammut nioqqutinik assartuussinerup pissusissamisut ingerlanneqarnissaa qulakkeerniarlugu tamakkiisumik takunnissinnaalersitseqataarusuppit?Nuummi suleqatigiinnut Assartuussinermi Nakkutilliisumik suleqatissarsiorpugut, avammut nioqqutinut aalisakkanullu tunngatillugu ingerlatsisarnitsinnik nukittorsaaqataarusuttumik.
Uagut pilluta
Royal Arctic Linep assartugassanik piareersaanermik aqutsinermillu suliaqarneranut ilaavugut, avammullu nioqqutissanut aalisakkanullu tunngatillugu usit sunniuteqarluartumik eqqortumillu suliarineqarnissaannik qulakkeerinninnissamik suliaqarluta.Uagutsinni pissanganartumik atorfeqalissaatit pilersuinerullu ataqatigiinnerata ilaani pingaarutilimmi akisussaaffeqartitaallutillu sunniuteqaqataasinnaassaatit.
Suliassatit
- Suliffissuarnit aalisarnermiillu avammut nioqqutinik usissanik inniminniineq malittarinninnerlu
- Sinerissamit inniminnikkanik nakkutilliineq pitsaassutsimillu qulakkeerinninneq
- Naammassisaqarsinnaassutsimik, atortorissaarutinik qerititsiveqarfinnillu ataqatigiissaarineq
- Nalunaarutinik suliaqarneq, nassiussat allagartaannik katersuineq sullitallu pillugit paasissutissanik suliaqarneq
- Sullitanut akiligassiissusiorneq aamma isumaqatigiissutinik usillu annertussusaannik malittarinninneq
- Systemit suleriaatsillu pitsanngorsarnissaannut suleqataaneq
Sulisussatut ujartugarput
- Assartugassanik piareersaanermik aqutsinermillu, pilersaarusiornermik imaluunniit sullitanik kiffartuussinermik soqutigisaqartuuvoq – misilittagaqaraanni iluaqutaassaaq piumasaqaataanngilarli
- Aaqqissuulluakkamik suleriaaseqarpoq immikkuualuttunullu tappissuulluni
- Suleqatigiinnermik nuannarisalik ulapiffiusumilu tamakkiisumik takunnissinnaassuseqartoq
- IT-mut tunngaviusunik piginnaasaqartoq – systemitta atornissaannik ilinniartinneqarumaarputit
- Kalaallisut danskisullu oqalussinnaasoq – tuluttoorsinnaagaannilu iluaqutaassaaq
- Kalaallit Nunaanni pissutsinut assartuussinermullu paasisimasalik, imaluunniit paasisimasaqarfiginerulernissaannut kajumissuseqartoq
Neqeroorutigisagut
Royal Arctic Linemi pissanganartumik atorfeqalissaatit suliarisartakkavit allanngueqataanerat malugineqarsinnaasarluni – suleqatitsinni aammalu inuiaqatigiinnut atassuteqarnitsinnut.Neqeroorutigaagut:
- Suliffeqarfik allanngorarfiusoq, suleqatit tunniusimasut unammilligassallu pissanganartut.
- Akissarsiat unammillersinnaassuteqartut, piginnaaneqarfigisannut naapertuuttut.
- Inuttut suliatigullu ineriartornissamut periarfissat pitsaasut.
Suleqatigilernissatsinnut piareersimavit?
Atorfik pillugu paasisaqarnerorusukkuit Sullissinermut pisortaq Julie Heilmann Jensen saaffigineqarsinnaavoq oqarasuaatikkut +299 34 92 15-imut imaluunniit mailikkut jhej@ral.gl-imut
Atorfininneq: Piaarnerpaamik – eqqortulli atorfinitsinnissaa salliutinneqassaaq
Qinnuteqarfissaq kingulleq: Oktobarip 31-ani 2025
Qinnuteqaatit: Ingerlaavartumik suliarineqassapput
Oqaloqatiginninnerit: Ingerlaavartumik oqaloqatiginnittoqassaaq
Atorfik una qinnuteqarfigiuk
