Nuummi Mælkebøttecentreri psykoterapeutimik imaluunniit ilaqutariinnut siunnersuisartumik atorfinittussamik pissarsiorpoq.

Psykoterapeutiuvit imaluuniit ilaqutariinnik siunnersuisartuuit, meeqqanik inuusuttunillu eqqugaaratarsinnaasunik sumiginnagaanermillu misigisaqarsimasunut sullissinissannut misilittagaqarlutit? Sinaakkutinik toqqissisimanartunik attaveqarnermilu ineriartornartumik suleqataarusuppit?Taamaappat immaqa illit suleqatissaraatsigit.

Mælkebøttecentret psykoterapeutimik assigisaanilluunniit katsorsaasartussamik siunnersuisartussamillu immikkoortortaqarfitsinni perorsaanermik sulianilu suliaqartartumik suleqateqartussamik ujaasivoq. Meeqqanut inuusuttunullu 0-23-nik ukiulinnut paaqqinnittarfiuvugut kiisalu najugaqarfimmik peqatigiittarfimmillu neqerooruteqartartuulluta. Maannakkorpiaq meeqqat inuusuttullu 24-t inissisimapput.

Sapaatip akunneranut nalunaaquttap akunneri 40-t suliffiusarpoq.

Atorfik pillugu

Ilaqutariinnut katsorsaasartutut katsorsariaatitsinik neqerooruteqarnitsinni akisussaaqataassaatit aammalu meerartatta inuusuttortattalu eqqortumik tapersersorneqarnissaannik qulakkeerinneqataassaatit. Psykoterapeutit, immikkoortortani aqutsisut aamma perorsaaqataasut qanimut suleqatigissavatit.

Suliassatit pingaarnerit:

· Allaffissornikkut naliliinerit, nalunaarusiorneq innersuussinerillu

· Meeqqat inuusuttullu inissinneqartut nalilersorlugit misissorlugillu, pisariaqarfiinilu ilaqutaasunik akuliutitsineq

· Meeqqat inuusuttullu angerlarsimaffiup avataanut inissinneqarsimasunik katsorsaaneq. Matumani ataasiakkaarlugit eqimattakkuutaarlugilluunniit katsorsarneqarnissaanik periarfissaqassaaq

· Allanik suleqateqarneq, (atuarfiit, oqartussaasut, il.il.)

· Katsorsaariaatsinik pilersaarusiorneq katsorsaanermilu pilersaarutinik akisussaasunik malitseqartitsineq

· Sulisunik siunnersuineq suliamullu tunngasumik siunnersuineq

Naatsorsuutigaarput:

· Ilaqutariinnik siunnersuisartutut ilinniarsimasuunissat imaluunniit katsorsaanermut tunngasunik tunuliaquteqartutit

· Meeqqanik inuusuttunillu eqqugaasimasunik sullissinermik misilittagaqartutit, namminersorlutillu aaqqissuulluagaasumik sulisinnaasutit

· Allaaserinninnermik pikkoriffeqartutit aamma nalunaarusiornernik, nalilersuinernik, katsorsaariaatsinillu pilersaarusiornernik sungiusimasaqassallutit

· Marlunnik oqaaseqartuunissaq kissaatigineqarpoq (kalaallisut/danskisut,) piumasaqaataanngilarli

Neqeroorutigaarput:

· Suliassaq unamminartoq inuttut suliffimmilu ineriartornissamut periarfissiisoq

· Suliffimmi avatangiisinilu piumassuseqarfiusumi aammalu tapersersuiffiusumik akisussaaffeqarneq

· Sulisunut atugassarititaasut pitsaasut, soorlu napparsimanermut sillimmasiinerit, soraarnerussutisiassanut ileqqaarinermut, timigissartarfinnullu periarfissaqarneq

· Ilinniaqqinnissamut pikkorissarnissamullu periarfissat

· Piginnaasat naapertorlugit aningaasarsiaqarneq, kiisalu pisattat assartorneqarnissaannut ineqarnissamillu periarfissaqarneq

Qinnuteqarneq attaveqarnerlu

Paasisaqarnerorusukkuit uunga saaffiginnissinnaavutit: Pisortaq Nuka Fleischer, oqarasuaat: +299 36 21 06 / mobiili: +299 56 46 84

Qinnuteqaatit CV-mik, soraarummeernermut uppernarsaatinik innersuussutinillu ilalik mailikkut nassiuguk: info@mb.gl imaluunniit allakkatigut uunga: Mælkebøttecentret, Postboks 1335, 3900 Nuuk.

Qinnuteqarnissamut killigititaq: 13.06.2025

Uagut pilluta paasissutissat amerlanerusut www.mb.gl atuarsinnaavatit Facebookimilu malinnaasinnaallutit.