Nuummi Oqilisaassivimmut sulisumik peqqinnissamik tunngasumik ilinniarsimasumik pissarsiorpoq

Kammagiinni Oqilisaassivimmut sulisussarsiorpugut. Taamatut sulinissaq uummateqarfigigukku innuttaasullu pillugit pitsaasumik allanngueqataarusukkuit immaqa taava suleqatigilissavatsigit. 

Oqilisaassivik innuttaasunut timimikkut tarnikkulluunniit piginnaasakillisimasunut neqeroorutaavoq. Oqilisaassivik Kammagiinni Sammisassaqartitsivimmi inissisimavoq. Innuttaasut qanigisaasut paaqqutarinnittuusut oqilisaallugit utaqqiissaasumik paaqqutarineqarnissaminnik pisariaqartitsisut sullinneqartassapput. Aallaavittut oqilisaassivimmi inissat sisamaasarput, oqilisaassinerillu sivisussusaat pisariaqartitsineq aallaavigalugu ulloq ataatsimiit ullut sisamat tikillugit sivisussuseqartarlutik.

Kammagiinni sulisunut tunniusimasunut suleqataalissaatit, oqilisaassivimmi tallimaapput sammisassaqartitsivimmilu pingasuupput. Suleqatissatit peqqinnissamik imaluunniit inulerinermik isumaginninnermik ilinniagaqarlutik kiisalu ilinniarsimanatik sulisuupput, taamaammallu suleqatigiinnermik pitsaalluinnartumik suliffeqarfimmillu nuannersumik pilersitsisuupput.

Atorfik piffissaq tamakkerlugu atorfiuvoq, sapaatip-akunneranut akunnerit 40-t, ullukkut, unnukkut aamma sapaatip-akunnerata naanerani suliffiulluni.

Suliassat:

∙Sumiiffimmik toqqissisimanartumik nuannersumillu, innuttaasut isumassuisumik paasinnittumillu tikilluaqquneqartarfissaannik atugassaqarnissaannik pilersitsineq

∙Paaqqutarinninneq, tapersersuineq piginnaasareriikkanillu attassiinnarneq nukittorsaanerlu

∙Kammagiinni Sammisassaqartitsivimmi innuttaasunik sammisassaqartitsineq

∙Ulluinnarni suliassanik naammassinninneq

Naatsorsuutigaarput illit:

∙Peqqinnissamik tunuliaqutilimmik ilinniagalik.

∙Suleqatitit peqatigalugit innuttaasunut oqilisaassisarfimmiittunut neqeroorummik toqqissisimanartumik aalajaatsumillu pilersitsinissamut sapiissuseqarneq

∙Isumassuisutit aamma ilakkuminartutit, suliffiullu isumannaatsumik avatangiiseqarnissaanut tamanna iluaqutaassasoq takunnissinnaassaatit

∙Naleqqussarsinnaassaatit, ulluinnarnilu naatsorsuutaanngitsumik pisoqarfiusumi sulineq nuannaralugu

∙Piffissat suliffiusut allanngorartut suliffigisinnaavatit

∙Tarnikkut nappaatilinnut tunngasunik misilittagaqaruit pitsaasuussaaq, piumasaqaataanngilarli

Neqeroorutigaagut:

∙Innuttaasunut tapersersorneqarnissaminnik pisariaqartitsisunut allanngueqataanissamut periarfissaq

∙Atorfik unamminarsinnaasoq suliatigut inuttullu ineriartortitsinermik aallussisoq

∙Suliffik suleqatigiilluarnissamik pingaartitsisoq

∙Suliffik suliffimmi isumannaallisaanikkut pissutsinik pingaartitsineq pitsanngorsaanissamullu suliniuteqartartoq

Innarluutilinnut tarnikkut nappaatilinnullu Immikkoortoqarfik immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit nakkutigineqartut tallimat, sammisassaqartitsinermut ataatsimooqateqartitsinissamullu neqeroorutit marluk kiisalu ikorfartorteqarfiit pingasut Nuummi, Tasiilami Paamiunilu agguataarsimasut. Ineriartortitsinermik annertuumik, ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunersiuisoqartarnissanik suliatigullu ataatsimoorfeqarnissaanik imaqartumik, ingerlatsivugut.

Soqutiginnilersimaguit sulilu paasisaqarusullutit, attaveqarfiginissatsinnut assut tikilluaqqusaavutit.

Naatsorsuutigaarput atorfinitsitsiniarnermi oqaloqatiginninneq sap. ak. 17-imi ingerlanneqassasoq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Pauline Jensen Hansen, oqarasuaat +299 54 26 75 imaluunniit e-mail: pahn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 339-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 20.-at, 2026