Nuummi Sarfannguani Innaallagissiorfimmut ingerlatsinermi suleqat t-imut Nuummi

Nuummi Sarfannguani Innaallagissiorfiup pisariaqartippaatit. Atorfimmi inuiaqatigiinnut aalajangiisutut pingaarutilimmi ullut suliffigisat tamatigoortut pissarsiarissavatit.

Nuummi sunngiffimmut suliaqarfiusumut periarfissatsialaqarpoq. Sisorartarneq, asimi pisuttuarneq, imaluunniit kangerlummi angalaarneq piumagukku takanna. Aamma Nuummiipput pisiniarfiit kultureqarnermilu neqeroorutit assigiinngiiaartut, taamaattumillu illoqarfissuartut nunarsuarmi mikinerpaatut tamanna misinnarpoq.

Suliassatit pingaarnerit tassaassapput:

• Sarfaliuutinik dieselitortunik, illunik, ivertitikkanillu ingerlatsinerit aserfallatsaaliuinerillu
• Kiassaatinik innaallagiatortunik 400 V-inik nakkutilliisarnerit aserfallatsaaliuinerillu
• Nunap immikkoortuani immikkoortoqarfiit killeqarfii qaangerlugit suliassanik iluarsiisarnerit
• Ilinniartitaanerup kingornatigut innaallagissiorfimmi pigaartuunermut aaqqiissummi peqataanerit
• Innaallagissiorfimmi suliassat isumagisassat, ilanngullugit saliinerit.

Suliassanik pissanangartorpassuarnik allanik naatsorsuuteqarsinnaassaatit. Ilinniartitaaneq aamma ineriartornissamut periarfissatsialaat qulakkeerpagut. Ilinniartitaanerup kingornatigut suleqatitit peqatigalugit pigaartuunermut aaqqiissummi aamma ilaasinnaalissaatit.

Suut naatsorsuutigisinnaavigit?

Tassaalissaatit suleqatigiit, suleqatinik misilittagaqarlutillu akisussaaffeqartunik inuttallit, tamatuminngalu pisariaqartitsisoqaraangat ikiuisartut, ilaaffigilissavatit. Uagutsinni sulianut tunngasutigut eqimattukkuutaat immikkoortoqarfiillu killeqarfii qaangerlugit suleqatigiiffigisagut ullut suliffiit naatsorsuutigisinnaavatit. Tamaaniipput suliassat assigiinngiiaartorpassuit, aammalu suleqatit assigiinngitsunik tunuliaqutaqartut. Nukissiorfiit tassaavoq suliffeqarfik savitooq, tamaanilu sulianut tunngasunik inuttullu ineriartornerit pingaarnersiugaraagut.

Imatut ittutit ujarpatsigit:

• Maskinmesteritut, innaallagisserisutut, skibsmontøritut, maskinarbejderitut assingusutulluunniit ilinniagalik
• Motoorinut mekanikkimullu soqutigisalik – ingammik motoorinik dieselitortunik (solaaritortunik) aserfallatsaaliuinernik
• SRO-mik ingerlatsivinnik ilisimasalik, aamma PC-lerisinnaasoq
• Inuinnaat biiliinik biilersinnaanermut allagartalik
• Ilikkajasoq, aammalu teknikkikkut piginnaasanik amerlanernik pigisaqalerusussusilik.

Suleqatigiinni suleqatiginnissinnaassaatit, aammalu suliartortuartassaatit. Akisussaaffimmik tigusaqartarnissaq, aammalu pitsaanerpaarpaamik iliuuseqartarnissaq immitsinnit naatsorsuutigisaraagut. Oqaatsinik marlunnik, kalaallit aamma danskit oqaasiinik piginnaasaqassaguit iluaqutaassaaq, piumasaqaataanngilarli.

Aallartinninni suliassatut isumagisaqarfiit pillugit suut tamaasa ilisimassagitit naatsorsuutiginngilagut, taamaattumillu pisortanit suleqatinillu ilinniartitsilluarnissaq, ilisimasanillu paarlaateqatigiinnissaq sammisarineqarumaarput. Pingaarnerpaatitagut tassaapput annertunerusunik ilinniarususseqarlunilu tamatuminnga soqutigisaqarneq.

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq.

Atorfimmut atatillugu inissamik innersuussisoqarsinnaanngilaq

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Teamleder for Elproduktion Jónas Birgisson Syderbø attavigineqarsinnaavoq emailikkut: JSYDE@nukissiorfiit.gl.

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: aggustip 8.-at, 2025

Atorfik una qinnuteqarfigiuk