Nuummi Social Media & Content Creator

Aallakaatitassiorsinnaavit ima soqutiginartigisunik, allaat inunnik unittariaqalersitsisinnaasumik?

Aalisakkerivimmi ulluinnarni sunik pisoqartarpa?

Aalisartut, sulisut suliffeqarfissuarlu nunarsuaq tamakkerlugu ingerlatsisoq pillugit oqaluttuaq videoliami sekuntit 30-it atorlugit qanoq oqaluttuarisinnaaviuk?

Allat sioqqullugit oqaluttuassaqqissunik takunnissinnaaguit, taakkulu videonut saqqummiussassanullu soqutiginnilersitsisunut tulluarsarlugit suliareqqittarnissaat nuannarigukku, taava immaqa illit ujartorpatsigit.

Royal Greenland inuit attaveqaqatigiittarfiisigut imaqarluartunik aallakaatitassiortartussamik Nuummiittussamik pissarsiorpoq, inuit attaveqaqatigiittarfiini saqqumilaarnitsinnik nukittorsaqataasinnaasumik aammalu suliffeqarfitsinnik innuttaasunut saqqummiussassanik suliaqarnermi peqataasinnaasumik.

Oqaatsit

Malugeqquneqarpoq kalaallisut qallunaatullu allattariarsornermi oqalunnermilu piginnaasaqarluarnissaq piumasaqaataammat. Aamma tuluttut piginnaasaqarluaruit iluaqutaassaaq.

Atuuffissat

Uatsinni avammut suliffeqarfiullu iluani kinaassutsitsinnik ersersitsisunik saqqummiussassanik ineriartortitsinermi suliarinninnermilu pingaarutilimmik inissisimassaatit.

Royal Greenland tassaavoq suliffeqarfissuaq nunarsuaq tamakkerlugu ingerlataqartoq, Nunatsinni qajannaatsumik toqqaveqarlunilu pingaarutilerujussuaq. Suliagut oqaluttuarisassagullu aalisarnermit, tunisassiornermit inuiaqatigiinnilu ilaaffigisatsinnit aallaaveqarput.

Taakku ujartorlugit isiginnaagassatigut soqutiginnilersitsisumillu oqaluttuarissallugit illit suliassarissavatit.

Sulerissavit?

Ulluinnaat assigiinngisitaassapput, suliffeqarfiullu ulluinnarni ingerlanneqarneranut qanittumik peqataassaatit. Suliffeqarfiup immikkoortuini assigiinngitsuni suleqatit peqatigalugit sulisassaatit — sinerissami tunisassiorfinniit qullersaqarfimmut — taakkulu oqaluttuarisassaat soqutiginartunngortillugit saqqummiunneqarsinnaanngorlugit suliarisassavatit. Suliassatit siammasipput, ilaatigut makkua ilanngullugit:

Aallakaatitassanik suliaqarneq oqaluttuassatsialannillu oqaluttuarneq

· Sulisunik, aalisartunik sumiiffinnillu assigiinngitsuneersunik oqaluttuassarsiorneq saqqummiinerlu

· Inuit attaveqaqatigiittarfiinut suliffeqarfiullu iluani saqqummiussivinnut videolianik suliaqarneq

· Ilusilersuutinik nutaaliorfiusunik isumassarsianillu ineriartortitsineq

· Sammisat paasiuminaannerusut ersarissumik soqutiginnilersitsisumillu saqqummiunneqarsinnaanngorlugit suliarineqarneri

· Assit atorlugit oqaluttuarneq aamma videoliat naatsut suliarineqarneri

Atusunik ataqatigiissaarisoq

• Facebookimi oqaaseqaatit aqullugit akissuteqarfigisarlugillu

• Suliffeqarfiup iluani attaveqarfiusuni apeqqutit oqaaseqaatillu aqullugit nakkutigalugillu

Suliffeqarfimmik suliffigissallugu pilerisaarineq

· Royal Greenlandip suliffigalugu qanoq ittuuneranik takutitassarsiorneq

· Sulisussarsiornerni taperssersuineq

· Sulisunik sulisullu qaffakkiartornissamut periarfissaannik ersarissaaneq

Suliffeqarfiup iluani attaveqaqatigiinneq

· Suliffeqarfiup iluani attaveqaatini atugassanik takussutissianik allakkatigullu ineriartortitsineq

· Aqutsisunit suliffeqarfiup iluani video atorlugu paasissutissiissutaannik suliaqarneq

Periusissiorneq ineriartortitsinerlu

· Royal Greenlandip inuit attaveqaqatigiittarfiinik atuinera pillugu periaasissiorluni ineriartortitseqataaneq

· Aallakaatitassianik pilerisaarinernillu pilersaarusiorneq

· Oqariartuuteqariaatsip isikkullu takusassiarineqartut assigiissaarneqarnissaannik qulakkeerinninneq

Takorloorpatsigit

Suliassaqarfimmi aalajangersimasumiit aggertariaqanngilatit, kisianni sammisamik aamma inuit attaveqaqatigiittarfiinik suliaqarnermik misilittagaqareersimavutit, aamma qanoq ilioraanni iluatsittoqarsinnaanersoq ilisimavat. Nutaaliorneq aaqqissuussinerlu ataatsikkut atugaralugit sulineq iluarisaraat, kiisalu isumassarsiat aallartinneqartut naammassillugit inerlatinneqarnissaat ilinnit kajumissutigineqartarpoq.

Taakkua saniatigut naatsorsuutigaarput, illit:

· inuit attaveqaqatigiittarfiinik atuineq aallakaatitaliornerlu misilittagaqarfigaatit

· videoliornermik aaqqissuinermillu pikkoriffeqarputit

· aallakaatitanik siammarterineq paasisimasaqarfigaat (angusinnaasat, pimoorussineq algoritmillu)

· paasissutissanik ilisimasanillu atuillutit pitsaasunik aallakaatitassiorsinnaavutit

· oqaluttuallaqqissuuvutit alapernaatsoq ujartuillaqqittorlu

· inunnik assiliiviup saavaniittunik toqqissisimatitsisinnaavutit

· nammineerlutit sulisinnaassuseqarputit aamma pisoqartitsisinnaassuseqarlutit

Soormi Royal Greenland?

Royal Greenlandimi issittumi aalisarneq nunanilu tamalaani niuerfiit pillugit oqaluttuarisassanik suliaqassaatit, suliffeqarfittalu sulisuttalu immikkuullarissuunerat nunarsuarmut ersersitseqataaffigalugu.

Pingaarnerpaarlu:

Suliffeqaleqalissaatit, tassani assiliivik, nutaaliorneq alapernaassuserlu pingaarnertut sulinermi atortorissavatit.

Apeqqutissaqaruit, suliffeqarfissuarmi attaveqaqatigiinnermut pisortamut Merete Lindstrøm -imut attaveqassaatit, uunga allaffigineqarsinnaavoq: meli@royalgreenland.com

Ataavartumik oqaloqatiginninnissanut aggersaassassaagut.

Qinnuteqarnissamut killissarititaasoq: apriilip 15.-at, 2026