Nuummi Sullissivimmi Attaveqatigiinnermi Pilerisaarinermilu Teamlederi

Aaqqissuussillaqqissuuit, sulianut atatillugu pisorpassuarnik malinnaaviginnillaqqippit suliniutinillu naammassinnissinnaassuseqarluarlutit?

Kalaallit Nunaanni Brugsenimi pilerisaarinermi sulisussarsiorpugut piviusunngortitsilluarsinnaasumik – eqqissisimalluni suliniutinik ataqatigiissaarisinnaasumik, grafikkimut tunngatillugu piginnaasaqartumik isumassarsiallu piviusunngortinneqarnissaannik qulakkeerisinnaasumik.

Suliassaq manna ilinnut aaqqissuussillaqqissumut, suliniutinik aqutsisinnaasumut, grafikkimik suliaqallaqqissumut suleqateqallaqqissumullu – atorfinnilu angusaqarluarusuttumut – tulluarpoq.

Illit suliassat

Suliaqarfitta assigiinngitsut akornanni pilerisaarinermut attaveqatigiinnermullu atatillugu ullormut ataqatigiissaarinermi siuttuussaatit.

Aqutsisut, suleqatitit aammalu suliffeqarfiup iluani avataanilu suleqatigisartakkat qanimut suleqatigalugit pilerisaarinermi attaveqatigiinnermilu suliassanik naammassinnilluartoqarnissaanut qulakkeerutaasumik siuariartortitsinissaq akisussaaffigissavat.

Atorfik pisortatut atorfiunngilaq periusissiornermut tunngasoq – inissisimaffiuvorli pingaarutilik ullormut ingerlatsinermut sunniuteqangaartartoq.

Suliassavit pingaarnersarissavaat immikkoortortami suliassarpassuaqarfiusumi, naammassipallatassaqarfiusartumi ulapaarfiusumilu malinnaajuminarsaaneq, aaqqissuussineq siuariartortitsinerlu.

Akisussaaffigisassavit pingaarnersaat

• Pilerisaarinermut attaveqatigiinnermullu immikkoortortami ullormut suliassanik pingaarnersiugassanillu ataqatigiissaarineq

• Immikkoortortami sulisunik ullormut aqutsinermut akisussaaffik

• Immikkut neqeroorutinik, saqqummiussassanik suliniutissanillu aaqqissuussineq pilersaarusiornerlu

• Neqeroorutinik aviisinik sapaatip-akunneranoortunik, immikkut neqeroorutinik grafikkimilu suliassanik ataqatigiissaarineq

• Saqqummiussassanik digitaliusunik ineriartortitsineq naammassinninnerlu (app-imut, nittartakkamut, SoMe-nut, nutaarsiassanut, skærmini atugassanut il.il.)

• Saqqummiussisarfinni tamani assigiiaamik pitsaasumillu grafikkimi isikkuliineq

• Niuernermut immikkoortortamik qanimut suleqateqarneq

• Suliffeqarfiup avataaniittunik suleqateqarneq suliffeqarfiullu iluani ineriartortitsinissamut pissamaatit

• Suleriutsinik pisariinnerusunik, digitaliusunik piujuartitsiviusunillu ineriartortitseqataaneq

• Aqutsisoqatigiit suleqatigalugit pilersaarusiorneq suliniutinillu pingaarnersiuineq

Sulisussarsiorpugut…

• Pilerisaarinermi, attaveqatigiinnermi nutaaliornermilu misilittagalimmik

• Suliniutinik aqutsillaqqissumik: aaqqissuussillaqqissoq, naammassinnittartoq suliassanullu malinnaalluartartoq

• Digitaliusutigut pilerisaarinermi immikkullu neqerooruteqarnermi misilittagalimmik

• Anguniakkat pitsaassuserlu puiornagit ataatsikkut arlalinnik ingerlatsisinnaasumik

• Naammassipallatassarpassuaqarluni soqutigisaqaqatillu amerlaffianni sulilluarsinnaasumik

• Alapernaatsumik, apeqqusiisartumik ineriartortitsinissamillu pingaartitsisumik

• Akisussaaffeqarnerulernissamut ineriartornissamik anguniagalimmik

Ilinnut neqeroorutigaavut

• Kalaallit Nunaanni suliffeqarfiit annersaasa ilaanni ineriartortitseqataasinnaaneq

• Pilerisaarinermik attaveqatigiinnermillu ineriartortitsinermut sunniuteqarsinnaaneq

• Suliatsigut pikkorissaarfik suleqatillu piumassuseqarluartut

• Ingerlatsivik digitaliusutigut periusissiatigut ineriartorfiusoq

• Suliffimmi avatangiisit suleqatigiiffiullutillu akisussaaffeqaqatigiiffiusut

• Piginnaasat naapertorlugit akissarsiat suliffimmullu atatillugu ineqarsinnaaneq nuunnermilu ikiorsiisinnaaneq

Qinnuteqaat paasissutissallu allat

Matumani atorfeqarnissat takorloorsinnaagukku tusarfigerusuppatsigit.

Juunip 22-at 2026 qinnuteqarnissamut killigititaavoq

Ingerlaavartumik oqaloqateqartoqartassaaq.

Atorfik pillugu apeqqutissaqaruit pilerisaarinermut attaveqatigiinnermullu pisortaq Benny Reffeldt Otte attavigigiuk:

T +299 36 35 07

M benny.otte@knb.gl

Nittartagaq: www.brugseni.gl

Facebook, LinkedIn: Kalaallit Nunaanni Brugseni

Suliffik sumiiffia

Aqqusinersuaq 4, 2 th.

3900 Nuuk

Grønland

Ulloq qinnuteqarfissaq kingulleq:22. juni 2026