Nuummi Utoqqaat Illuat pedelimik sulisussarsiorpoq

Nuummi Utoqqaat Illuat pedelimik sukkanerpaamik imaluunniit isumaqatigiissuteqarnikkut atorfinissinnaasumik sulisussarsiorpoq

Utoqqaat Illuat Kommuneqarfik Sermersuup utoqqaat illuutaasa ilagaat, Nuummi illoqarfiup qeqqani inissisimalluni.

Utoqqaat Illuat tallimanik immikkoortortaqarpoq ilaatigut puiguttortunut kiisalu innuttaasunut oqilisaavigitittunut immikkut immikkoortortaqarpoq. Utoqqaat Illuat innuttaasunut 47-nut inissaqarpoq immikkoortuni 5 agguataarsimasuni najugaqartunut. Inissanit taakkunannga inissat 14-it oqilisaassiviupput. Puiguttortunut immikkoortortaq Tungiu Ilorleq aamma Silarleq innuttaasunit 20-nit najugaqarfigineqarpoq. Immikkoortoq Ippat innuttaasunit 8 najugaqarfigineqarpoq oqilisaassivimmilu innuttaasut 5 inissaqarput. Innuttaasunik 9 oqilisaassivimmi Pillorissaavik inissaqarput immikkoortumilu Katak innuttaasut 5 najugaqarlutik. Immikkoortut tallimat saniatigut sammisassaqartitsivimmik ineqarpoq, errorsisarfik, igaffik kiisalu pedelit ineqarput.

Ulloq unnuarlu angerlarsimaffiuvugut taamaammat immikkoortuni suleqatigiiaat pingasut paarlakaallutik sulisarput.

Utoqqaat Illuani sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut taakkualu saniatigut ilinniarsimanngitsut arlaqartut. Allaffimmi fuldmægtigi kiisalu inuussutissalerinermi assistentit, inuussutissalerinermik ikiortit.

Atorfik inuttassarsiuunneqartoq suliffiup souschefianik aqutsisoqassaaq.

Illumi pingaartillugit naleqartitat: Qanilaarneq, suleqatigiilluarneq, ataqqeqatigiinneq, nuannaarneq, tatiginartuuneq attaveqatigiilluarnerlu.

Utoqqaat naleqartitaat ukuupput: Nuannaaqatigiinneq, Ataqqeqatigiinneq, nuannaarneq, ingutsinnginnissaq inussiarnersuunerlu kissaatigineqarput.

Atorfiup imaa:

Pedelissarsiorpugut – ajornanngippat misilittagalimmik – najugaqartunut sulisunullu suleqataasinnaasumik. Suliassat arlallit ilaatigut makku isumagisassavatit:

· Utoqqaat Illuata ingerlanneqarnerata aserfallatsaaliorneqarneratalu qulakkeerneqarnissaat.

· Illunik nakkutilliineq, illup ilua silataalu.

· Pisiassaminernik pisiniarneq, nioqqutissanik inniminniineq, kiisalu iluarsagassanik iluarsaassineq

· Biilertoq sulinngiffeqartillugu/napparsimatillugu biilertuuneq.

· Ikuallattoornissamut tunngasunik ilitsersuineq

· Aqutsisut akuersereertillugit suliffissuaqarnikkut atortunik pissarsinermut akisussaasuuneq.

Sulisut allat kiisalu aqutsisorisaq qanimut suleqatigalugit suliassat naammassineqartassapput.

Naatsorsuutigaarput suliassat pitsaassusissaannik killiliussanik aamma Utoqqarnut politikki ilisimasaqarfigigitit.

Naatsorsuutigaarput illit:

·Assassornermik sulianut tunngasumik allatulluunniit teknikkimut tunngasunik ilinniagalik

·Qamutinut motoorilinnut allagartaqartutit

·Ajornanngippat illunik aserfallatsaaliuinermik misilittagalik aamma assassornermik sullarissoq

·Unneqqarissuusutit tatiginartorlu

·Tamatigoortoq tunniusimasorlu

·Kiffartuussiumassuseqartutit

Neqeroorutigaavut:

· Atorfik suliap imarisaanik nammineerluni sunniuteqarluarnissamut periarfissaqarluartoq

· Ulluinnarni suliffiit 8-16 aamma sapaatip-akunnerata naaneranni pisariaqartitsisoqartillugu

· Illu, illumi najugaqartut, suleqatit suliffigisassarlu pillugit paasissutissanik tuniorarluarneqassaatit

· Tatigaarput suliassat atorfimmut attuumassuteqartut assigiinngitsut kiisalu suliassat illumut tunngassuteqartut, illit nammineq isumagisinnaassagitit

· Piginnaasavit iluanni akisussaaffeqassasutit

· Assigiinngitsunik suliaqarneq, suliassat pissanganartut, suleqatit illumilu najugaqartut peqatigalugit nuannersunik misigisassaqartarneq

· Suliffik ataqqinninnermik, akisussaaffimmik ilinniarnermillu ukkassiffiusoq

· Inuttut ilinniakkatigullu inerisarnissamut periarfissagissaarneq

Nalunaaquttap akunneri 40-t suliffiusarput

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ningiu Kathrine Lerch-Amondsen, oqarasuaat +299 36 61 31 imaluunniit e-mail: kler@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1253-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 18.-at, 2025

Atorfik una qinnuteqarfigiuk