Nuussuup Atuarfia isumaginninnermik siunnersortimik pissarsiorpoq

Nuussuup Atuarfiani meeqqat atuarfigivaat 401-inik atuartulik. Atuarfimmi 1.-10. klassimi atuartuupput. Klassit nalinginnaasut 17-iupput immikkullu pisariaqartitsillutik atuartinneqartut 5-llutik. Nuussuup Atuarfiani 38-inik ilinniartitsoqarpoq, taavalu atuarfiup pisortap tullersortaa aamma Atuarfiup pisortaqarluni.

Atorfiup imaa:

Atuarfimmi Isumaginninnermik siunnersortitut suliassarissavatit isumaginninnermut tunngasunik atuartut sullinnerini ataqatigiissaarineq. Suliassavit ilagissavaat atuartunut, angajoqqaanullu saaffiginnissinnaaneq. Atuartut ilaatigullu angajoqqaat oqaloqatigineqartarlutik.Ilinniartitsisut atuartut pillugit siunnersorneqarsinnaasarput aammalu aqqutissiuunneqarsinnaallutik.

Naatsorsuutigivagut:

∙Siunnersortitut ilinniarsimanissaq assingusumilluunniit ilinniagaqarsimaneq

∙Naaertorlugit misilittagaqarneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

∙Namminissarsiorsinnaaneq iluaqutaassaaq

∙Anguniagaqarsinnaaneq, akisussaaffimmik tigusisinnaaneq namminissarsiortuunerlu

∙Inuusuttuaqqanullu attaveqallaqqittuunissaq

∙Sapiissuseqarneq

∙Nutaanik ujartuisinnaaneq

∙Suleqatinik atuarfiullu avataaneersunik suleqateqallaqqissinnaaneq

Suliassat ilagaat:

∙Atuarfimmi angerlarsimaffillu suleqatiginera

∙Attaveqaataaneq, isumaginninnermik suliassanut tunngatillugu

∙Pillugit ilinniartitsunik siunnersuisinnaaneq aqqutissiuussisinnaanerlu

∙Atuartunik oqaloqateqarsinnaaneq angajoqqaat suleqatigalugit

∙Pilersaarusironeq atuartut, atuaqatigiillu pillugit. Isumaginninnikkut suliassat eqqarsaatigalugit

∙Pilersaarusioqataaneq

∙Avitseqaqatigiinneq

∙Siuarsaaqataaneq aammaluqinngasaaruttarnermik pinaveersaartitsinerit eqqarsaatigalugit. Atugarissaarnissaq suleqataaffigalugu

∙Tunngasunik suleqataaneq

Suliassat anguneqartassapput atuarfimmi sulisut allat pisortallu suleqatigalugit. Taakku saniatigut avataaneersunik suleqateqarneq Ilaqutariinnermi ingerlatsivimmeersunik, Peqqik pinaveersaartitsinermilu suliaqartut, MISI aammalu atuarfimmi Isumaginninnermik siunnersortimik allamik suleqateqarnikkut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa tullianut Karl Frederik Danielsen, oqarasuaat +299 36 64 01 imaluunniit e-mail: kfda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 429-26, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 14.-at, 2026