Nuussuup Atuarfia Pisortassarsiorpoq

Atuarfiup pisortaanik Kommuneqarfik Sermersuumi ataatsimut ineriartortitsinermik inerisisaaqataarusuttumik ataatsimoortitsilluarsinnaasumillu pissarsiorpoq.

Kommuneqarfik Sermersuumi pingaartitatut anguniarneqarput meeqqat alapernaattut, tatituut, peqqissut siunissamut takorluugallit angusaqarluartinnissaat. Kiisalu pisortat ersarissut piffimmi anguniagassalersuisut atuarfik ingerlalluaqqullugu.

Nuussuup Atuarfia trininut sisamanut agguataagaavoq: nukarliit 1.-3.kl, akulliit 4. – 7. kl kiisalu angajulliit 8. – 10. kl kiisalu immikkut atuartittakkat. Klassit 22-t. 367-nik atuartoqarpoq 38-inillu sulisoqarluni.

Pisortatut aquitsinissami aamma meeqqat inuunerissut pingaartippigit? Tamakkiisumik isiginnittariaaseqarpit aamma nammineq allalluunniit "suliai arlallit" tigummisinnaavigit sulilu qungujulallutit - taava immaqa illit tassaavutit pisortassatut ujartugarput.

Atuarfiup pisortassaatut ujartorparput:

·Atuarfimmik meeqqat inuusuttullu ilinniartinneqarneranni ingerlatsilluarusuttoq, illoqarfiup immikkoortortaqarfiani Nuussuarmi inissisimasoq. Atuarfiup ineriartortitseqinnissaanut atuarfiup siulersuisui, sulisut, angajoqqaallu peqatigalugit suliniuteqartoq

·Suliniutinik inissitsiterisinnaasoq atuarfimmi sullivimmik naammagisimaarinnillutik nuannarinnillutillu sulisitsilluni

·Ammasoq ersarissorlu anguniakkaminik ersarissumik siunniussalik, illoqarfimmi ummaarissumi ineriartortitsinermut peqataarusuttoq

·Perorsaanikkut allaffissornikkut kiisalu sulisunut tunngasunik suliaqarnermik soqutigisalik

·Pisunut malinnaalluartoq, aaliangiisinnaassusilik, pilersaarusiorsinnaassusilik sulianillu agguataarisinnaasoq atuarfiup nunarsuarmioqataanitsinnut ineriartortinnissaanut soqutiginnittoq

·Atuartoq qitiutillugu atuarfimmik ingerlatserusuttoq, atuartoq piginnaasani aallaavigalugit ineriartortinniarlugu

·Kommuneqarfik Sermersuumi atuarfiit akimorlugit suleqateqarsinnaasoq atuartut atualertussallu ineriartorteqqinnissaannut

·Ilinniartitsisutut ilinniarsimasoq imaluunniit assigusumik, kandidatitut ilinniarsimasuusinnaavoq

·Ajoranngippat marluinnik kalaallisut qallunaatullu oqaasilik, tuluttoorsinnaaneq iluaqutaassaaq piumasaqaataanngilarli

Atorfik akiliunneqarluni feriarsinnaanermut aningaasaateqarfimmut ilaavoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Maluginiaruk Tjenestemanditut atorfeqareersut kisimik atorfininnermi tjenestemandiutinneqarsinnaapput.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Riikki Grønvold, oqarasuaat +299 36 73 03 imaluunniit e-mail: rigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1035-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 23.-at, 2025

Atorfik una qinnuteqarfigiuk