Økonom – fuldmægtigi imaluunniit immikkut siunnersorti – Kalaallit Nunaanni aatsitassanut suliassaqarfimmut.

Aatsitassarsiorluni suliassat pissusiviusuni inuiaqatigiinnut aningaasarsiortitsinissaat aningaasaqarnikkullu akisussaassusilimmik tunngaveqartumik ingerlanneqarnissaat qulakkeerlugit, aatsitassarsiorfinnik ingerlatsinerit oqartussani aqutsivigineqarneranni qitiusumi inissisimanermut isumaginninnissamut fuldmægtigimik imaluunniit immikkut siunnersortimik Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik sulisussarsiorpoq.

Kalaallit Nunaanni aatsitassanut suliassaqarfik.

Kalaallit Nunaanni aatsitassanut suliassaqarfiup iluani ineriartornermi maannakkorpiaq mingutsitsinnginnissamik siunertaqarluni periusissatigut allanngoriartortitsineq malunnarpoq aammalu pingaartumik aatsitassat pisariaqartinneqartut iluanni periarfissat politikkikkut soqutigineqaqqilerlutik. Maannakkorpiaq aatsitassarsiorfiit marluk tunisassiornermiipput, aammalu aatsitassarsiorluni misissuinernik suliaqarnerit annertuut ingerlanneqarlutik. Aatsitassaqarsinnaaneranik annertuumik soqutiginninnerup ingerlaannarnerata kingunerisaanik, ilaatigut aatsitassaqarsinnaaneranik nunani tamalaani saqqummiussisarnermi nittarsaassinermilu, nutaanik sulilu amerliartuinnartunik suliassaqalertarpoq.

Oqartussap suliassaqarfiata ineriartortinnissaa Naalakkersuisoqarfiup suliassaanni ataqqinarnerpaajuvoq, taamaalillutik suliffissuit eqaatsumik suleqateqarlutik misigissallugu aammalu mianerisassat pisariaqartut mianerineqassallutik aammalu ingerlatanik nakkutilliineq ingerlanneqassalluni, taamaalilluni taakkua inatsisinut naapertuuttumik pissallutik.

Aatsitassarsiorluni suliaqarnernut atatillugu Naalakkersuisoqarfiup suliassaasa pingaarnersaasa ilaat tassaavoq, inuiaqatigiit kalaallit suliffissaqartitsinertut, inuussutissarsiutinik ineriartortitsinertut, akileraarutitut allatullu isertitatut ittunik sapinngisamik annertunerpaamik iluanaaruteqarnissaasa qulakkeerneqarnissaa. Taamaattumik aningaasaqarnermut fuldmægtigimi imaluunniit immikkut siunnersortimik suliffissaqartitsinissamik kiisalu aatsitassarsiorluni suliaqarnernut atatillugu najukkami innuttaasut inuussutissarsiortullu akuutinneqarnissaannik qulakkeereqataasussamik sulisussarsiorpugut.

Suliffeqarfiuvugut pissanganartoq sukkasuumik ineriartortoq. Ulluinnarni sulinitsinni inussiarnersumik oqaloriaaseqarneq malunnarpoq aammalu qullersanut qanittumik inissisimalluni, angusanut nammineq sunniuteqarsinnaanermut inissaqartitsiviulluni.

Aaqqissuussaanermi politikkikkut aqunneqartumi sulivugut, taamaattumillu politikkikkut aalajangiinerit isummersornat partiilersornallu piviusunngortittarnissaat nuannarissagit, piukkunnassutsini aalajangiisuulluinnartussaavoq.

Atorfik

Kalaallit Nunaanni aatsitassarsiorluni misissuinerup aatsitassanillu piiaanerup annertusiartornera ilisarnaataasutut annertusiartorpoq. Taamatut ineriartornerup kingunerisaanik inuiaqatigiinnut tunngasortat ataatsimoortumik allaffissornermi initunerulertussaapput. Illit – Aatsitassanut oqartussamiittut sinneri suleqatigalugit – Kalaallit Nunaanni aatsitassarsiornerup ineriartortinneqarneranit annertunerpaamik pissarsiaqartinnissaanut qulakkeereqataassaatit.

Sulisunngortussaq aatsitassanik suliaqarnermut suliassaqarfimmi suliffeqarnermut ilinniartitaanermullu tunngasut, inuussutissarsiornermut, aningaasaqarnermut inuiaqatigiinnullu tunngasortaasa iluanni misissueqqissaarnernik suliaqarnermi sunniutaasussanillu nalilersuinerni peqataasinnaassaaq suliaqarsinnaassallunilu.

Suliassani ilaatigut ilaapput: 

• Pisinnaatitsissummik pigisaqartup royalty-nut akiliutaannik nalilersuineq

• Pisinnaatitsissummik pigisaqartup aningaasaqarnikkut patajaassuseqarnerani paasisimasaqarneq, ilanngullugit aningaasaliinissamut pisariaqartitsinera annaasaqarnissamullu piumassuseqarnera

• Suleqatissanut/nunanut il.il. avataaneersunut suleqatigiinnissamut isumaqatigiissutinik suliaqarneq

• Nunani tamalaani naapittarfinni suleqatigiittarfinnilu sinniisuuneq.

• Inuiaqatigiinnut sunniutaasussanik misissueqqissaarnernik nalilersuineq (Inuiaqatigiinni piujuaannartitsisumik ingerlatsinermik nalilersuineq) aamma naatsorsuutinik misissueqqissaarneq.

• Ingerlatseqatigiiffik inuiaqatigiinnut sunniutaasussanik misissueqqissaarnernik suliaqarneranni ilitsersuineq

• Najukkani inuussutissarsiortut aatsitassarsiornermut suliassaqarfimmi suliaqarnissaannik siuarsaaneq

Atorfik ineriartortitsinermut atorfiuvoq, qinnuteqartoq eqqortoq inuiaqatigiinni misissueqqissaarnernut arlalinnik ilusilinnut annertuumik paasisimasaqalernissamut periarfissaqarluni aammalu Naalakkersuisoqarfiit/Aqutsisoqarfiit, kommunit, aatsitassarsiorfiutileqatigiiffiit suliffeqarnermilu illuatungeriit akimorlugit attaveqarfeqalernissamut sulinermilu misilittagaqalernissamut periarfissiilluni.

Ilisarnaatit

Kalaallit oqaasii kulturiallu ilisimasaqarfigigukkit annertuumik iluaqutaassaaq. Qinnuteqartunut Kalaallit Nunaata avataaneersunut, sungiusimasat saniatigut allanik kulturikkut atugaqarluni sulinissamut inuunissamullu piginnaaneqarneq, kajumissuseqarneq piumassuseqarnerlu pingaartinneqassapput. Ulluinnatsinni nunami namminermi nunanilu allani attaveqarfigineqartartut amerlasuujupput. Oqalunnermi allattariarsornermilu tuluttut ajornartorsiutiginagu oqalussinnaanerit allassinnaanerillu aalajangiisuulluinnartumik pingaaruteqarpoq. Pingaartumik pingaartissavagut:

• naleqquttumik aningaasaqarnermut ingerlaqqiffiusumik ilinniarsimasuuneq

• naleqquttumik misilittagaqarneq, ilanngullugu inuiaqatigiit aningaasaqarnerannik imaluunniit inuiaqatigiinnut sunniutaasussanik misissueqqissaarnernik suliaqarnermi misilittagaqarneq pitsaassalluni

• ineriartortitsinissamut suliniutinullu sammisumik sulinissamut piginnaasaqarluarneq, ilanngullugu suliassatigut atituunik suliaqarsinnaaneq aammalu ajornartorsiutit nutaat sukkasuumik paasisimalersinnaaneri

• assigiinngitsunik suliaqartunik suleqateqarnissamut piumassuseqarneq piginnaasaqarnerlu

• Aatsitassanut oqartussap suliassaqarfiisa allat iluanni suliassanik suliaqarnissamik piareersimasoq, pingaartumik piffissani ulapaarfiusuni

• tuluttut piginnaasaqarluarneq

• suleqateqarsinnaasoq namminersorlunilu sulisinnaasoq

• qinnuteqartut marlunnik, allattariarsornermi oqaluinnarnermilu kalaallisut/danskisut oqaasillit, piumaneqarnerussapput.

Aatsitassanut oqartussaq Namminersorlutik Oqartussanut ilaavoq. Sulisut 25-t missaanniippugut, Kalaallit Nunaanni uuliasiornermi aatsitassarsiornermilu misissuinissamut piiaanissamullu akuersissutinik allaffissornikkut aqutsilluta. Illoqarfiit pingaarnersaanni Nuummi inissisimavugut, tassani aallaaniarnissamut, aalisariarnissamut, imaatigut angalaarnissamut, nunami pisuttuarnissamut, sisorariarnissamut periarfissarissaarluni. Nuuk aamma takutitseqqaarfiusartumik filmertarfeqarluni, kulturip illorsuaqarluni, golfertarfeqarluni naluttarfeqarlunilu kulturikkut periarfissaqarluarpoq. Annertunerusut atuakkit uani www.bmp.gl, www.nanoq.gl, www.greenland.com aamma www.sermersooq.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.