P.A. (inuttut ikiorti) borgmesterimut

Kommunimi politikkikkut allaffissornikkullu aqutsinermut qanittumik suleqataarusuppit – borgmesterilu ulluinnarni suleqateqarlutit sullikkusuppiuk?

P.A.-mik pikkorissumik tatiginartumillu ujartuivugut, suleqatigisani peqatigalugu borgmesterimut sullissineq suliatigut, aaqqissuussaasumik strategimillu ingerlanneqarnissaa qulakkeerniarlugu. Atorfik aaqqissuussaanermi qitiusumi inissisimavoq borgmesterillu, allaffissornikkut aqutsisut kiisalu suleqatit avataaneersut akornanni pingaarutilittut attaveqaataalluni.

Atorfik pillugu

Borgmesterimut P.A.-tut borgmesteri kommunaldirektørilu pillugit atuuttumik P.A.-mik qanittumik suleqateqassaatit. Ataatsimoorlusi borgmesterip sulinerani ataatsimut isiginnissinnaaneq, siuariarneq ataqatigiissaarinerlu pilersissavasi, kiisalu aalajangiisarnermut atatillugu suliat piareersarneqarsimasut, ataqatigiissaarineq attaveqatigiinnerlu aqqutigalugit tapersersorlusi.

Suliassat pingaarnerit ilaatigut makkuussapput:

∙Suleqatit peqatigalugit ullorsiutit, ataatsimiinnerit malitseqartitsinerillu ataqatigiissarneri∙Attaveqatigiinnermut paasissutissiissutinullu tapertaaneq – ilanngullugit digitalikkut saqqummiussinerit∙Suliassanik pingaarnersiuisarnermut aqutsinermut tunngatillugu tapersersuineq∙Aalajangiinissamut tunngavissanik, paasissutissiissutinik oqalugiaatinullu immikkoortunik suliarinninneq∙Borgmesterip suliassaqarfiata ataatsimut isiginnissinnaanissaa siuariarnissaalu qulakkeerneq∙Ulluinnarni allanngorartunik ad hoc-suliassanik isumaginninneq

Atorfik paasissutissanik isertuussassanik suliaqarnermik imaqarpoq, taamaattumillu tatiginninneq, nipangiussisinnaaneq aammalu suliatigut pitsaasumik naliliisinnaaneq pisariaqarput.

Ujartugarput tassaavoq illit, uku piginnaaneqarfigigukkit:

∙Aqutsinermut sullissinermik ataqatigiissaarinermillu misilittagaqarneq∙Qanittumik suleqateqarnermi nuannarisaqarneq akisussaaffimmillu avitseqatigiinneq∙Allattariarsornikkut oqalunnikkullu erseqqissumik eqqortumillu attaveqarsinnaaneq – kalaallisut∙Aaqqissuussaanerup pisariusup iluani angalasinnaaneq∙Namminersorluni aaqqissuussaasumillu pingaarnersiuillunilu sulineq∙Tatiginassuseq aamma ilumoorussineq annertooq

Sulinermut atugassarititaasut

Atorfik borgmesterimik P.A.-lu suleqatigisamik qanittumik tatigeqatigiillunilu suleqateqarnermik imaqarpoq, kiisalu suliffiup avataani pisariaqartillugu sulinissamut piareersimaneq ilanngullugu suliffiup nikerartumik aaqqissuunneqarsinnaanera.

Kommunip politikkikkut aqutsisuinik qaffasinnerpaamik suleqatigiilluarnikkut tapersersueqataarusukkuit, qinnuteqaatit tusarusupparput.

Akissarsiat atorfinitsitaanerlu ministersekretærit pillugit isumaqatigiissut naapertorlugu ingerlanneqassapput (https://www.asa.gl/search/?search=ministersekret%C3%A6r&hl=da).

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit: 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 136-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 2.-at, 2026

Atorfik una qinnuteqarfigiuk