Paamiuni ikummatissaasivimmi pisortaq

Polaroil pikkorissumik tamatigoortumillu Paamiuni ikummatissaasivimmut pisortamik pissarsiorpoq piaartumik imaluunniit isumaqatigiissuteqarnikkut sulilersussamik.

Ikummatissaasivimmi pisortaasup ikummatissaqarfiup ineriar-torteqqinneranut peqataassaaq, atorfik suleqatigiinnissamut, piumassuseqqortunissamut eqaatsumillu suleriaaseqarnissamut piumasaqarfiuvoq.

Ikummatissaasiviup pisortaata ingerlatsinermi pisortaq Sisimiuniittoq qaninnertut pisortaraa.

Ikummatissaasivimmi pisortatut suliassaraatit:

· Ikummatissaasivimmi aqutsineq suliassanillu agguataarineq

· Ikummatissaasivimmi isumannaallisaanermut piumasaqaatinik ullormoortumik nakkutilliineq isumagisarissallugu

· Ikummatissanik imerpalasunik aamma F-gas, Tekniske gas-inik, perrassaatinik ullormut tuniniaanerit isumagisarissallugit

· Illoqarfiup nunaqarfiillu tankeqarfiini ingerlatsinermik aserfallatsaaliinermillu siunnersuisuussalluni

· Naatsorsuuserineq karsimillu isumaginninneq taakkunin-ngalu nakkutilliineq ingerlattassallugit

Atorfik imaattumik inuttalerusupparput:

• Ikummatissaasivimmik ingerlatsinissamik ilisimasaqartuussasoq (piumasaqaataanngilarli), aammalu teknikkimut tunngasunik ilinniagaqartuussasoq imaluunniit tamakkua suliassartaannut misilittagaqartuussasoq tamatigoorluinnartorlu, kiisalu marluinnik oqaatsinik atuisinnaaneq iluaqutaassaaq

• Aqutsisinnaanermik tunuliaqutalik/misilittagalik kiisalu aam-ma sulisoqarnermut ineriartortitsinissamullu paasisimasalik

• Ammasuussasoq, sullisserusussuseqassasoq eqaatsumillu suleriaaseqassasoq

• Annertuumik nammineersinnaatitsineqassaaq

• Qarasaasiamik atuinissamut nakimaanngitsoq

Atorfinittussamut neqeroorutigaagut:

· Piginnaasat naapertorlugit isumaqatigiissuteqarnikkut akissaateqartitaaneq

· Akissarsiat: KNI A/S SIK-llu isumaqatigiissutaat atuuttut naapertorlugit

· Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit

· Atorfimmut atatillugu inissaqartitsisoqanngilaq

· Nuunnermi angalanermi kiisalu pequtit angallannerannut akiliunneqarneq

· Piginnaanngorsaqqinnissamut periarfissat pitsaasut

· Atorfik pissanganartoq ulluinnarni ulapaarfiusoq

Atorfik pillugu paasisaqarnerorusukkuit nunap immikkoortuani pisortaq Jens Jørgen Petersen attavigineqarsinnaavoq oqarasuaatikkut: 86 84 30, mobilikkut: 55 92 44 imaluunniit mail-ikkut: jjp@kni.gl aamma ingerlatsinermut pisortaq Gerth Jack Storer attavigineqarsinnaavoq oqarasuaatikkut: 86 23 08, mo-bil: 48 51 77 imaluunniit mail-ikkut: gjs@kni.gl.

Qinnuteqaat

Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 13. april 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpu-gut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.