Paamiuni Inuusuttut kulturikkut Illuat sulisussarsiorpoq

Paamiuni Inuusuttut kulturikkut Illuat pilersinneqaqqammerpoq taamaattumillu suleqatissarsiorpugut ineriartortitseqataasussamik.

Paamiuni Inuusuttut kulturikkut Illuat inuusuttunit 14-niit qummut ukiulinnut atuisoqarpoq inuusuttullu suleqatigalugit kulturimut tunngasunik sammisassanik assigiinngitsorpassuarnik pilersitsinissamik siunertaqarluni. Inuusuttut kulturikkut Illuanni sammisassat amerlanerpaat inuusuttut pilersitserusussusaannit nukiinillu pilersinneqartarput isumassarsiaminnik suliniutiminnillu piviusunngortitsiniarnerminni ikiorneqarsinnaapput.

Ulluinnarni inuusuttunut atuisunut attaveqaataasussaagavit perorsaanermi sakkussavit ilisimaarinissai pingaaruteqarpoq minnerunngitsumillu inuusuttunik sullisserusunnissat. Illumik avataanut nittarsaassisuussaatit.

Suliassat assigiinngitsuupput soorluttaaq ullut suliffiit taamaattut - taamaattumik naleqqussarsinnaassaatit ammasuullutillu.

Paamiuni suliffeqarfinnik assigiinngitsunik qanimut suleqateqarpugut soorlu: Atuarfik Tuiisaq, najukkami pitsaaliuinermik suliaqarfiusoq - sunngiffimmi ornittagaq klubbi Kalaaleq – katersortarfik Taqqissuut – timersortarfik – Sannavik – Paamiut Katersugaasivia – ilaqutariinnut sullissivik Tilioq, tassani inuusuttunut siunnersorteqarpoq. Paamiuni Kultureqarnermut Immikkoortortaqarfiup aqutsisua pisortarissavat.

Akisussaaffigissavatit:

∙Pinngorartitsilluni mersortarfimmik, qalipaasarfimmik allanillu sullivinnik aallartisaanerit ingerlatsinerillu.

∙Atortussanik pisineq

∙Atuisut akornanni ataqqeqatigiinnissaq, suleqatigiittoqarnissaa tatigeqatigiittoqarnissaalu qulakkiissallugit.

∙Atuisunut illumi ingerlaavartumik aaqqissuussaqartarnissaa qulakkiissallugu.

∙Inuusuttut Paamiuni saqqummersitaasa isiginnaagassiaasalu innuttaasunut takutinneqartarnissaat qulakkiissallugu

Naatsorsuutigaarput illit:

∙Suliffinni, atuisunut suleqatissannullu ingerlatsisutut siuttuunissat

∙Ineriartortitsinissamik siunertaqarneq inuusuttullu piginnaasaannut tunniussassaanullu periarfissarsiornissamut tappissuuneq

∙Pinngorartitsisinnaasutit suliaqarnissamullu ujartuillaqqissuusutit

∙Inissaqartitsisutit ataqqinnittuullutillu

∙Inuusuttut naligalugit peqatigisinnaagitit illumilu pilersitassanik peqatiginissai aallussinnaagitit

∙Suliffeqarfik aningaasaqarneralu aaqqissuussamik aqussinnaagitit ingerlassinnaagitillu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Naatsorsuutigaarput naleqquttumik ilinniagaqarsimanissat, ilinniartitsisutut imaluunniit inunnik isumaginnittutut atorfimmillu assingusumik meeqqanik inuusuttunillu sullissaqarlutit misilittagaqartutit. Pingaaruteqarpoq, illumi atuisunut saaffigiuminartuunissat suliassannullu akisussaassuseqartutit suliniutinillu namminersuuteqarsinnaasutit. Illup ammasarfii allanngorartuummata tamatigoortuunissaq pingaaruteqarpoq. Naatsorsuutigisinnaavat minnerpaamik sap. ak. nal. 14.00-22.00 unnukkoortarnissatkiisalu ukiumut weekendini tallimani sulisarnissat.

Sammisaqartitsinerit amerlasuut assassornermut, nipilersornermut, tamanut saaffiginnittunut tunngasuupput kiisalu angalanerit qaqqanut pisuttuarnerit, sikumi aalisarnerit, sisorarnerit silamilu sammisaqartitsinerit assigiinngitsut taamaattumik takorloorsinnaasariaqarpat ilinnut tulluarnersoq.

Neqeroorutigaarput:

Inuttut suliannullu atatillugu inuppassuarnik assigiinngitsunik attaveqaqateqartassaatit ilinnut inuttut suliatigullu sutigut tamatigut pissarsiaqaataasussamik. Paamini Inuusuttut kulturikkut Illuat ilusilersorneqaleruttorpoq ineriartortinneqarlunilu taamaallutit paaqqinniffiup aaqqissuussaaneranut sunniuteqaqataalluarsinnaavutit.

Inuusuttut kulturikkut Illuata ineriartortinnissaa inuusuttunillu suleqateqarneq qulakkeerniarlugu pisortaq peqatigalugu tulluartumik ilinniaqqinnissamik aalajangiisoqarsinnaavoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Karl Lorentzen, oqarasuaat +299 36 76 55 imaluunniit e-mail: klor@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 152-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 4.-at, 2026