Paamiuni meeqqerivik Mike isumaginninnermi ikiortimik atorfimmut pissarsiorpoq

Isumaginninnermi ikiorti suliamut tunngatillugu anguniagaqarluartoq, nukissaqarluartoq piumassuseqarluartorlu Meeqqerivik Mike Paamiuniittumi ujartorparput

Illiua meeqqanut attaviginnilluartartoq qanilaarnermillu tunniussilluarsinnaasoq?

Taamaappat illiusimassaaq meeqqerivik Mike-mi isumaginninnermi ikiortitutatorfimmmut ujartugarput.

Meeqqerivik Mike tassaavoq Paamiuni meeqqerivik ataasiinnaq, aammalu suliffeqarfimmi piginnaassutsip qaffasissuunissaanut sulissutigaarput. Ilaatigullu 11-inik suleqateqassaatit, ineriartortitsinissamut ammasut, 51-inik meeqqanik 3-iniit 6-inut ukiulinnik, pingasunik ineeqqanik agguataarsimasut. Ullut tamaasa ataasinngornermiit tallimanngornermut ammasarpoq nal. 06:45-imiit 16:30-imut.

Anguniagaraarput 

Meeqqat meeraanertik toqqissisimasumik nuannersumillu avatangiiserisartillu misigissagaat, meeqqat ammasunngortinnissaat aamma imminnut tatigisunngortinnissaat tamatumanilu pingaartuuvoq meeqqat peqatigiinnermut akuusutut misigisimanissaat.

Meeqqat sulisunik peqateqarlutik aaliangeeqataasarnissaat, aaliangeeqataanerlu meeqqat ukiuinut inerisimaneranullu naleqquttuunissaa anguniarneqarpoq qanimut angajoqqaat suleqatigalugit .

Ilisarnaatigaarput

Meeqqat tunngaviusuni ineriartuutigisassaasa saniatigut timi aalanerlu aamma najukkatsinni pinngortitaq kusanartoq atorluartarnissaa pingaartipparput, qanga , ullumikkullu kulturimut tunngasunik sammisaqarneq aamma meeqqat meeqqerivimmiit atuarfimmut atualernissamut pitsaasumik ikaarsaartinnissaat

Suleqatigiiulluta tamatta meeqqanik sullissinermik nuannarisaqarneq, naleqartitanik pingaartitsineq soorlu silamiinneq, toqqissisimaneq, qanilaassuseq aammalu ullut tamarmik meeqqanut angajoqqaavinullu nuannersuunissaannut pingaartitsineq.

Ujartorparput

∙Isumaginninnermi ikiortitut ilinniarsimasoq

∙Qanilaasuseqarlutik tikilluaqqusillutit inissaqartitillutik akuersaartumik angajoqqaanut meeqqanullu sullisisinnaassaatit

∙Suliffeqarfimmi , pinnguarnermik, aalasarnermik oqaatsinillu ineriartortitsinermik qitiutitsisumi sulerusussuseqarputit aamma taakku, perorsaanikkut sammisaqartitsinikkut, ineriartortikkusuppatit

∙Tamakkiisumik isiginnillaqqissuussasutit aamma suleqatiginnillaqqittutit

∙Tunuarsimaanat suliassamik tigusisinnaassaatit akisussaaffik-llu

∙Tamatigoortuunissat unneqqarissuunissallu Ammasuunissallu toqqissisimanermillu pilersitsisinnaanissat naatsorsuutigissavarput

Neqeroorutigisinnaavarput:

∙Suleqatit tamatigoortut

∙Pissanganartumik ataatsimooqatigiilluni ineriartorfiusumi peqataaneq

∙Angajoqqaat meeqqamik ulluinnaannik soqutiginnittut

∙Suliffimmi avatangiisit pitsaasut, quianarsinnaasunut illarnermullu inissaqartitsisut

Meeqqanut Atuarfeqarnermullu Ingerlatsiviup meeqqat alapernaatsut, tatitussusillit, peqqissut nuannaartullu pilersinnissaat anguniagaraa. Anguniakkat anguneqarnissaannut illit aqutsisoq qanimut suleqatigalugu ukkatarinissai naatsorsuutigineqarpoq

Meeqqerivinnut immikkoortortamit ulluunerani neqeroorutinut pikkorissarnerit ingerlaavartumik neqeroorutigineqartarput 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Jarti Willumsen, oqarasuaat +299 36 66 35 imaluunniit e-mail: jarw@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1231-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 12.-at, 2025

Atorfik una qinnuteqarfigiuk