Paarisa Siusissukkut Suliniuteqartartunut AC-fuldmægtiginik/siunnersortinik marlunnik sulisussarsiorpoq

Meeqqat, angajoqqaallu ikiuinikkut iliuuseqarfiginissaannut kajumissuseqarpit, aamma maani nunami susassaqarfiit akimorlugit suleqatigiinneq nukittorsarusuppiuk? Immaqa tassa illit/ilissi taakkuuvusi AC-fuldmægtigersagut imaluunniit siunnersuisussagut, suliniummi Siusissukkut Suliniuteqartarnermi ujarlernitsinni ineriartortitsisinnaasunik susassaqarfiit akimorlugit suleqatigiinneq nukittorsaasinnaasunik - ukkataralugit ilaqutariit meerartaartussat ilaqutariillu marlunniik ukiullit qummullu.

Atorfik pillugu

Isumaginninnermi Aqutsisoqarfimmi Siusissukkut Suliniuteqartarnermi suleqatigiinni AC-fuldmægtigisut/siunnersortitut qitiusumik inissisimalissaatit kommunit aamma suliaminnut ilinniarsimasut tapersersornissaanut, meeqqat mikinersaat aamma ilaqutaannullu sulialinnut - ukkatarinerullugit immikkut meeqqap ulluini siulliit 1000-it. Tulliuttut suliarisalissavatit:

• Nunami tamarmi siusissukkut suliniuteqartartunut, sulisunut siunnersuineq ilitsersuinerlu aamma sulianut tunngatillugu siunersiueqateqartarneq.
• Workshops-inik pilersaarusiorneq aaqqissuinerit aamma ilisimasanik avitseqatigiittarnerup ingerlannga
• Atortussanik sakkussanillu ineriartortitsineq suliaqarfinnut
• Suliaqarfimmi nuna tamakkerlugu aamma politikkikkut periusissat atuutilersitsinissamut suleqataaneq

Atorfik Isumaginninnermi Aqutsisoqarfiup immikkoortortaqarfiani Paarisa-mi inissisimavoq. Paarisa tassaavoq Isumaginninnermi Aqutsisoqarfiup nuna tamakkerlugu pitsaaliuinermut immikkoortortaq, Kalaallit Nunaanni peqqissuunerup atugarissaarnerullu siuarsarneqarnissaanut suliaqartoq - sualummik immikkut meeqqat inuusuttuaqqat pillugit. Kommunit oqartussallu qanimut suleqatigeqqissaarlugit suliassaqarfiit akimorlugit suleqatigiit ineriartortitsillutillu atuuttussanngortitsisarput.

Ilinnut tunngasut

Illit ujarpatsigit, inunnik isumaginninnermut suliatigut attuumassusilik soorlu isumaginninnermi siunnersorti, perorsaasoq imaluunniit assigisaanik. Iluaqutaasaaq illit:

• Siusissukkut suliniutinik suliaqarnermik ilisimasaqaruit aamma inatsisitigut sinaakkutissanik
• Suliniutinik suliaqarnermik misilittagalik
• Suliatigut imarisanik siammaassuerusussuseqartoq - allakkakkut aamma oqaatitsigut
• Attaveqarfigisartagassanik pissarsiullaqqissoq, suliaminnut suliaqartunut akimorlugit suleqatigiinnermik pilersitsillaqqittuusutit
• Meeqqat ilaqutariillu navianartorsiortunut pitsaasunik allanngortitsinikkut tapeeqataaffigisarnerisinngut kajumissuseqalersartoq
• Suliassat naammassineqarnissaannut atatillugu angalanertaqarsinnaavoq
• Kalaallisut aamma nunat avannarliit allat oqaasiitigut pitsaasumik piginnaasalik
• Kalaallit kultur-ianik ilisimasalik

Pingaarnerpaaq tassaavoq suliassaqarfimmut assut soqutigisaqarluartuunerit aamma siusissukkut suliniutinik ineriartortitsillutillu nukittorsarneqarnissaanillu suliaqarusussuseqarnerit, suleqatit pikkorissut aamma suleqatigisartakkat ilagalugit.

Neqeroorutigaagut

• Suliffik isumaqarluartoq, meeqqat ilaqutariillu navianartorsiortut atugassarititaanik pitsaanerulersinnissaannut pilersillugu peqataaffigisinnaasat
• Siusissukkut suliniuteqartarnermik qitiusumik ineriartortinneqarneranut nukittorsarneqarneranullu inissisimaneq
• Suliffik, assigiinngiaassusermi pingaartitsisoq suleqatigiinneq aamma sulerusussuseqarnermik
• Suliffeqarfik eqeersimaarfiusoq ineriartortoq, nutaanik eqqarsartariaatsinik inissaqartitsisoq aamma suliniuteqarsinnaanermut
• Suliatigut isumasioqateqartarnertigut periarfissaqarluartoq, ilinniaqqinneq aamma piginnaanngorsarneq

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Suliffiup sivisussusia: Sapaatip akunneranut 40 tiimit

Ulloq atorfiniffik:

1. juulip 2025 isumaqatigiissuteqarnikkulluunniit

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat

Atorfik pillugu annertunerusumik paasisaqarusukkuit attavigissallugu Mikkel Cuarteros-Hansen, mail: mikch@nanoq.gl tikilluaqquneqarputit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk