Paarisami Siusissukkut iliuuseqartut suleqatigiit suleqatissarsiorput

Meeqqanut Ilaqutariinnullu ilungersunartumi inissisimasuni suliaqarnermi sunneeqataarusuppit? Nunatsinni tamanna pillugu susassaqartunik suleqateqarusussuseqarpit? Taava illiussaaq AC-fuldmægtigi, siunnersorti imaluunniit konsulenti najoqqutassaq Siusissukkut suliniuteqartartuni suleqatigiikkuutaanut ineriartueqataasussaq inunnillu suliaqartunik suleqatigiinnissaanut nukittorsaasussatut ujartugarput – ukkatarineqarput ilaqutariit naartusortallit ilaqutariillu marlunnik ukioqalernissaata tungaanut meerartallit.

Atorfik pillugu

Isumaginninnermi pisortaqarfiup ataani Siusissukkut suliniuteqartartut suleqatigiikkuutaat suleqatigilerukkit meeqqat nukanganerpaat aammalu taakku ilaqutaat pingaarnertut suliassarissavatit – immikkut sammillugu meeqqap ullui siulliit 1000-t pillugit kommunenut susassaqartunullu ikorfartuisuunissat:

• Nuna tamakkerlugu Siusissukkut suliniuteqartunut sulianut tunngasunik siunnersuinerit siunersiueqatigiinnerillu
• Workshopinut pilersaarusiorneq ilisimasanillu siammarterinissamut ingerlatsineq
• Atortussianik ineriartortitsineq aammalu taakku tigussaasunngortitsisinnaaneq.
• Suliaq pillugu inuiaqatigiit iluanni politikkikkullu tunaartanut tunngatillugu atuutitsilersinnaasumik tunniusseqataaneq.

Atorfk Isumaginninnermut Aqutsisoqarfiup ataani Paarisamut atavoq. Paarisa Isumaginninnermut Aqutsisoqarfiup nuna tamakkerlugu pinaveersaartitsinermik suliaqartutut immikkoortortaraa, suliniutigalugit nunatsinni peqqinneq atugarsinnaarnerlu qaffassarnissaaneq– matumani immikkut meeqqat inuusuttullu pillugit anguniagaqartuuvoq. Susassaqartut suleqatiginerisigut peqqinnerulernissaq pillugu kommunet pisortaqarfiillu qanimut suleqatigilluinnarlugit atuutitsilersinnaassaput ineriartortsissallutillu

Neqeroorutigisinnaavagut:

• Immikkoortortaqarfik ineriartortuartoq peqataaffigilissavat
• Suleqatigiikkuutaat eqeersimaartut ilinniarluarsimasut siunersiueqatigiillaqqissullu suleqatigissavatit
• Suliffeqarfik assigiinngittunut inissaqarluartoq, suleqatigiilluarnissamillu angisuumik pingaartitsisoq
• Atorfik ilisimasaqarnerulernissamik inuttullu ineriartornissamut periarfissiilluartoq
• Suliffimmi qimoriarsaalluartumik aqutsisulik, suliap sunniutaanik oqaasertaliisinnaasumik suliffimmilu atugarissaartitsinissamik pingaartitsisumik

Naatsorsuutigaarput, makkuninnga piginnaaneqassasutit:

• Naleqquttumik ilinniagaqartoq, masteritut imaluunniit kandidatitut qaffasissusilimmik
• Siusissukkut suliniuteqartunik suleqatigiikkuutaat pillugit aammalu inatsisitigut sinaakkutit pillugit ilisimasaqartoq.
• Pisortatigoortunik avammut tusarliisinnaasoq – allakkatigut oqaatsitigullu
• Isumaginnittoqarfimmi susassaqartullu akornanni oqaloqataasinnasoq, suleqatigiinnerlu taassuma iluaniittoq piuminarsaaffigalugu.
• Suliniutinik – ineriartortitsinermillu sulianik misilittagalik.
• Inussiarnersoq, naaperiaasinnaasoq aammalu ammasoq.
• Kalaallit Nunaanni pissutsinik kulturianillu ilisimasaqarluartoq.
• Oqaatsitigut eqarisaqanngitsoq kalaallisut aammalu nunat allat avannaamioqatigiit arlaasa oqaasiinik atuisinnaasoq.

Isumaginninnermut Aqutsisoqarfik pillugu

Isumaginninnermut Aqutsisoqarfik Naalakkersuisut ataanni aqutsisoqarfiuvoq arfinilinnik immikkoortortalik:

 Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq Unnuarlu Innersuussinermullu immikkoortortaqarfik, Sullissisunut Siunnersuisarfik, Meeqqanik Inerisaanermut immikkoortortaqarfik, Allatseqarfillu. Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.

Ulloq atorfiniffissaq:

Atorfik 1. sep. 2025 imaluunniit isumaqatigiissuteqarnikkut inuttalerneqarniarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasissutissat sukumiinerusut pissarsiarerusukkikkit, Paarisami immikkoortortaqarfimmi pisortap Helena Lynge Møller-ip saaffiginninnissannut tikilluaqqusaavutit: helm@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk