Paasissutissanut Isumannaallisaanermi Pisortaq

Tusassimi ineriartortitseqataallutillu isumannaallisaanermut pitsanngorsaaqataagit!

Atorfik pillugu

Paasissutissanut Isumannaallisaanermi Pisortatut suliffeqarfiup isumannaallisaanermut suliaanut sammivilernissaannut akisussaasunngussaatit, suliffeqarfiullu iluani isumannaallisaanermi piumasaqaatinik malinnittoqarnissaanik qulakkeerisuussallutit. Aqutsisunut qitiusutut avitseqataasartutut inissisimallutit IT-mi, ingerlatsinermi, teknikikkut niuernermilu qanimut suleqatitut inissisiimassaatit, taamatuttaaq suliffeqarfiup avataani suleqatinut suleqateqartillutit navianartuusinnaasunik naliliinermi, isumannaallisaanermi suliniutinik iluatsilluarsinnaasunik pilersitseqataanermi taamatullu attaveqaasersuinermi aalakkaatsumik patajaattumillu ingerlatisinnaaneq qulakkeernissaa ingerlattassavat.

Paasissutissanik Isumannaallisaanermut immikkoortortaqarfiup Tusass ullutsinni isumannaallisaanermi atortorissaarutinik malinnaanissamik pitsanngorsaaqataanissaminillu suliaqartutut inissisimavoq. Tamanna isumannaallisaanermi nalunaarsuinermi uppernarsaasiornermilu ilaatigut ISAE 3402-mik atuinermik ingerlaanneqassaaq, aammalu suliffeqarfiup iluani suleqatit ilagalugit paasissutissatigut isumannaallisaanermi teknologiinik atugaalersunik atuisitsisinnaalernikkut pissaaq.  

Tamatuma saniatigut suleqatinik pikkorissaajuarneq, siulersuisunut aammalu suleqatigiisitanut ataatsimiisitalianullu attuumassutilinnut nalunaarusiortarneq ingerlataralutigut. Aallaavittut Isumannaallisaanermut malittarisassat ISO-27001-it atugaralugit suliaqartarpugut.

Tusass-ip maannamut pseriusissiaa ukiumut 2028-imut ingerlavoq, tassanilu nuna tamakkerlugu digitalitigut attaveqaasersuineq pitsanngorsarneqarnissaa, atuisut misigisaat pitsanngorneqarnissaat, isumannaallisaanerup annertusarneqarnissaa aammalu teknologinik nutaanik aningaasaliisinnaanerit aallunneqarput.

Paasissutissanut Isumannaallisaanermi Pisortatut Tusassip anguniagaanut annertuunut, ilaatigut nuna tamakkerlugu digitalitigut attaveqaasersuinermi aalakkaattumik patjaattumillu ingerlatsinermi siunissamut tulluussarnissamut suliaqarfiusumi, ingerlatsisussatut qitiusumillu aallussisutut inissisimalissaatit. Atortorissaarutinillu pisariaqavissortuni illersuisinnaanermi taamatullu qarasaasiatigut isumannaatsuunissamik nukittorsaaneq qulakkeerinninnerlu taamatullu digitalitigut aaqqiissutinik atuutsilersitatsinnik atuisunut, inuiaqatigiinnut aammalu siunissamut sillimmallutik naammassinneqataasinnaanissaat qitigusumik akiosussaaffigilissavatit.

Suliassatit ilaatigut ukuussapput:

• ISMS-imi atortorissaarutinik atugatsinnit navianartuusinnaasunik aamma naammatsittoqarneranik nalilersuineq, suliaqarneq aammalu malitseqartitsinerit ingerlanneri.

• Awareness-inik ingerlatsinissamut ukiumoortumik pilersaarusiorneq suliassanillu pilersitsineq, taakku pilersaarusiorneqarneri ingerlanneqarnerilu suliffeqarfimmi suleqatiti allat ilagalugit ingerlanneqartarput.

• Paasissutissanut Isumannaallisaanermut suliniutinik ingerlatsinermi ingerlariuutsinik inerisaaneq tamatumunnga upalungaarsimanermut pilersaarusiorneq ilaavortaaq.

• Immikkoortortaqarfimmi paasissutissanik isumannaallisaanermi ukiumoortumik sulianik tigumminninneq, aserfatsaaliuineq aammalu inerisaaneq.

• Kukkunersiuisunit nalunaarutinik aammalu paasisstuissanut suliaqartuni isumaqatigiissusianik malitseqartitsineq.

• ISAE 3402 type 2-nik tigumminninnermik ingerlatitseqqinnermi tigmminninneq.

• Enterprise Risk Management-imik suliniummik tigumminninneq – periusissiatigut navianarsinnaasunik inissiineq, nalilersuineq aammalu nuussineq.

Illit

Naatsorsuutigaarput:

• Suliffeqarfimmi suliaqarfinni assigiinngitsunik suliaqarfiusumi sulisinnaassuseqarnissamik paasinnilluarsimasoq aammalu akuersaarnerusumik aallaavilimmik attaveqaqatigiissinnaassuseqarnissamut pilersitseqataarusuttoq.

• Ersarissoq, ilakkuminarluni qanilaartuusoq.

• Attaveqaqatigiissinnaassuseqarluartoq IT-milu isumannaallisaanermi ersarissaasutussuseqartoq. Nalunngilaq inuit ingerlariutsillu pineqartut aappaattullu teknikki pineqartoq. Suliffeqarfimmilu sulisunut paasissutissatigut isumannaallisaaneq ajornaannerusumik paasiuminartunngortissinaagit.

• Paasissutissanik Isumannaallisaanermik siornatigut suliaqareersimanissat aammalu tamatumani aqutsisutut misilittagaqarsimasutit – aaqqissuussamik sulisinnaallutit, aaqqiissutissanik takunnissinnaalluarlutit iliuuseqarfigisinnaassuseqartutit aammattaaq suleqatikkuminartuusutit.

• Suliffeqarfimmi isumannaallisaanermik suliaqarusussuseqartuusutit.

Ilinniarsimanerit aalajangiisuunaviangilaq taamaattorli naatsorsuutigissavarput Paasissutissanut isumannaallisaanerup silarsuaanni ilisimasaqarluarnissat.

Piginnaasavit naatsorsuutigineqartunut naapertuuppata aamma ISO 27001-standard-inik taamatullu IT-kkut ingerlatsinermi isumannaallisaanermilu atortorissaarutinik attuumassutilinnik ilisimasaqarluaruit naammassaaq.

Tamatumalu saniatigut iluaqutaassaaq attaveqaasersuinerup silarsuaanut ilisimasaqaruit, piumasaqaataanngilarli.

Neqeroorutigaarput

Aqutsisutut inissisimavik pissanganartoq unammillernarsinnaasorlu, suliffeqarfimmilu inuiaqatigiinnullu pingaarutinilinnik suliaqartutut akisussaasuusumi, akuuffigiuminartumi, suleqatillu piginnaasaqarluartut tunniusimasullu akornganni atorfik.

Suliffeqarfik pitsaasoq nammineerluni akisussaassuseqarluni, sunniuteqarfiulluartumillu suliaqarluni suliffiusinnaasoq.

Sulianut tunngatillugu aammalu aqutsisutut ineriartoqqinniarnermik periarfissaqarluartoq.

Piginnaasallu naapertorlugit akissarsiassat aamma suliffimmut atatillugu najugaqarsinnaatitaaneq, nuunnermilu pigisanik assartuinissamut tapertinneqarsinnaaneq.

Atorfik Nuummi qullersaqarfimmi inissisimavoq.

Soqutiginnippit?

Toortagaq talerpiata tungaaniittoq toorlugu qinnuteqaat CV-lu nassiutikkit.

Qinnuteqaatinik e-mailikkut tigusaqarneq ajorpugut.

Qinnuteqaatit takkuttut tulleriaallugit suliarineqassapput oqaloqatiginninnerillu ingerlaavartumik ingerlanneqassallutik. Piukkunnartumik nassaarutta atorfik piaartumik inuttalerneqarumaarpoq.

Atorfik pillugu paasisaqarnerorusukkuit Sulisunut pisortaq Rasmus Christensen oqarasuaat +299 23 69 54-mut attaviginissaanut tikilluaqqusaavutit.

Tusass Pillugu

Tusass suliffeqarfiuvoq Nunatsinni oqarasuaateqarnikkut attaveqaqatigiinnermi allakkerinermilu suliaqartoq, Nuummilu qullersaqarfia inissimalluni. Inuit, Suliffeqarfiit, inoqarfiillu attavilersorpagut, oqarasuaatitigut, internetikkut, allakkisarnermi, assartuinermilu ataqatigiissaarinikkut – inoqarfiillu tamaasa attaveqaqatigiinnermut kabelimik, radiokkut, qaammataasakkullu attavilersuisuulluni.

Nuna tamakkerlugu sulisut 350-it missaaniipput, taakkulu inuiaqatigiinni ulluinnarni ineriartortitsinermilu pisariaqartitanik attaveqaasersuinermi assigiinngitsutigut suliaqartuullutik.

Ukiumi 2025-mi suliffeqarfiup 100-liinera nalliuttorsiutigaarput, taamaattorli ukiumi 2021-imiilli kisiat Tusass atitut atulersimallugu. Aqqiup taassumap anguniakkagut ersersitarai: Attaveqarneq – teknologikkut inunnullu.