Peqqinnissaq Pillugu Kattuffiit (PPK) Peqqissaasullu Kattuffiat (PK) kattuffiit pillugit immikkut ilisimasalittut siunnersortimik – anguniagalimmik pimoorussisumillu pissarsiorpoq.

Kattuffimmi politikkikkut aqutsisumi, PPK-mi PK-milu ilaasortanik ilitsersuinermut 

siunnersuinermullu tunngasunik suliassaqarfiusumi sulerusuppit? Allaffissornikkut 

ingerlatsinermut, ilitsersuinermut siunnersuinermullu piginnaasatit tamakkerlugit atorusuppigittaamaalillutit PPK-mi PK-milu siulittaasunut ilaasortanullu ataatsimuulersitsillutit? 

Suliassanik ataatsikkut arlalinnik ingerlataqarneq nuannaraajuk ataatsimullu isiginnilluarsinnaavit? 

Misissueqqissaarneq pikkoriffigaat, anguniagassatut siunniussassanik inerisaasinnaavutit, PPK-PPK-llu ilaasortaannut, sullivimmi avatangiisinut, inatsisinut atorfininnermut pisortallu 

ingerlatsinerannut tunngasunut iluaqutaasunik piviusunngortitsisinnaallutit. 

Atorfininnermut pisortallu ingerlatsinerannut tunngatillugu inatsisinik ilitsersuineq 

paasisimasaqarfigalugulu ilisimasaqarfigaat, siusinaartumik iliuuseqartartuuvutit 

namminersorsinnaassuseqarlutillu. 

Ilinniakkap politikkimut tunngasortaanik sulineq ilisimasaqarfigaat misilittagaqarfigalugulu/ilisimasaqarfigilerlugulu misilittagaqarfigilissavat. 

Pingaarnertut tunngavissat nassuiarsinnaavatit akissuteqarfigisinnaallugillu, suliassanullu politikkikkut pingaarnersiukkanut naatsorsuillaqqissuullutit. 

Akisussaaffiit: 

• PPK-p PK-llu siulittaasuinik siulersuisuinillu ikorfartuineq siunnersuinerlu, 

tamatumunngalu atatillugu isumaqatiginninniarneq- inatsisilerineq politikkilu pillugit 

siunersioqatigiinneq suleqatigiinnerlu. 

• Kattuffiup ilinniagaqassutsikkut immikkoortuinut atatillugu sulianik nalinginnaasunik 

immikkullu ittunik ingerlatsineq. 

• Sulisoqarnermut, atorfinititsinermut pisortallu sullissinerannut tunngatillugu inatsisinik 

ilitsersuineq sulianillu ingerlatsineq. 

• Kattuffinnut pineqartunut tunngatillugu siulittaasunik, sulisut sinniisaannik sullivimmilu 

avatangiisit pillugit sullissinermi sinniisuutitanik qanimut suleqateqarneq. 

• Nalinginnaasumik allaffissorneq- soorlu qarasaasiarsorneq, ilaasortanut tunngasunik 

suliaqarneq, allatseqarfik il.il. 

• Naatsorsuuserineq akuersisartutut siullertut akiligassanik akiliineq kukkunersiuinermilu 

ikiuunneq 

• Allattaaneq 

Ilinniagaq piginnaasallu: 

• Naapertuuttumik, ajornanngippat peqqinnissamut tunngasumik, diplom-, master- imal. 

kandidatitut qaffasissusilimmik ilinniagaqarneq. 

• Ajornanngippat inatsisinik sulisoqarnermut-, atorfinititsinermut- pisortallu 

ingerlatsinerannut tunngasunik ilisimasaqarneq. 

• Kattuffimmi ilinniakkat politikkimut tunngasortaannik suliaqarnermik misilittagaqarneq 

iluaqutaassaaq. 

• Misissueqqissaarnermik, aaqqissuussamik nutaaliorsinnaassutsimik tamatumalu 

peqatigisaanik atituumik suleqatigiinnermik qitiutitsilluni sulisinnaaneq. 

• Ammasumik pimoorussisumik inissaqartitsisumillu inunnut isiginnittariaaseqarneq. 

• Allatseqarfimmi anginngitsumi PPK-mi PK-milu siulittaasuusumik suleqateqarsinnaaneq. 

Qinnuteqaat: 

Qinnuteqaat mailikkut ”kattuffiit pillugit immikkut ilisimasalittut siunnersorti”nalunaaqutsiullugu 

kingusinnerpaamik 16-februar 2026, nal. 12.00 uunga nassiunneqassaaq: siulittaasoq@pk.gl, 2026-imi maajip aallaqqaataani isumaqatigiissuteqarnikkulluunniit, atorfinititsinissaq siunertaralugu, qinnuteqartunik oqaloqateqarnissap sap. ak. 8 aamma 9 pinissaa naatsorsuutigineqarpoq. 

Namminersorlutik Oqartussat kattuffiullu isumaqatiginninniarsinnaatitaasup isumaqatigiissutaat naapertorlugu akissarsiaqartitsisoqarlunilu allatigut atorfininnermut atatillugu atugassaqartitsisoqassaaq. 

Atorfimmut atatillugu inissamik neqeroortoqanngilaq. 

Aalajangersimasumik atorfinitsitaasoq, aapparisaq tamaaqataaluunniit- meeqqat 

angerlarsimaffimmi najugallit 18-init inorlugit ukiullit, pisattat Qallunaat Nunaanni najukkamiit 

Kalaallit Nunaanni najukkamut nassiunneqarnerat ukiullu pingasut qaangiunneranni utimut 

angalaneq pisattanillu assartuineq, sulisitsisumit akilerneqassapput. 

Atorfik, akissarsiat atorfininnermi atugassarititaasut ineqarnerlu pillugit paasussutissat 

siulittaasumut Navarana Johansen-imut oqarasuaatikkut: +299 533717 imal. mailikkut: 

siulittaasoq@pk.gl saaffiginninnikkut pissarsiarineqarsinnaapput.