Peqqissaanermik ilinniagalik

Peqqissaanermik ilinniagalik

Utoqqaat Illuat – Nuup qeqqaniippoq bussit unittarfiannit minutsi ataaseq ingerlagaanni tikinneqarsinnaasoq

Illoqarfiup utoqqartaasa ulluinnarni inuunerannut toqqissisimanermik, ataqqinninnermik sammisassaqartitsinermillu tunniussaqaqataagit - illillu nammineq ulluinnarni inuunerit isumaqarnerulersiguk ataatsimooqatigiinnilu nukittuuni peqataalerlutit.

Utoqqaat Illuat pillugu

Utoqqaat Illuanni najugaqartut 46-t inissaqartinneqarput - taakkunannga inissat 14-it qasuersaarfiupput - init immikkoortortani sisamaasuni agguataagaapput nalinginnaasumik utoqqalisut aamma innuttaasunut puiguttornermik assigiinngitsunik eqqugaasunut naatsorsuussaasut. Suleqatigiiuvugut 42-t suliatsinnut tunniusimasut pingaarnertut naleqartitavut soorlu qanilaassuseq, suleqatigiilluarneq, ataqqeqatigiinneq, nuannaarneq, tatiginartuuneq aamma attaveqatigiilluarneq aallaavigalugit suliatsinnik ingerlatsisut.

Taamaattumik uagutsinni nalerisimallutit sulissaatit

∙Suleqatigiit ataatsimooqatigiilluartut - ataatsimoorluta kivitseqatigiittarpugut taamaattumik erniinnaq sungiussissaatit.

∙Qanimut ersarissumik aqutsineq, matut ammasut pilertortumillu siunersioqatigiinneq atugaraavut - qaffasinnerunermik appasinnerusumillu atorfeqarneq atugaanngillat taamaattummik tusaaneqassaatit.

∙Piginnaasanik ineriartortitsineq aamma siunnersorteqarneq - pikkorissarnerit, suleqammit ilinniartinneqarneq arlaat ilinnut tulluartut pissarsiarissavatit.

∙Oqimaaqatigiimmik suliassat agguataarsimanerat - pigaartussanik pilersaarusiornermi suliamut piginnaasat aamma nungullarnanngitsumik oqimaaqatigiissitsineq anguniartuarpavut.

Illit suliassatit

∙Inuk qitiutillugu isumassuineq, piginnaanngorsaaqqinneq aamma malinnaffiginninneq - timip aamma eqqarsartaatsip peqqissusiat.

∙Suleqatit, pillorissaasut, nakorsat aamma qanigisaasut suleqatigalugit suliassaqarfiit assigiinngitsut sulianik ingerlatsipput.

∙Ulluinnarni ileqqussanik aamma najugaqartut sammisassaannik ineriartortitsinermut peqataaneq.

∙Ullormut uppernarsaanerit aamma pitsanngorsarneranni peqataaneq.

Illit ima piginnaasalik sulisorilerusuppatsigit...

∙Peqqissaanermik ilinniakkamik naammassinnissimassaatit imaluunniit naammassinnilerputit (ass. isumaginninnermut aamma peqqissaanermut assistentitut, peqqinnissaanermi assistentitut assingusorluunniit).

∙Kalaallisut, qallunaatut aamma/imaluunniit tuluttut oqalussinnaassaatit - aamma nutaanik ilikkagaqarnissat ammaffigissavat.

∙Utoqqarnut suliassaqarfik kajungerissavat, pitsaasumik oqaluttoqartarnissaanut akisussaaqataassaatit aamma najugaqartut qaqugukkulluunniit siulliuttassavatit.

∙Alapernaatsuussaatit, tunniusimasoq ulapittoqartillugulu eqqissisimasumik pissuseqarsinnaasoq.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Kathrine Lerch-Amondsen, oqarasuaat +299 36 61 31 imaluunniit e-mail: kler@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 544-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 23.-at, 2025

Atorfik una qinnuteqarfigiuk