Peqqissaanermik Ilinniarfik pedel-imik sulisussarsiorpoq

Peqataarusuppit suliffeqarfik pitsaasunik toqqissisimanartumillu ilinniartunut sulisunullu sinaakkusersornissaa?

Atorfiniffissaq: 1. maj 2026 immikkulluunniit isumaqatigiissuteqarnikkut.

Sulisussarsiuorpugut akunnaatsumik akisussaassuseqartumik pedel/assassornermi sulisartoq, ulluinnarni ingerlatsineq aammalu suliffimmik aserfallatsiiliinermik saaffigineqarsinnaasoq ilaatigut nalinginnaasumik sulinerup avataatigut.

Atorfiup siunertaa

Atorfiup siunertarivaa qulakkiissallugu suliffeqarfik, ilinniartunut najugaqarfiit aammalu illup eqqaa ajunngitsumik atassasut ilinniartut sulisullu ernumananngitsumik ulluinnarni atugaqarnissaat anguniarlugu. Pedel-i suliffiup atortortorissaarutillu aserfallatsaalerneqarnissaat isumagissavai aammalu ajornartorsiutit takkussinnaasut sukkasuumik ajornaatsumillu isumaginissaat.

Pedel-ip immikkut nakkutigisassarai akisussaaffigalugillu suliffeqarfiup ininniartunut ineerai aqqaneq marluk, ineqartunullu tamanut atorneqartartut, soorlu wc, igaffik, nerisarfillu.

Taakkua saniatigut pedel-i attaveqaataassaaq Matu Security-mut/mit kalerrisaarinernut atatillugu aammalu arlaatigut ajornaatsumik imaluunniit suliffiup nalinginnaasup avataatigut tuaviortumik isumagisassamik ilinniartuniit sianerfigitittarnerit. Taamaammat atorfik nalinginnaasumik akissarsiat saniatigut tapeqartinneqarpoq.

Suliassat:

Suliassatit ilaatigut ukuupput:

• Suliffiup illutaanik ulluinnarni ingerlatsineq aserfallatsaaliinerlu

• Assassorluni suliassat iluarsaassassalu annikinnerit

• Suliffeqarfiup ilinniartunut ineeraannut ataatsimoortarfiannullu nakkutilliineq

• Illup silataaniittunik aserfallatsaaliineq aammalu nivanneq

• Teknikkikkut atortunik, kalerrisaarutinillu nakkutilliineq

• Avataaniit sulisartunik attaveqaateqarneq ataqatigissaarisuunerlu

• Aserfallatsaaliinermik atortussanik pisiniarneq

• Kalerrisaaruteqartillugu Matu Security-mut attaveqaataaneq

• Suliffiup nalinginnaasup avataatigut Ilinniartuniit sianerfigitinneq arlaatigut akunnaatsunik imaluunniit tuaviortunik suliassanik pisoqartillugu

Naatsorsuutigaarput

• Assatit atorlugit sulineq misilittagaqarfigigit imaluunniit illunik aserfallatsaaliinermi misilittagaqartutit

• Nammineersinnaasuussaatit aammalu akisussaaffimmik tigusisinnaallutit

• Suliap ajornaatsumik naammassilluarnissaanut piginnaasaqassaatit

• Ilinniartunut sulisunullu suleqatikkuminartuullutillu ikiuukkumatuujussaatit

• Assigiinngitsunik nalaataqarnermi eqqissisimalluni akisussaassuseqartumillu qisuariarsinnaaneq

• Suliassat allanngujasinnaasut eqaatsumik naammassiniaaneq

Neqeroorutigaarput

• Atorfik tamatigoortoq namminersornartorlu

• Ilinniartut sulisullu ulluinnaanni pingaaruteqartutut inissisimasoq

• Sulisunik pimoorussisunik suleqateqarluarneq

• Matu Security aammalu ilinniartut suliffiup nalinginnaasup avataatigut attaveqartarnerannut saniatigut aningaasarsiatigut tapeqarneq.

Sapaatip akunneranut nal. 40-it suliffiupput

Paasissutissat allat

Atorfik pillugu sukumiinerusumik paasisaqarusukkuit Peqqissaanermik Ilinniarfimmi allaffimmi pisortaq Sofie Lynge Kreutzmann oqarasuaatikku: 349950/349976, emailikkut: solk@pi.gl imal. forstander Bettina Hanghøj Johansen oqarasuaatikkut: 349950/349953, e-malikkut: behj@pi.gl attavigisinnaavatit.

Qinnuteqaat

Qinnuteqarfissaq kingulleq: 31. marts 2026

Oqaloqatiginninnerit ingerlaavartumik ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.