FAKTA
Atorfiup suussusaa: Peqqissaanermik Ilinniarfiup igaffiani Nerisassiortoq, Ernæringsassistent imaluunniit Køkkenassistent-nik marlunnik pissarsiorpoq.
Suliffeqarfik: Peqqissaanermik Ilinniarfik
Qinnuteqarfissamut killigititaq: 26. oktober
Attavissaq: Marie Louise Siegstad oqarasuaatikkut: 349972, imal. e-mailikkut: mals@pi.gl
Atorfiit inuttalerneqarnissaat kissaataavoq 1. december 2026
Peqqissaanermut ilinniarfik ilinniarfiuvoq qitiusumik peqqinnissaqarfimmut tunngassutilinnut. Taamatuttaaq aamma pikkorissaanerit assigiinngitsut ingerlanneqartarlutik.
Peqqissaanermi Ilinniarfik 25 - 28 missaani sulisoqarpoq, inuussutissanullu siunnersuisoqatigiit innersuussaat napertorlugit nerisassiornissaq pingaartittuullugu, namminerlu nerisassanut politik-eqarluni.
Ulluinnarni kantiinami nerisartut nikerarput pikkorissartut atuartullu ingerlasut apeqqutaallutik, agguaqatigiissillugu 100 missaani nerisassiunneqartarput.
Suliffeqarfiup inuttut suliatigullu ineriartornissaq pingaartittuuaa.
Pilerigiviuk:
Kantiinami aqutsisorput suleqatigalugu nerisaqarneq pillugu politikkitut aalajangersagaasoq tunngavigalugu ilinniartut, pikkorissartut, ilinniartitsisut sulisullu allat ulluinnarni nerisasaannik isumaginninneq.
Pikkorissaanerni- ilinniarnermi sulinermilu pitsaasunik avatangiiseqartitseqataaneq
Taamaammat igaffik kantiinalu nutaanerusut ulluinnarnilu suliat assigiinngiiaartut neqeroorutigaagut.
Piginnaasat:
Inuussutissalerinermut tunngasumik ilinniagaqarneq, ataatsimoorluni sulianik naammassinninnissamut kajumissuseqarneq pimoorussinerlu.
Aalajaatsuuneq, eqaatsumik periuseqarneq akisussaassuseqarnerlu.
Aningaasanik nukinnillu atuinermut ilisimaarinninneq.
Illugiinnik (kalaallisut qallunaatullu) oqaaseqarneq iluaqutaassaaq
Sap. ak. nal. ak. suliffissat: 40
Ineqarneq
Atorfik inissamik neqeroorutitaqanngilaq. Qinnuteqartup Namminersorlutik Oqartussani atorfeqarnermut atatillugu ineqareersup inissamik innersuunneqarsinnaaneq attatiinnassavaa. Sulisutut inissiaq atorfininnermut atassuteqarpoq atorfimmiillu soraarnermi qimanneqassalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Paasissutissat allat
Atorfimmut tunngasut pillugit paasissutissat sukumiinerusut ilinniarfiup kantiinami aqutsisumut Marie Louise Siegstad oqarasuaatikkut: 349972, imal. e-mailikkut: mals@pi.gl attaveqarnikkut pissarsiarineqarsinnaapput.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.nanoq.gl -imi atorfiit pillugit immikkoortoq alakkarsinnaavat.
Qinnuteqaat
Qinnuteqarfissaq kingulleq 26. oktober 2026
Qinnuteqartunik oqaloqateqartarnissaq pisinnaavoq qinnuteqaatinik tigusaqaraangatta kingusinnerpaamilli sap. ak.44-mi pinissaa naatsorsuutigineqarpoq.
