Peqqissaasunngorniartuni immikkoortortaqarfimmi peqqissaaneq pillugu ilinniartitsisussarsiorpoq/professionsfaglæreriss

Peqqissaanermik Pinngortitamillu Ilisimatusarfik ulloq 1. maj 2026 aallarnerfigalugu isumaqatigiissuteqarnikkulluunniit atorfinittussamik Peqqissaanermik Immikkoortortaqarfimmi peqqissaaneq pillugu ilinniartitsisumik/ professionsfaglærerimik ilinniartitsisussarsiorpoq. Sapaatip akunneranut suliffiusartut akunnerit 40-uupput.

Atorfik ukiunut tallimanut killiligaavoq atorfinittussamullu erseqqissumik piginnaanngorsaaffiusussaalluni. Atorfinittumut atorfeqarnerup nalaani attuumassuteqartumik kandidatitut- imaluunniit masteritut naammassinissaq piumasaqataavoq. Piginnaasassat anguneqareerpata immikkoortortami tassani studieadjunktitut, isumaqatigiissutit malittarisassallu atuuttut naapertorlugit studieadjunktimik atorfinittussamik allagarsiussisoqareerneratigut atorfinitsitsisoqassaaq.

Peqqissaanermik Pinngortitamillu Ilisimatusarfik

Peqqissaanermik Pinngortitamillu immikkoortortaqarfiup Ilisimatusarfiup ataaniittup isumagisarai peqqinnissaq aamma pinngortitaq pillugit ilinniartitaanerit ilisimatusarnerillu, issittumi inuiaqatigiinnilu pissutsit ataqatigiisinnerisigut. Kalaallit Nunaanni peqqinnissaqarfimmut attuumassuteqarsinnaasunut pitsaasuumik, suliamik ingerlatsisinnaanissamut siunissami peqqissaasunngortussat Peqqissaanermik immikkoortortaqarfimmi ilinniartinneqartarput. Peqqissaanermik immikkoortortaqarfimmut aamma ilaapput SILA immikkoortortaqarfimmi (uumassusililerinermik ilinniartitaaneq) aamma Peqqinnissaq pillugu Ilisimatusarfik.

Ilinniarfimmut allatsissimapput ilinniartunngortussat 45-ut, immikkortortaqarfimmi (Immikkoortortaqarfimmi aqutsisunngortussaq), ulloq tamaat sulisartussat marluk, proffessori ullup ilaannaa sulisartussaq aamma ph.d-iinngorniartut kiisalu lektorit adjungerersimasut (qaffasissumik ilinniagalinnut) ilinniartitsiartorlutik tikittartut aamma ilisimatusartut attuumassuteqarsinnaasut.

Immikkoortortaqarfimmiit neqeroorutigineqarput peqqissaasutut bachelorinngorniartitsineq kiisalu ilinniareernerup kingorna- aamma praktikkertunut siunnersortinngorniarnissamut, aliaasuuteqartunut siunnersortinngorniarnissamut ingerlaqqissinnaaneq aamma suliaqarfiit ataasiakkaat pillugit pikkorissartitsinerit.

Atorfik pillugu

Inuussutissarsiutigalugu ilisimasalittut ilinniartitsisutut suliaqarfinni makkua peqataaffigalugillu akisussaaffeqarfigissavatit:

• Peqqissaasunngorniartunut siunnersuillunilu ilinniartitsineq

• Ilinnniartitsinerup pilersaarusiornera, ilinniartitsinermik ingerlatsineq ilinniartitsinerullu naliliivigineqarnera

• Ilinniartitsinermi atortussanik perorsaariaatsinillu periusissanik inerisaaneq

• Suliaqarfik pillugu ilinniartitaanerup ineriartortinneqarnerani suleqataaneq

• Ilinniarfimmi ilisimatusarnermi- aamma ineriartortitsinermi suliaqartunut tapersiisarneq

• Nakorsiartarfinni najuulluni suliaqartut suleqatigisarnissaat

Ilinniartitsinerni suliaqarfinni perorsaanikkullu tunngasutigut immikkoortortaqarfimmi ilisimatusarnerup- aamma ineriartortitsinerup pitsaasumik ingerlanneqarnissaata nukittorsarneqarnissaatalu qulakkeerneqarnissaanut tapersersuissaatit. Sulisut avataanilu suleqatigisartakkat suleqatigalugit inuiaqatigiit, peqqinnissaqarfiup suliaqarfiillu inuiaqatigiinnilu pisariaqartitat ilutigalugit ilinniartitsinerit ineriartortinneqarnissaannut qulakkeerinneqataassaatit. Atorfimmut ilaapput nammineerluni sulisinnaanneq aamma suliaqarfiit akimorlugit ineriartorfiusumilu suleqatinut qanimut suleqatiginnissinnaaneq.

Professionsfaglærerip qaninnertut pisortarissavaa Ilinniarfimmi aqutsisoq.

Piginnaasat

Qinnuteqartuni makkunannga piginnaasalik ujartorparput:

• Peqqissutsimut tunngatillugu bacheloritut, soorlu peqqissaasutut, ernisussiortutut imaluunniit assingusumik ilinniagaqarsimasoq

• Ukiut tallimat iluini kandidatinngorniarnissamut- imaluunniit masterinngorniarnissamut attuumassuteqarsinnaasumut naammassinninnissamut kajumissusilik

• Nakorsiartarfinni misissuisarnermi misilittagalik

• Peqqissaaneq- imaluunniit peqqinneq pillugit ilisimasat pillugit ilinniartitsinermik- akunniliulluni sullissinermik misilittagalik

• Ilisimatusarfimmi mikisumi piumassuseqarfiulluartumi eqaatsumik sulisinnaasoq aamma kajumittoq

• Kalaallit, qallunaat tuluillu oqaasiinik piginnaasalik iluaqutaassaqaaq, aamma Kalaallit Nunaanni nunarsuarmioqataanermilu pissutsinut ilisimasaqarluarnissamut paasisimasaqarluarnissamillu pingaartitsisoq

Suliaqarfimmut tunngatillugu eqqarsaqqissaarsinnaaneq, suleqatiginnissinnaaneq aamma pingaartinneqarpoq Kalaallit Nunaanni peqqinnissaq pillugu ilinniartitsinikkut ineriartortitseqataasinnaaneq.

Neqeroorutigaagut

• Atorfik piginnaanngorsarnissamut siunnerfeqarlunilu ilinniagartuutut ingerlatseqqinnissamut periarfissiisoq

• Suliaqarfimmmi nukittorsaanissamut ineriartortitseqataanissamullu allangueqataanissamut suleqatit piareeqqasut

• Peqqissaasunngorniarnermi ilinniartitaanerup ineriartortinneqarnissaanut tapersiinissamut periarfissaq

• Nakorsiartarfinni sulisunik aamma ilisimatusartunik qanimut suleqatiginninneq

Qinnuteqaat

Qinnuteqaat makkunannga imaqartinneqassaaq:

• Qinnuteqarnermut pissutaasoq

• CV innersuussutit allattorsimaffiinik ilalik

• Ilinniagarisimasanut uppernarsaatit

• Ilinniartitsisinnaanermut- aamma nakorsiartarfimmiinnermi misilittagaqarsimanermut uppernarsaatit

Attaveqarfigisinnaasatit/paasissutissat

Atorfik pillugu annerusumik paasisaqarusukkuit uunga saaffiginnissutigineqarsinnaapput Ilinniarfimmi pisortaq Lone Nukaaraq Møller oqarasuaatikkut ugguuna +299 347417 imaluunniit LNM@uni.gl.

Qinnuteqaativit tigunissaanut qilanaarpugut.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.