GUX Nuuk eqqiaasuni aqutsisussarsiorpoq

GUX Nuuk eqqiaasuni aqutsisussarsiorpoq 1. december 2026-imi imaluunniit isumaqatigiissuteqarnikkut sulilersussamik. Eqqiaasuni aqutsisutut ullut tamaasa eqqiaanermi peqataasassaatit, peqatigisaanillu atuarfiup eqqiaanermut suliassaasa pilersaarusiorneqarnissaat, aaqqissuunnissaat aammalu ataatsimut isiginiarneqarnissaat akisussaaffigissavatit. Atuarfiup ulluinnarni ingerlanneqarnerani pingaarutilimmik inissisimassaatit, atuartut sulisullu avatangiisini eqqiluitsuni pitsaasunilu atuarsinnaanissaat sulinissaallu qulakkeeqataaffigalugu.

GUX Nuuk Kalaallit Nunaanni ilinniarnertuunngorniarfiit annersaraat, atuartullu 500-t missaanniipput. Atuarfimmi ilinniartitsisut, allaffimmi sulisut, aqutsisut sulisullu allat suleqatigiillutik atuarfiup ilinniarfittut suliffittullu pitsaasuunissaa anguniarpaat.

Suliassat

• Ulluinnarni eqqiaanermi suliassanik pilersaarusiorneq, aaqqissuussineq agguaassinerlu

• Eqqiaanermut pilersaarutit, suleriaatsit sulisullu amerlassusissaat pillugit ataatsimut isiginnittuunissaq

• Eqqiaasut ulluinnarni aqutsiviginissaat, tassunga ilanngullugit ilitsersuineq, ilinniartitsineq malitseqartitsinerlu

• Sulisut peqannginneranni aammalu ulluinnarni ingerlatsinermi allanngortoqartillugu suliassanik ataqatigiissaarineq

• Eqqiaanermi pitsaassutsip malinnaaviginissaa suliassallu naammassineqarnissaat qulakkeerlugu

• Suleriaatsit pitsaasut, ersarissumik attaveqatigiinneq suleqatigiinnerlu pitsaasoq siuarsarnissaat

• Eqqiaanermut atortut, akuutissat aammalu inniminniinissamut pisariaqartitat pillugit ataatsimut isiginnittuunissaq

• Ullut tamaasa suliffiup nalinginnaasumik ilaatut eqqiaaneq, ilaatigut klassini, allaffinni, perusuersartarfinni aammalu ataatsimoorussamik atorneqartartuni

Naatsorsuutigaarput illit

• Aaqqissuussillaqqissuusutit, akisussaassuseqartutit aammalu ataatsimut isiginnissinnaasutit

• Suliassanik pilersaarusiorsinnaasutit, pingaarnersiuillutit tulleriiaarisinnaasutit aammalu malitseqartitsisinnaasutit

• Suleqatiginnillaqqissuusutit, attaveqaqatigiillaqqissuusutit aammalu suleqatit kajumissarsinnaagit

• Tatiginartuusutit, allanngorarsinnaasunut naleqqussarsinnaasutit aammalu ulluinnarni ingerlatsinermi aalajangiisinnaasutit

• Nammineerlutit allanillu suleqateqarlutit sulisinnaasutit

• Eqqiaanermik misilittagaqartutit; ataqatigiissaarinermik imaluunniit sulisunik aqutsinermik misilittagaqarneq iluaqutaassaaq

Neqeroorutigaarput

• Atorfik akisussaaffilik, eqqiaanermilu ulluinnarni aaqqissuussinermut sunniuteqarnissamut periarfissalik

• Suliffik assigiinngitsorpassuarnik suleqatilik

• Suliffimmi avatangiisit pitsaasut atuarfiullu sulisui allat peqatigalugit suleqatigiinneq pitsaasoq

• Ulluinnarni suliassat assigiinngitsut, eqqiaajuartillutit pilersaarusiorneq, ataqatigiissaarineq sulisunillu aqutsineq akisussaaffigissavatit

Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut atorfininnermi Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu aalajangersarneqassapput.

Qaammatini pingasuni misiliisoqassaaq.

Ineqarneq

Atorfimmut atatillugu sulisunut inissiamik innersuussisoqassanngilaq.

Qinnuteqarnissamut periaaseq

Paasissutissat annertunerusut rektor Arnannguaq Victoria Christiansen oqarasuaatikkut +299 363396-imut saaffigalugu pissarsiarineqarsinnaapput.

Oqaloqatiginninnerit ingerlaavartumik ingerlanneqassapput.

Qinnuteqaatit CV-mik ilinniagaqarsimanermullu uppernarsaatinik naleqquttunik ilallugu qinnuteqarnissamut nittartagaq aqqutigalugu kingusinnerpaamik ataasinngornermi 30. november nassiutissavat.