KNR Radiumut speakeri nipilerisuutigisoq

Teknikkimut pikkorippit, nipigippit radiulu uummaarissoq suleqataaffigerusuppiuk?

KNR radiumut speakerimik nipilerisuutigisumik tamatigoortumik pissarsiorpugut.

Speakeritut nipilerisuutigisutut KNR-ip ulluinnarni radiukkut aallakaatitsinerani pingaarutilimmik inissisimassaatit. Teknikki passussinnaassavat, nipilu ersarissoq tusarliussinnaassallugu.

Radiup ullormut aallakaatitassiorneranut ilaassaatit, aallakaatitassiat aallakaatitassiornerullu professionalimik, uummaarissumik teknikkikkullu qaffasissumik pitsaassuseqarnissaa qularnaaqataaffigalugu.

Atorfimmi teknikkimik paasisimasaqarneq, saqqummiillaqqinneq radiumilu suliaqarusussuseq atorfissaqartinneqarput.

Suliassatit

Speakeritut nipilerisuutigisutut makku suliarissavatit:

• radiumi teknikkikkut atortut atorsinnaallugit

• KNR-ip aallakaatitai naalaartartunut saqqummiuttassallugit

• nipilersukkat, jinglit, spottit, ilanngutassiat nipitigullu saqqummiussat allat passutissallugit

• radiukkut aallakaatitassiat aallakaatinneqarnissaannik pilersaarusiorneq

• radiup nipinik nipilersukkanillu aallakaatitaanik ineriartortitsineq peqataaffigissallugu

• nipilersortartunik apersuisinnaaneq nipilersukkanillu nutaanik saqqummersunik eqqummaarinneq

• silassamik ilimasaarut kalaallisuunngortillugulu saqqummiuttassallugu.

• KNR Radiup naalaartunut uummaarissumik, professionalimik soqutiginartumillu saqqummernissaa peqataaffigissallugu.

Naatsorsuutigaarput

• radiumik nipinillu aallakaatitsinermik soqutigisaqassasutit

• qarsarissumik erseqqissumillu nipeqartutit, uummaarissumik saqqummiussisinnaasutit

• teknikkimik paasisimasaqassasutit, radiullu teknikkianik nipilerineranillu soqutigisaqartutit

• nutaanik pilersitsisinnaassuseqartutit, alapernaatsuusutit nutaanillu isumassarsiorsinnaasutit

• suliartortarfiit nikerarsinnaapput - ullaaralaakkut, unnukkut weekendinilu - akornutigissanngikkitit

• assigiinngitsunik sulialinnik suleqateqarsinnaasutit, suliffiullu suliffiulluartuuniissaanut peqataassasutit

Iluaqutaassaaq radiomik, tv-mik, nipilerinermik allatulluunniit tusagassiutini sulinermik misilittagaqarneq, pingaarnerpaavorli radiumi sulerusussuseqarneq, teknikkimik paasisimasaqarneq nipimillu atuinissamut tunuarsimaannginneq.

Nipilerisoq nipilik

Speakeritut nipilerisuutigisutut KNR Radiumi immikkut inissisimaffeqassaatit nipilerissutit tunuanniikkavit mikrofonillu saavaniillutit.

Aallakaatitsinerup teknikkikkut ikkarnaateqannginnissaa qularnaarsinnaassavat, peqatigisaanillu nipilersukkat saqqummersut nutaat nunanit tamalaaneersut malinnaaffigigalugit.

Radiumi nipilerinerup, aallakaatitassiornerup saqqummiussinerullu tungaasigut piginnaanitit ineriartortissinnaavatit, silarsuarmullu nipilerinerup tusagassiornerullu naapiffianniut ilanngutissallutit.

Neqeroorutigaavut

• nunatsinni tamanut kiffartuussiviusumi atorfik pissanganartoq tamatigoortorlu

• radiup aallakaatitassiorneranut ineriartorneranullu attuumaqqissaarneq

• radiumi teknikkimik suliaqarneq, nipilerineq saqqummiussinerlu

• radiukkut allakaatitassiornerup nipilersukkanillu aallakaatitsinerup iluani piginnaasanik ineriartortitsineq

• suliffik nutaaliorfiusoq nuannersorlu

• KNR Radiup nipinik aallakaatitassiornermillu ineriartortitsinerani peqataaneq

Akissarsiat atorfimmilu atugassarititaasut

Atorfinitsitsineq pissaaq Naalakkersuisut kattuffiullu attuumassuteqartup isumaqatigiissutaat naapertorlugu.

Atorfininnermi qaammatit pingasut misiligutaassapput.

Atorfimmut inissaqartitsisoqanngilaq.

📞 Atorfimmut tunngasunik apeqqutissaqaruit saaffigisinnaavat radiomi pisortaagallartoq Andrea Christiansen, e-mail anc@knr.gl.

Atorfinitsitsinermut tunngatillugu apeqqutissaqaruit sulisoqarnermut immikkoortortaqarfik saaffigisinnaavat: hr@knr.gl

Tusarfiginissat qilanaaraarput! Qinnuteqaatit CV-llu nassiunniarigit. Qinnuteqaatit kingusinnerpaamik novembarip 30-ani tigoreersimassavagut.