PAASISSUTISSAT
Atorfiup suussusaa: Peqqissutsimut Inunnullu Innarluutilinnut Naalakkersuisoqarfik peqqissutsikkut suliatigut siunnersortimik, nunatsinni peqqinnissaqarfimmi misilittagalimmik pissarsiorpoq
Suliffeqarfik: Peqqissutsimut Naalakkersuisoqarfik
Qinnuteqarfissamut killigititaq: 4. juuli
Attavissaq: Laila Skydsbjerg Skytte, tlf. +299 34 65 81, e-mail: Liss@nanoq.gl
Peqqissutsimut Inunnullu Innarluutilinnut Naalakkersuisoqarfik peqqissutsikkut suliatigut siunnersortimik, nunatsinni peqqinnissaqarfimmi misilittagalimmik pissarsiorpoq
Politikkikkut aqunneqartumi peqqissutsimut tunngasunik allanngorartunik suliassaqarfiusumi sulissallutit takorloorsinnaaviuk, taava atorfissaqartippatsigit.
Peqqissutsimut Inunnullu Innarluutilinnut Naalakkersuisoqarfik peqqissutsikkut suliatigut siunnersortimik allannermik piginnaasalimmik, ernisussiortutut ilinniarsimasumik pissarsiorpoq.
Atorfik Periusissiornermut Pilersaarusiornermullu immikkoortortaqarfimmi inissisimavoq. Immikkoortortaqarfimmit Peqqissutsimut Inunnullu Innarluutilinnut Naalakkersuisoq sullinneqartarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasunut suliassanut akisussaasuulluni. Immikkoortortaqarfimmi sulinermut Peqqissutsimut Inunnullu Innarluutilinnut Naalakkersuisumik Naalakkersuisoqarfiullu pisortaanik sullissineq ilaavoq. Qaninnertut aqutsisussat tassaavoq immikkoortortaqarfimmi pisortaq.
Suut immikkut suliarisassavigit?
Suliassat ilaatigut makkuussapput:
Naalakkersuisumik peqqissutsimut sulianik siunnersuineq
Inatsisartunit Naalakkersuisunillu peqqissutsimut suliat pillugit apeqqutinik suliarinninneq.
Naalakkersuisoqarfinnik allanik immikkoortortaqarfiinillu suleqateqarneq
Naalakkersuisoqarfimmi suliassanik isumaginninnermi malinnaalluni ataatsimiinnerni peqataaneq
Peqqissutsimut sulianik misissueqqissaarinernik, nassuiaatinik, pilersaarutinik aamma peqqissutsimut sulianut periusissianik pingaarnernik kiisalu taakkunanngalu nakkutilliinermik nalilersuinermillu suliaqarnerit.
Naatsorsuutigaarput
Naatsorsuutigaarput ernisussiortutut professionsbacheloritut kiisalu ernisussiortutut kandidatitut ilisimatusarsimasutit (can.san.health). Tamatuma saniatigut naatsorsuutigaarput nunatsinni napparsimaveqarfiup katsorsaaviini misilittagaqassasutit.
Politikkikkut aqunneqartumi sulinermik soqutigisaqassasutit, tassunga ilanngullugit pisortat ingerlatsiviini suleriaatsinik paasisimasaqassasutit.
Oqaluttariarsornikkut allattariarsornikkullu attaveqaqatigiinnermik piginnaasaqarluassasutit
Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
Suliffeqarfimmi politikkikkut soqutigineqangaarfiusumi sunniuteqarluarnissamut piumassuseqassasutit
Kalaallinik inuiaqatigiinnik piorsarsimassusiannillu ilisimasaqarluartumik
Suliniutinut ataqatigiissaarinermut aqutsinermullu piginnaasaqarneq
Sulinermi aaqqiinissamik pingaartitsissasutit
Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaassasutit
Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput. Aallartisarnermik ingerlataqarnermik aammalu suleqatinillu misilittagalinniit ilinartinneqarnissat siunnersorneqarnissamullu periarfissamik neqeroorfigineqassaatit.
Qinnuteqarnermut killigititaq Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit ataani link-i aqqutigalugu kingusinnerpaamik ulloq juulip 4-aat nassiunneqassapput.
Ulloq atorfiniffissaq:
15. aggusti 2025
Suli annertunerusumik paasisaqarusuppit?
Atorfik pillugu paasissutissat sukumiinerusut immikkoortortaqarfimmi pisortamut Laila Skydsbjerg Skytte-mut saaffiginnilluni pissarsiarineqarsinnaapput, oqarasuaammut +299 34 65 81, e-maili: Liss@nanoq.gl
Akissarsianut, atorfinitsitsinermullu atugassarititaasut atorfinitsitaanerup nalaani
Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.
Massakkut PPK-mut isumaqatigiissummik suliaqaleruttorput, sulilu naluneqarluni qaqugu atsiorneqassanersoq, qinnuteqartoq isumaqatigiissut nutaaq suli naammassinngitsoq atorfinissappat, Ernisussiortut Kattuffiat / Den grønlandske jordemoderforening for jordemødre akornanni isumaqatigiissut atuuttoq kap 2, § 4, type 1, malillugu akissarsiaqartinneqassaaq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
