FAKTA
Atorfiup suussusaa: Peqqissutsimut inunnullu Innarluutilinnut Naalakkersuisoqarfimmi aningaasaqarnermut siunnersortit pisortaat– inissiartalik
Suliffeqarfik: Peqqissutsimut Innarluutilinnut Naalakkersuisoqarfik
Qinnuteqarfissamut killigititaq: juuni 30
Attavissaq: Laila Skydsbjerg Skytte tlf. +299 34 65 81 imaluunniit e-mailikkut Liss@nanoq.gl
Peqqissutsimut Inunnullu Innarluutilinnut Naalakkersuisoqarfimmi aningaasaqarnermut siunnersortit pisortaat– inissiartalik
Illit tassaavit sulisoq misilittagaqarluartoq, suliassat siumut ingerlanneqarnissaannik qulakkeerinnittussaq? Aningaasaqarniarnerup tamakkiisumik malinnaaffiginissaa pikkoriffigaajuk?
Peqqissutsimut Inunnullu Innarluutilinnut Naalakkersuisoqarfimmi siunnersortit pisortaattut atorfik ulloq 15. august 2025-mi imaluunniit tamatuma kingorna piaarnerpaamik inuttalerneqarnissaminut piareerpoq.
Naalakkersuisup sullinneqarnera siunnersorneqarnera, inatsisinik suliaqarneq, nakkutilliineq kiisalu peqqinnissaqarfiup iluani pilersaarusiorneq aamma ineriartortitsineq naalakkersuisoqarfiup suliassaani pingaarnerpaapput. Peqqissutsimut Inunnullu Innarluutilinnut Naalakkersuisoqarfik immikkoortortaqarfinnut pingasunik agguarsimasunik 20-t missaannik sulisoqarpoq. Tamatuma saniatigut aningaasaqarnermut immikkoortortamik, ilinnik aamma aningaasaqarnermut fuldmægtigimik inuttaqartumik kissaateqarpugut.
Siunnersortit pisortaattut aningaasaqarnermut tunngasunik suliarinninnermut tunngatillugu, Naalakkersuisoqarfimmi pisortamut, Naalakkersuisunut aamma Inatsisartunut tunniunneqartartunut akisussaasuussaatit.
Akisussaaffeqarfiit suliassaqarfiillu
Naalakkersuisoqarfiup peqqinnissaqarfiullu aningaasanut inatsimmik suliaqartarnerat, il.il.
Peqqinnissaqarfiup aningaasaqarnera pillugu Naalakkersuisut ataatsimiititaliallu isummernissaannik tunngavissiorneq
Naalakkersuisoqarfimmi missingersuutinut malitseqartitsineq aningaasaqarnermillu aqutsineq
Aningaasaqarnernik misissueqqissaarinerit, nassuiaatit aammalu sunniutaasunit naatsorsuinerit
Aningaasaqarnikkut suliassat Naalakkersuisoqarfiup akisussaaffeqarfiisa ataanniittunut tunngatillugu suliamut tunngasutigut suliassanullu tunngasutigut suliassanut tamanut akisussaasuuneq
Naatsorsuutigaarput, illit:
Naleqquttumik aningaasaqarnermik ilinniagaqarsimassasutit minnerpaamik kandidatitut qaffasissusilimmik imaluunniit masteritut qaffasissusilimmik ilinniagaqarsimassasutit
Ukiuni arlalinnik aningaasaqarnermik aqutsinermik misilittagaqartutit
Aningaasanut inatsimmik suliaqarnermik misilittagaqartutit tassunga ilanngullugu aningaasanut inatsisissatut siunnersuusiorneq
Naalakkersuisoqarfiup aningaasaqarnermut tunngasutigut suliassaataanik iluarsiisarnermi nammineerluni akisussaaffimmik tigusinissamut piginnaasaqarneq.
Suliassaqarfiit assigiinngitsut akornanni suleqatiginnillaqqittutit aamma sulisut ataasiakkaat ataatsimoortumik aaqqiissutissanut peqataaffigisaanni sulerusussuseqartutit
Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput.
Namminersorlutik Oqartussani aningaasaqarnermut ingerlatsivinnik suleqateqalissaatit aamma pingaartumik Peqqinnissaqarfimmi aningaasaqarnermut ingerlatsivianik suleqateqassallutit.
Piffissap ilaani sulinerup ilungersunarsiffiani suliassat amerlanerusinnaanerat naatsorsuutigineqassaaq.
Atorfininnissaq ulloq 15. august 2025 imaluunniit tamatuma kingorna piaarnerpaamik.
Paasissutissat allat
Paasissutissanik allanik pisariaqartitsiguit, uunga attaveqarnissannut tikilluaqqusaavutit: Immikkoortortaqarfimmi pisortaq Laila Skydsbjerg Skytte, oqa. +299 34 65 81 imaluunniit e-mailikkut Liss@nanoq.gl
Qinnuteqarfissamut killigititaq
Inuunermit taasassat CV, ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik ulloq juunip 30-iat nal.13.00 nassiunneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
