PAASISSUTISSAT
Atorfiup suussusaa: Pigaartuuffissanik pilersaarusiornermi sullississummik kinguneqarluartussamik atorluarsinnaasumillu peqalernissaq qulakkeereqataaffigerusuppiuk?
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 9. september
Attavissaq: Jeanette Bjørnestad tlf.: (+299) 553101 imaluunniit e-mailikkut: JELB@PEQQIK.GL
Nunatsinni Peqqinnissaqarfimmi qitiusumik pigaartuuffissanik pilersaarusioqatigiinnut, 2025-imi oktobarip ulluisa aallaqqaataanni aallartittussanut pigaartuuffissanik pilersarusiortussanik marlunnik pissarsiorpugut.
Pigaartuuffissanik pilersaarusiornermi qarasaasiakkut sullississummik (PDC) nutaamik atuutilersitsinissaq nunatsinni Peqqinnissaqarfimmit aallarnisarneqaleruttorpoq, tamatumunnglu atatillugu suleqatigiinnik tunniusimasunik, qaffasissumik pitsaassusilimmik assigiissaakkamillu, suliuffeqarfik akimorlugu pigaartuuffissanik pilersaarusiornissamik qulakkeerisussanik pilersitsissaagut. Illit suleqatigiinnut taakkununnga pingaarutilittut ilaassaatit, Peqqinnissaqarfimmilu suliassamik nutaamik pilersitsinissamut sunniuteqarnissamut periarfissinneqarlutit.
Pigaartuuffissanik pilersaarusiortutut suliassatit pingaarnerit tassaassapput:
- Peqqinnisaqarfiup immikkoortuini aalajangersimasuni PDC-mi pigaartuuffissanik pilersaarusiorneq attassiinnarnissarlu
- Immikkoortortami aqutsisunik allaffissornikkullu ingerlatsivinnik allanik qanimut suleqateqarneq
- Suliffissanik aaqqissuussinermi maleruagassanik, isumaqatigiissutinik najukkanilu isumaqatigiissutinik atuuttunik eqquutsitsineq
- PDC-mik atuinermik atuutilersitsinermi inerisaaqqinnermilu ikiuunneq
- Pilersaarusiornermi, ingerlatsinermi, pitsanngorsaanermi pitsanngorsaajuarnernilu peqataaneq
Pingaartipparput:
- Ajornanngippat Peqqinnissaqarfimmi pigaartuuffissanik pilersaarusiornermi sullississummik misilittagaqarnissat
- Pigaartuuffissanik pilersaarusiornermi qarasaasiakkut sullississummik PDC-mik ilisimanninnissat imal. ilinniarusunnissat
- Suleqatiginnillaqqissuunissat aaqqissuussamillu suleriaaseqarnissat
- Ataatsimut isiginnissinnaanissat, akisussaassuseqarnissat susassaqaqatillu amerlasuut iliuuseqarfiginissaannut piginnaaneqarnissat
- Qarasaasiarsornermut piginnaaneqarluarnissat sullississummillu suliaqarnermut pikkoriffeqarnissat
Neqeroorutigaagut:
- Sullivimmi ineriartortumi atorfik pissanganartoq
- Suliassamut nutaamut pingaarutilimmullu sunniuteqarnissamut periarfissaqarneq
- Sullivimmi ilinniagaqassutsikkut avatangiisit nukittuut suleqatillu pikkorissut pimoorussisullu
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. oktober 2025 immikkulluunniit isumaqatigiissuteqarnikkut
Qinnuteqarfissaq kingulleq: 9. september 2025
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Siunnersortaaneq, Jeanette Bjørnestad oqarasuaatikkut: (+299) 553101 imal. mailikkut: JELB@PEQQIK.GL attavigalugu pissarsiarisinnaavatit.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
