Fakta
Atorfiup suussusaa: Seniorforsker
Suliffeqarfik: Grønlands Naturinstitut
Qinnuteqarfissamut killigititaq: 15. december 2025
Attavissaq: Afdelingschef Fernando Ugarte, feug@natur.gl, +299 361200
Pinngortitaleriffik Miluumasunut Timmissanullu Immikkoortortaqarfimmi ilisimatusartuunermik pissarsiorpoq 1. januar 2026 piaarnerpaamilluunniit sulilersinnaasumik pissarsiorpoq.
Pinngortitaleriffik Nuummiittoq Namminersorlutik Oqartussat ataanni sumulluunniit attuumassuteqarnani kiffaanngissuteqarlunilu ingerlasuuvoq. Pinngortitaleriffik alaatsinaalluni misissuinernik, ilisimatusarnermik, ilisimatuussutsikkullu tunngaveqartumik siunnersuineq piujuaannartitsiniartumik siunertaqarluni piniagassanik siunnersuinermik aammalu avatangiisinik piujuartitsiniarluni, nunatsinni eqqaanilu uumasoqatigiiaat assigiinngissitaartuarnissaat attattuarniarlugu suliaqartarpoq.
Immikkoortortaqarfimmi siulliullugu pingaarnertullu suliassaraat miluumasut timmissallu piniarneqartartut imaani nunamilu siunnersuinissaq siunertaralugu misissuiffigalugit alaatsinaannissaat.
Sulinermi eqqumaffigineqarnerpaajusussaapput nunatta eqqaani imaani miluumasut peqassusaasa nalilersuiffigineqarnissaat.
Tamakkua saniatigut misissuilluni alaatsinaannerit, ilisimatusarnerit, siunnersuinerillu aammalumi suliffeqarfiit allat peqatigalugit ilinniartitseqataasarnissaq suliamut ilaasussaapput.
Atorfik inuttalerneqarusuppoq pinngortitamut tunngasutigut kandidatitut angusisimasutut allagartaqaraluarluni ilinniaqqissimasumik imaluunniit ph.d.tut allagartaqartumik. Qinnuteqartoq ilisimatusartuuninngortutut naliliiffigineqarsimasussaavoq. Qinnuteqartoq uumasut timaannik misissugassanik tigusanik suliaqarnissaminut misilittagaqartussaavoq nunatsinnilu asimi ajornaatsuinnaanngitsumi suliaqarsimasariaqarluni. Ilisimatusartuunerugaanni qinnuteqartoq naapertuuttumik amerlassutsimigullu tulluuttunik ilisimatuussutsikkut saqqummersitsisarsimassaaq. Sulinermini nammineerluni eqqarsarsinnaasariaqarpoq, suliassaasinnaasunut iliuuseqaqqaarsinnaasariaqarluni kiisalu kisimi peqateqarlunilu suliaqarsinnaasariaqassalluni. Suliassamut ilaalluinnartussaavoq ilisimatusarluni suliassanut atugassanik avataanniit aningaasassarsiorsinnaanissaq, nunatsinni inuiaqatigiinnut tulluuttumik ilisimatusartoqarsinnaaniassammat.
Allatigut piginnaasatigut misilittakkatigullu piginnaaneqarfissatut salliunneqartussaassapput:
Uumassuseqartunik uuttortaasinnaassuseqarnissaq, soorlu programmilersuineq R
Imaani miluunasunik alaatsinaalluni misissuineq
Ilalisaatinik misissueqqissaarneq kiisalu nalunaarsukkanik suliaqarsinnaaneq ( bioinformatik nalunaarsugarpassuarnillu suliaqarsinnaaneq)
Misileraanermi periusiliornernik nalunngisaqarneq (study design)
Kalaallit oqaasiinik kalaallillu inuiaqatigiivinik ilisimasaqarnissaq iluaqutaassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Suliffik Nuummiiippoq. Asimi suliassanut ataatsimiinnernullu tunngatillugu angalasarnissat naatsorsuutigineqartariaqassaaq.
Sulilerfissaq 1. januar 2026 piaarnerpaamilluunniit.
Sapaatip akunneranut 40 tiimit suliffiusarput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Sukumiinerusumik paasiniaaffissaq
Atorfik pillugu sukumiinerusumik paasisaqarniaraanni attavigineqarsinnaavoq immikkoortortaqarfimmi pisortaq Fernando Ugarte, feug@natur.gl, +299 361200
Qinnuteqarnissamut killissarititaq: 15. december 2025
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
