Pinngortitaleriffik Teknologiskimik pikkoriffilimmik Ilisimatusartartumik Miluumasunut Timmissanullu Immikkoortortaqarfimmi sulisussarsiorpoq

Piffissami aalajangersimasumi atorfik: qaammatit 20it

Qinnuteqarnissamut killissarititaq: d. 28. august 2025

Suliffigisassaq: Nuuk, Ilulissani asimi suliartortarluni

Pinngortitaleriffik ilisimatusartumik pimoorussisartumik teknologimullu pikkoriffeqartumik nunat tamalaaneersut peqatigalugit Ilulissat Kangerluani natsiit alaatsinaallugit suliniummut suleqatissarsiorpoq. Suliniut aningaasalersorneqarpoq suliniummit annertuumik Arctic DronePort-imik taaguuteqartumik, tassanilu drone atorlugu assilisanik piorsaanissaq, assinik ilisarinnissinnaaneq aammalu maskinanik ilinniarneq ilaatinneqartussaavoq.

Suliniut pillugu

Arctic DronePort suliniutaavoq Issittup silaata uteriaqqissinnaanngitsumik allanngulernerani siusissukkut kalerrisaaruteqalernissap piorsaaffigineqarnissaanik siunertalik. Suliniummut tunngatillugu Pinngortitaleriffiup suliassaraa ineriartortitsilluni piorsaanissaq silassorissuusiarlu atorlugu Ilulissat Kangerluanni natsernik alaatsinaattoqarnissaa.

Suliassat

Akisussaaffigissavatit:

• Maskiinat ilisarinnisssinnaanngortillugit sungiusaatigalugillu piorsaaffigalugit, drone atorlugu immiussanik natsernik kisitsisinnaanngornissaamut suliaqarneq.

• Assit katersorneqarsimasut ilanngussuullugit misissoqqissaarlugillu satellitsikkut, silasiornikkut aammalu ungasianiit alaatsinaassutaasutut katersat akuliussorlugit naliliiffigeqqissaarlugillu.

• Natsiit mamaarnerisa nalaanni Ilulissani 2026imi maajip qaammataani asimi misissueqataanissaq.

• Sumiiffimmi piniartut innuttaaqataasullu suleqatigalugit ilisimasaannillu akuliutsitsinissaq siunertaralugu suleqatigiittoqartassaaq.

• Uppernarsaasersorluni suliaqarneq suliallu inerneri nalunaarusiortarlugit Pinngortitaleriffimmut nunanilu tamalaani suleqatigineqartunut ingerlattarlugit.

Piginaasassat

Naatsorsuutigaarput:

• Biologimi, ilisimatusarluni nalunaarsukkanik suliaqarnermut ilisimatusarsimasutut, imaluunniit avatangiisinik ilisimatusarnermut assingusutigulluunniit kandidatinngorsimanissat

• Assinik nalilersuinissamut misilittagaqarneq, AI/ML aamma/imaluunniit drone atorlugu paasissutissanik suliaqarsinnaaneq

• Suleqateqarluarsinnaaneq aammalu allanik suleqateqartarnissaminut kajumissuseqarneq

• Issittumut tunngasunik suliaqarnissamut misilittagaqarneq, asimi sulisarneq aammalu sumiiffinni najugalinnik peqateqartitsisarneq

• Tuluttut allallaqqillunilu oqallorissuunissaq

• Kalaallisut piginnaaneqarnissaq iluaqutaassaaq.

Neqeroorutigaagut

• Issittumi ilisimatusarnermi nutaaliornissamut pissanganartumut peqataasinnaanissaq, teknologitigullu ineriartornissamut periarfissat.

• Suleqatit nunani tamalaaneersut piginnaaneqarluartut soorlu Marble Aerospace aammalu Bergenimi Universitetimeersunik suleqateqarneq.

• Ilisimatusarraffiulluartumik avatangiiseqassaatit pimoorussisunik suleqateqarlutit dronenik atortorissaaqisunik assitigullu teknologi nutaaliaaqisoq atorlugit suliaqartassaatit. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfimmut tunngatillugu paasissutissat sukumiinerusut pissarsiarineqarsinnaapput: Sascha Schiøtt, oqarasuaat 361240, e-mail: sasc@natur.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk