PAASISSUTISSAT
Atorfiup suussusaa: Immikkoortortaqarfimmi pisortaq
Suliffeqarfik: Grønlands Naturinstitut / Pinngortitaleriffik
Qinnuteqarfissamut killigititaq: septembarip 15.-at, 2025
Attavissaq: Pisortaq Josephine Nymand attavigisinnaavat tlf. +299 361234, mobil +299 287703 imaluunniit mail jony@natur.gl aqqutigalugit.
Aalisakkanut Qalerualinnullu Immikkoortortaqarfimmi pisortarput pikkorilluinnartoq atorfimmiit tunuarniuteqarmat taartissaanik immikkoortortaqarfimmi pingaaruteqarluinnartunik ingerlatsiffiusumi siuttoorusuttumik pisortassarsiorpugut.
Immikkoortortaqarfik Nuummi Pinngortitaleriffimmiittuuvoq. Pinngortitaleriffik Namminersorlutik Oqartussani sumulluunniit attuumassuteqanngitsumik aqunneqarluni ilisimatusarnermik ingerlatsiviuvoq. Pinngortitaleriffimmi alaatsinaannerit, ilisimatusarnerit ilisimatuussutsimillu aallaaveqartumik piujuartitsiniartumillu uumassusillit atorluarneqarnissaannik, avatangiisinik eriaginnittumik aammalu nunatsinni eqqaanilu uumassuseqatigiit ataqatigiissaarnerisa piujuarsinnaanerat aallaavigalugu siunnnersuisarfiuvoq.
Aalisakkanik Qalerualinnillu Immikkoortortaqarfik ilisimatuussutsikkut sukat sisamat suliaqarfigisarpaat: ilisimatusarneq, alaatsinaanneq, siunnersuineq aammalu attaveqatigiinneq, ingammillu ukununnga sammiveqartussaassalluni:
- Piujuartitsiniartumik atorluaaneq aammalu uumasoqatigiiaat assigiinngissitaarnerat qulakkeerniarlugu siunnersuineq
- Peqassutsimik naliliinerit, nalunaarsukkat misissueqqissaarfigalugit periusilersuinerit
- Peqarfiit sumiiffilersorneqarneri
- Uumasut ilaasa kinguaassioriaasiat, amerlassusaat, ilaqutaariissutsimikkut inissisimanerat piffissat ingerlanerani avatangiisiminnullu qisuariaatigisartagaat
- Nerisareqatigiinnerit uumasullu akunnerminni sunneqatigiittarnerat
- Silap allanngornerata sunniutai
Immikkoortortaqarfimmi pisortaq immikkoortortaqarfimmi ilisimatusartunut teknikerinullu pisortaavoq, ilisimatuussutsimillu aallaaveqartumik siunnersuinissamut atatillugu nalunaarsukkanik katersinernik ingerlaasiinillu ilisimasaqarluartussaavoq. Ilisimatusarnerup tungaatigut piginnaaneqarfissai pingaartinneqartussaavoq soorlu makkunatigut:
- Ilisimatusartuunertut/Siunnersortaanertut tunuliaqutaqassaaq
- Aalisakkanik misissueriaatsinik aammalu ilisimatusarnermi periutsinik nalileeriatsinillu uppernarsaatilimmik ilisimasaqarnissaq
- Uumasoqatigiiaat nikerarneri peqassuserlu pillugit ilisimatuusarnikkut periutsinik ilisimasaqarnermut uppernarsaateqarneq, matematikkilu atorlugu nalilersueriaatsinik ilisimasaqarnissaq
- Nunani tamalaani ataatsimiitsitaliani nunatsinnut tulluuttunik suliaqartarnermik misilittagaqarnissaq
- Sammisartakkanut tunngatillugu ilisimatuussutsikkut saqqummersitsivinni saqqummersitsisarneq
- Ilisimatuussutsikkut suliaqarnissamut aningaasaateqarfinnit aningaasassarsiornermik ilisimasaqarnissaq
- Suliniutit aqunnissaannut, angalanerit pilersaarusiornissaannut aammalu ilisimatuussutsikkut umiarsuit atorneqartarnerinik misilittagaqarnissaq
- Inuussutissarsiutilinnik attaveqateqarnissamik misilittagaqarneq
- Ilisimatuussutsikkut aallaaveqartumik siunnersuinerit pillugit paasissutiissiinissamut misilittagaqarnissaq
- Ilutsinni avataaniittunillu suleqatitsinnik suleqateqarluarsinnaassallunilu attaveqatigiillaqqissuseqarnissaq.
Qinnuteqartoq kalaallinik inuiaqatigiinnik ilisimasaqarluarlunilu kalaallisut oqaaseqarnissaa iluaqutaassaqaaq.
Angalasarnerit
Atorfik aqqutigalugu angalasarnissaq naatsorsuutigineqassaaq.
Pinngortitaleriffik tassaavoq
Pinngortitaleriffimmi uumassuseqartut uumasut, naasut avatangiisit nunatsinniittut avatangiisitsinniittullu pillugit ilisimatusarfiusarpoq, kiisalu Namminersorlutik Oqartussanut, kommunenut allanullumi siunnersuisartuulluni. Pinngortitaleriffik pingasunik immikkoortortaqarfeqarpoq: Aalisakkanut Qalerualinnullu Immikkoortortaqarfik, Miluumasunut Timmissanullu Immikkoortortaqarfik kiisalu Avatangiisinut Aatsitassanullu Immikkoortortaqarfik. Aamma tamatsinnik suleqateqarluni qallunaat/nunattalu Silap Pissusianut Ilisimatusarfik Pinngortitaleriffimmi inissisimasuuvoq, silap allannguutaanut tunngasunik pinngortitamut inuiaqatigiinnullu sunniutaasunik ilisimatusarnermik ingerlatsiffiusumik.
Pinngortitaleriffik pillugu sukumiinerusumik paasisaqarsinnaavutit natur.gl aqqutigalugu ukiumoortumilluunniit nalunaarutit atuarukkit: Årsberetninger - Greenland Institute of Natural Resources
Akissarsiassat atugassarititaasullu
Atorfik maannakkut inissisimavoq LR 36mi.
Akissarsiat inissinneqarnikuupput Namminersorlutik Oqartussat aammalu Ilinniagartuut kattuffiat kiisalu ASG akunnerminni isumaqatigiissutaa 1. april 2025imeersut.
Isumaqatigiissutitut atuuttut malillugit atorfinitsitsisoqassaaq. Taamaattumik qinnuteqartoq tjenestemandiuguni nunatsinni tjenestemandinut inatsit atuuttoq malillugu pisortani atorneqartunut atugassarititaasut malillugit atorfinitsinneqarsinnaavoq.
Naalagaaffimmi tjenestemanditut atorfillit aammalu AC’mi isumaqatigiissutit arlallit malillugit soorlu DJØF aammalu Finansministeria akornganni isumaqatigiissutaat malillugit Namminersorlutik Oqartussani atorfininnermi akissarsiaqarnatik sulinngiffeqarsinnaatitaapput. Nunap iluani pissutsinut ministereqarfiup Indenrigsministeriap aamma kommunenut nunallu immikkoortuinut innersuussutiginikuuvaa Namminersorlutik Oqartussani atorfinittoqarnerani akissarsiaqarnani sulinngiffeqarnissamut qinnuteqaatinut akuersaartoqartaqqullugu. Sulinngiffeqarsinnaanissamut aalajangersakkat aapparisamut/inooqataasumut aamma atuutsinneqartarput aapparisaq Namminersorlutik Oqartussani atorfinitsillugu.
Sapaatip akunneranut akunnerit 40it suliffiusarput.
Akissarsiat atugassarititaasullu, aamma suliffimmut suliunnaarnermilu pisattanik akiliunneqarluni nassitsisinnaanerit piffissaq atuuttup iluani pisussaavoq pineqartup kattuffigisaata Namminersorlutillu Oqartussat akornganni isumaqatigiissutaasut naapertorlugit.
Sulilerfissaq
1. november 2025 tamatumaluunniit kingorna piaarnerpaamik.
Qinnuteqarneq
Qinnuteqaammut ilanngullugu nassiunneqassapput CV, ilinniakkamik naammassinnissimanermut allagartat assigisaallu linkikkut pineqartukkut nassiunneqartussaapput.
Qinnuteqarnissamut killissarititaasoq tassaavoq 15. september 2025
Inissaq
Atorfimmut atatillugu inissaqartitsisoqanngilaq.
Qinnuteqaatit, CV, ilinniarsimanermut pikkorissarsimanernullu allagartat pineqartumullu allagartat tulluussinnaasut ilanngullugit nassiunneqassapput ”Qinnuteqarit” toorlugu.
Qinnuteqaatit emailikkut nassiussat tiguneq ajorpagut.
Soqutiginnippit?
Atorfimmut apeqqutissaqaruit taava Pisortaq Josephine Nymand attavigisinnaavat tlf. +299 361234, mobil +299 287703 imaluunniit mail jony@natur.gl aqqutigalugit.
Tusarfiginissat qilanaaraarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
