Pinngortitamut Avatangiisinullu Naalakkersuisoqarfimmi Pinngortitamut immikkoortortaqarfimmut AC-fuldmægtigi imaluunniit immikkut siunnersort

Kalaallit Nunaatapinngortitamik ingerlatsinerup aamma Kalaallit Nunaata nunat tamalaat akornanni suleqateqarnermut soqutigisaanut pingaaruteqartunut ilusilersueqataaruppit? Taava immaqa illit tassa pinngortitamut immikkoortortami suleqatissarput nutaaq.

Atorfik pillugu

Pinngortitamut immikkoortortaqarfimmi suleqatitut sulininni, uumassusillit assigiinngissitaarnerannut pinngortitallu illersorneqarneranut Kalaallit Nunaanni nunami namminermi aamma nunat tamalaat suleqatigineranni pingaaruteqartutut inissisimassaatit. Pilersaarutinut nunap killeqarfii qaangerlugit pingaarutilittut inissisimasunut sunniuteqarluarnissannik periarfissaqassaatit – aammalu pinngortitamut inuiaqatigiinnullu tamaaniittunut pingaaruteqarluassallutit.

Nuna tamakkerlugu nunallu tamalaat akornanni Pinngortitamut immikkoortortaqarfiup pinngortitamik ingerlatsinermi oqaluuserisassanik pingaarutilinnik ataqatigiissitsiniarnerannut atorfinni qitiusumik tapertaassaatit. Kalaallit Nunaanni pinngortitaq innuttaasunut aamma nunatta avataanut qanoq iluaqutaasinnaanersoq aamma nunarsuarmi aalajangersakkat suleqatigiinnerillu qanoq sunniuteqarsinnaanersut nunatsinnilu pingaarnersiukkat erseqqissassavatit. Tamanna ass. Ramsar-eqarfitsinnut ingerlatsinernut, Pikialasorsuaq, nunamik allanngutsaaliukkammik nutaamik pilersitsinermik, Nunani Avannaarlerni Suleqatigiinni aamma ataatsimiititalianut suliaqarnernik imaqarpoq.

Naatsumik oqaatigalugu: Kalaallit Nunaanni pinngortitap, nunarsuarmiooqatigiillu illersorneqarnissaanut suliniuteqarnerisa akornanni ataqatigiissitsisuuvugut.

Illit suliassatit

Pilersaarusiornermut ataqatigiisaarinernik aamma politiskimik suliamik isumagginninnermut siunnersuinermik aamma pinngortitamut suliassaqarfimmi nutaanik pilersitsinermut ineriartortitsinermut tunngasunik suliaqartassaatit.

Isummernissamut aalajangiussassaasinnaapput, pinngortitamik illersuineq pillugu inatsimmik ingerlatsineq Kalaallit Nunaannilu uumassusillit assigiinngissitaarnerinut periusissiamut 2030-imut tunngasut suleqataaffigissavatit, tusarniaanernik akissuteqarnerit, aalajangernissamut tunngavissianik suliarinninnerit suliallu aqutsisunut tunniussassat pitsaassusaannik isumaginninnerit. 

Suleqatissarput tassaassaaq:

• Ingerlaqqiffiusumik pinngortitalerinermik sammiveqartuni ilinniagaqartutit

• Pinngortitaq pillugu ingerlatsinermik misilittagalik politikkikkullu aalajangeeriaatsinik ilisimasaqartutit.

• Sullissisinnaalluassasutit – allattariarsornikkut oqaluttariarsornikkullu – ajornanngippat kalaallisut, qallunaatut tuluttullu.

• Suliffeqarfimmi uummaarissumi soqutiginartunut amerlasuunut aamma ullormut oqaluuserisanut allanngorartunut iluarisimaarsinnaassasutit.

• Kalaallit inuiaqatigiit aamma inooriaasiannut paasisimasaqassasutit aamma inooriaatsinut assigiinngitsunut ataqatigiissitsinermut sumiissusiorsinnaassasutit.

Neqeroorutigaavut

• Atorfik soqutiginartoq tamatigoortorlu inuiaqatigiinnut atatillugu isumalerujussuaq.

• Suleqatigiit pimoorussisut suliaminullu pikkorissut suleqataalluartut persuarsiorpaalaangittullu.

• Kalaallit pinngortitaata politikkianut aamma nunat assigiinngitsut akornanni suleqatigiinnermut suliaqarsinnaanermut periarfissaqartoq.

• · Suliffik ataqqinninnermik, akisussaaffimmik ineriartornermullu ukkassiffiusoq.

Uagut pilluta

Pinngortitamut Avatangiisinullu Naalakkersuisoqarfimmi sulisut 40 missaaniipput immikkoortortaqarfinnut assigiinngitsunut agguarsimasut, Kalaallit Nunaannut iluaqutaassussanik suliassanik pingaarutilinnik kivitsisuusut: Pinngortitamut Immikkoortortaqarfik, Silap Pissusia pillugu Immikkoortortaqarfik, Avatangiisinut Upalungaarsimanermullu Immikkoortortaqarfik kiisalu Sullissinermut, Aningaasaqarnermut Sulisunullu Immikkoortortaqarfik. 

Aatsitassaqarnermi Avatangiisinut Aqutsisoqarfik, Pinngortitaleriffik (Grønlands Naturinstitut), Asiaq (Greenland Survey)Naalakkersuisoqarfiup ataani immikkoortortaqarfiupput.

Angusaqarluartuuvugut, ingerlarsorpugut, upperaarpullu assigiinngissuserput nukittorsaataasoq.

Annertunerusumik paasisaqarusuppit?

Immikkoortortaqarfimmi ningiuusoq attavigiuk Mettelise Fritz Hansen oqa. +299 34 52 57 imaluunniit e-mail: mtha@nanoq.gl.

Akissarsiatigut atorfinitsitaanermilu atugassarititaasut

AC-Fuldmægtigitut atorfinitsitsisoqassaaq. Qinnuteqartoq piukkunnaatilik, eqqortunik piginnaanilik naammaginartunillu misilittagalik Immikkut Ittumik Siunnersortitut atorfinitsinneqarsinnaavoq. Akissarsiat atugassarititaasullu allat isumaqatigiissut atuuttut aamma pisinnaasat naapertorlugit aalajangersarneqassapput.

Atorfinitsitsinissamut oqaloqatiginninnerit: Atorfinitsitsinissamut oqaloqatiginnittoqassaaq. Oqaloqatiginninnerit sap. Ak. 51 2025-mi naammassineqassapput.

Atorfiniffissaq: 2026-mi februaarip aallaqqaataani isumaqatigiissuteqarnikkulluunniit.

Suliffik: Nuuk, Kalaallit Nunaat

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk