PAASISSUTISSAT
Atorfiup suussusaa: Kilisaateqarfimmut pitsaassusilerinermi ataqatigiissaarisoq.
Suliffeqarfik: Royal Greenland A/S
Qinnuteqarfissamut killigititaq: aggustip 17.-at, 2025
Attavissaq: Vivi Høy Labansen oqarasuaatikkut 552659 imaluunniit 862042-mut sianerlutit imaluunniit mailimik vila@royalgreenland.com-mut nassiussillutit attavigisinnaavat
Kilisaateqarfimmut pitsaassusilerinermi ataqatigiissaarisoq.
Royal Greenland A/S kilisaateqarfimmut pimoorussisumik eqeersimaartumillu Royal Greenland A/S-ip Sisimiuni allaffeqarfiani sulisussamik imaanilu inuussutissarsiornermik aallusserusuttumik pitsaassusilerinermi ataqatigiissaarisussarsiorpoq.
Kilisaateqarfiup kilisaatini ingerlatsinerup, teknikkeqarnerup inuttaqarnerullu tamatigut pitsaanerpaamik ingerlanneqarnissaat qulakkeertussaavaa, ullumikkullu immikkoortortami sulisut 14-usut kilisaatit arfineq pingasut ingerlanneqarnerannik qulakkeerinnittuupput.
Royal Greenland A/S pillugu paasisaqarnerorusukkuit nittartagarput www.royalgreenland.com iserfigalugu paasisaqarsinnaavutit.
Kilisaateqarfimmi suliassat
- Pitsaassusilerinermi ingerlatsisoq SAP-imilu QM keyuseri qanimut suleqatigalugit tunisassianik misissuinissamut pilersaarusiorneq, tunisassiornermut ilitsersuussiorneq pisisartunullu pitsaasutsimut uppernarsaatiliorneq
- SAP-imik, kilisaatinut pitsaassusilerinermi ingerlatsisumik tunisassiortunillu suleqateqarnikkut pitsaassusilerinermi nalunaarsuivimmik (movilizer) ingerlatsineq kiisalu nalunaarsuinernik malittarinninneq
- Pitsaassusilerinermi ingerlatsisumik suleqateqarnikkut kilisaatini nammineerluni nakkutilliinerit nutarsarnerannut nutserneqarnerannullu peqataaneq
- Fødevarestyrelsimut nunanullu immikkut piumasaqaatilinnut qinnuteqaasiornermut peqataaneq
- Nammineerluni nakkutilliineq kilisaatini malinneqarnersoq misissuisarneq malitseqartitsinerlu
- Kilisaatit tunisassianik piareeriikkanit, imermit allaniillu misiliutissatut tigusaannik malittarinninneq
- Kilisaammi tunisassiat tunineqarsinnaanissaanut akuersineq
- Maalaarutinik isumaginninneq
- Kilisaateqarfimmut pitsaassutsimut nalileeriaatsinik kisitsisit atorlugit nalunaarsuineq
- Kilisaatit tunisassiaanik misissuisarneq
- Pitsaassusilerinermi paasissutissanut tunngatillugu inuttat SAP-imik ilinniartillugit
- Kilisaatit inuttaanut pikkorissaaneq nioqqutissat pitsaassusaat aammalu nammineerluni nakkutilliineq pillugu
- Suliassaasinnaasut allat
Suliatigut piginnaasat:
- Assingusumik atorfeqarluniluunniit avatangiisini assingusuni sulisimaneq iluaqutaassaaq
- Inuussutissalerinermi isumannaallisaanerup teknologillu iluani inuussutissalerinermik ilinniagalik
- Raajanik aalisakkanillu tunisassiornermik/aalisarnermik misilittagalik
- Kalaallisut, tuluttut qallunaatullu piginnaasaqarneq pisariaqarpoq
Inuttut piginnaasat:
- Ulapaarfimmi namminersorsinnaassuseqarlutillu tamakkiisumik isiginnissinnaassaatit
- Iluasaarlutillu peqqissaartuussaatit
- Attaveqallaqqissuussaatit
- Suleqatigisannut kiffartuussillaqqissuussaatit
- Suliffiit suliallu nikerartut suliffigalugillu suliarisinnaassavatit
Neqeroorutigaagut:
- Kilisaateqarfik nutaalianik kilisaataateqarlunilu inuttanut nutaanik qaffasissunillu piumasaqaatitaqarnermigut suliffittut soqutiginarlunilu unammillernartoq
- Ingerlatseqatigiiffik eqeersimaarlunilu pimoorussiviusoq
- Suleqatit pikkorissorpassuit pitsaasullu
- Inuttut suliatigullu ineriartoqqinnissamut periarfissaqarneq
Atorfiup imarisai suliassallu annertussusaat pillugit paasisaqarnerorusukkuit kilisaatinut pitsaassusilerinermi ingerlatsisoq Vivi Høy Labansen oqarasuaatikkut 552659 imaluunniit 862042-mut sianerlutit imaluunniit mailimik vila@royalgreenland.com-mut nassiussillutit attavigisinnaavat.
Qinnuteqaatit mailikkut nassiunneqartut isiginiarneqassanngillat/nalilersorneqarnavianngillat.
Atorfik taanna soqutigigukku qinnuteqaatit kingusinnerpaamik 2025-mi aggustip 17-anni nassiutissavat. Qinnuteqaatit CV-mik oqaaseqaataasinnaasunillu imalik linkip tuugassap ataaniittup toorneratigut nassiunneqarsinnaapput www.royalgreenland.gl
Qinnuteqarnissamut killissarititaasoq: aggustip 17.-at, 2025
Atorfik una qinnuteqarfigiuk
