Piujuartitsinermut siunnersorti

KNI A/S Sisimiuni kiffartuussivimmi sulisussamik angusaqarluarumasumik aaqqissuussaasumillu sulisinnaasumik piujuartitsinermut siunnersortissarsiorpoq 1. juuni 2026 aallarnerfigalugu imaluunniit isuqatigiissuteqarnikkut atorfinittussamik.

Nunatsinni najugaqarfiit ikummatissamik ulluinnarnilu nioqqutinik pilersuinermi toqqaannartumik sunniuteqarfigisarpavut. Taamaattumik siunnerfeqarluarluta piujuartitsinermik suliaqartarpugut kiisalu ESG-ip iluani suliaqarnerput nukittorsarusuttuarlutigu.

Taamatut suliaqarnerput ingerlalluaqqullugu sulilu nukittorsarumallugu KNI-p piujuartitsinermut suliniutaasa ineriartortinnissaannut kiisalu sulisoqarnermut immikkoortortaqarfimmi ineriartortitsinermi sulianut suleqataasussamik tunniusimasumik suleqatissarsiorpugut.

Atorfik aaqqissuussaanikkut sulisoqarnermut immikkoortortaqarfimmiippoq kiisalu suliffeqarfissuarmi suleqativut tamaasa qanimut suleqatigissavatit. Taamatut atorfeqarnermi HRD/ESG manager qaninnertut pisortarineqassaaq.

Piujuartitsinermi siunnersortitut makkua ilaatigut suliarissavatit:

· Piujuartitsinermi suliffeqarfissuarmi tamarmi suliniutit ineriartortinnissaat ataqatigiissarnissaallu

· Piujuartitsinermik suliat nalunaarusiortarnissaannut paasissutissanillu ineriartortitseqataaneq

· Piujuartitsinermi suliaqarnerup iluani killiffik, ineriartortitsineq pitsanngorsaanerlu sammillugit nalilersueqqissaarluni sulineq

· Suliffeqarfissuup avatangiisimut piujuartitsinermullu tunngatillugu suliaani ineriartortitseqataaneq

· Suliffeqarfiup iluani suliniutinik piujuartitsinermut tunngasunik ataqatigiissaarineq

· HRD-mi ineriartortitsinermut suleqataaneq

Atorfik ima ittumik inuttalerumavarput:

Atorfimmi iluatsittumik naammassinnissaguit namminersorlutit aammalu aaqqissuulluakkamik suleriuseqarnissat pingaaruteqarpoq, kiisalu suliffeqarfimmi angisuumi piujuartitsinissamut aammalu ineriartortitsinissamut soqutiginnittuussallutit.

Takorloorparput:

· Naleqquttumik qaffasinnerusumik ilinniagaqarsimanissat

· ESG-ip piujuartitsinerullu iluani soqutiginnittutit misilittagaqartutilluunniit

· Nalilersuilluarlutit aaqqissuulluakkamillu sulisartutit

· Immikkoortortaqarfiit tamaasa suleqatigisinnaagitit

· Attaveqaqateqallaqqissuusutit suliffeqarfiullu iluani pitsaasuni attaveqaatinik pilersitsisinnaasutit

Atorfinni assingusuni misilittagaqaruit iluaqutaassaaq, naleqquttumilli ilinniakkaminnik naammasseqqammisut aamma qinnuteqarnissaannik kajumissaarumavagut.

Atorfinittussamut neqeroorutigaavut:

Atorfik soqutiginarluinnartoq suliffeqarfiup iluani periusissiornikkut pingaaruteqaleraluttuinnartoq. Suliffeqarfimmi ineriartornermik, suleqatigiinnermik akisussaassusilimmillu ingerlatsiviusumi suleqataalissaatit.

Tamakku saniatigut ilaatigut neqeroorutigaagut:

· Suliffeqarfissuarmi inuiaqatigiinni pingaarutilimmi atorfik soqutiginartoq

· Suliatigut inuttullu ineriartornissamut periarfissat pitsaasut

· Piginnaanerit naapertorlugit isumaqatigiissuteqarnikkut akissaateqartitaaneq

· Sisimiut avataaneersumut inissaqartitsi-soqarsinnaavoq, tassungalu qularnaveeqqut, ineqarnermut aki-liut, atuineq il.il. akilerneqartassapput inatsisit malillugit

· Atorfimmut atatillugu angalaneq pisattallu nassiunneqarnerat

Atorfimmut tunngatillugu annertunerusumik paasisaqarusukkuit sulisoqarnermut, attaveqaqatigiinnermut piujuartitsinermullu pisortaq, Juliane Henningsen Heilmann, attavigisinnaavat uunga sianerlutit: 86 23 10 imaluunniit mailerlutit: xjh@kni.gl imaluunniit uunga: HRD/ESG Manager Nukappiannguaq Olsen tlf.: 86 23 71 imaluunniit mailerlutit: nqx@kni.gl.

Qinnuteqaat

Ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavavut kingusinnerpaamik apriilip 15-iani 2026.

Qinnuteqaat uunga nassiunneqassaaq: 

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl