FAKTA
Atorfiup suussusaa: Qaammataasat attaviinut teknikeri
Suliffeqarfik: Tusass
Qinnuteqarfissamut killigititaq: Tusassip qinnuteqaatit tiguneqartut ingerlaavartumik suliaralugillu oqaloqatiginninnerit ingerlaavartumik ingerlatissavai. Atorfinittussaq eqqortoq nassaarineqarpat atorfik inuttalerneqarumaarpoq.
Attavissaq: Mikisuluk Hammeken Tusass-imi mobilikkut: +299 598122.
Qaammataasatigut attaveqaasersuinitsinni ineriartortitsinermilu qulakkeeqataasussatut, tunniusimallutit suleqatissaraatsigit?
Transmissionimi immikkoortortaqarfimmi suleqatigiinni ilaalissaatit, immikkoortortaqarfik Nuup Aasiaallu akornanni 22-nik sulisoqarpoq.
Tassani Tusassip qaammataasat systemiisa ingerlaavartumik ineriartortinneqarnerannut ingerlanneqarnerannullu sunniuteqaqataassaatit.
Suliaqarfik tamanna illoqarfinni immap naqqatigut kabelimik attaveqanngitsuni attaveqaqatigiinnermut pingaaruteqarluinnarpoq.
Teknikerivut aamma aqutsisut qanimut suleqatigissavatit, taamaattumik attaveqaqatigiinnermik nukittuumik pitsaasumillu piginnaasaqarnissaq pingaaruteqarpoq. Teknikkikkut oqaatsit inuinnarnut paasinarsinnaasunngorlugit nassiussinnaasariaqarpatit.
Peqatigiillusi Nunatta attaveqaqatigiinnermut atugassarititaasut siunissamut pilersaarusiornissaannut pingaarutilimmik inissisimassaasi.
Atorfik pillugu
Sulinerni annermik Nuummi allaffinni sulisassaatit, suliassalli suunera apeqqutaalluni angalanerit pisariaqartarsinnaassallutik, pingaartumilli sulilernerpit aallaqqaataani suliassaqarfimmut pulaniarninni angalasarsinnaanissat naatsorsuutigissavat.
Suliassat ilaatigut ukuupput:
- Qaammataasaqarnerup aserfallatsaaliornera pilersaarusiorneralu, kiisalu attavianik ajortoqartillugu ajoqutip paasiniartarnera, tassunga ilaalluni Root cause Analyse.
- Tusassip qaammataasaqarfiisa atortorissaarutaatigut maannamut siunissamilu atuussinnaanissaannut misissuinerit aaqqiissusissarsiornerlu qulakkeernissaat
- Suliniutinik suleqataanerit aamma suliniutini annikinnerusuni pitsaassutsimik qulakkeerinnittussaasuni aqutsinerit
- Ajoqutinik nassaarniarnermi ataqatigiissaarinerit aammalu suliaqarfiit immikkoortortaqarfiini aaqqiissutissarsioqatigiinnernik suliaqarnerit.
Taakku saniatigut pingaaruteqarpoq Transmissionimi sulisut pisariaqartitsiffiini suliaannik tapersersinnaanissaat.
Illit pillutit
Naatsorsuutigaarput namminersuussilluarsinnaasuusutit, suliaqarfissallu iluani akisussaaffimmik paasisimasaqarluartuusutit. Peqqissaartuussaatit ulapaarfinnilu suliassanik tamakkiisumik takunnilluarsinnaasuullutit.
Taamaattuma saniatigut naatsorsuutigaarput:
- Elektronikteknologitut, ingeniøritut assigisaaniluunniit ilinniagaqarsimasutit
- Suliassat taakku iluanni misilittagalik imaluunnit attaveqaasersuinermi suliaqarsimasutit
- Qaammataasanut tunngatillugu teknikkikkut qaffasissumik paasisimasaqartutit, attuumassutilinnullu systeminik ilisimasaqartutit
- Qallunaatut tuluttullu piginnaasaqarluassaatit
Neqeroorutigaarput
- Piginnaasat naapertorlugit akissarsiaqartitaaneq
- Qaammammut akilersukkamik suliffeqarfimmit inissiamik attartorneq periarfissaavoq
- Suliffeqarfik, inuttut suliatigullu neriartorneq allatuulli naliginnaasuusutut pingaartinneqartoq
- Suliffeqarfik naliginnaasumit annertunermik sulisimanermit sulinngiffeqarsinnaassuseqarfiusoq aammalu sulinerup inuuneqarnerullu oqimaaqatigiisinneqarnissaanik pingaartitsisoq
- Suleqatit suliffeqarfimmik ataatsimooqatigiinnermillu pingaartitsissut
Soqutiginnippit?
Toortagaq talerperlermi nuisasoq aqqutigalugu CV qinnuteqaatillu nassiukkit.
Qinnuteqaatit e-mailikkut tiguneq ajorpagut.
Tusassip qinnuteqaatit tiguneqartut ingerlaavartumik suliaralugillu oqaloqatiginninnerit ingerlaavartumik ingerlatissavai. Atorfinittussaq eqqortoq nassaarineqarpat atorfik inuttalerneqarumaarpoq.
Atorfik pillugu apeqqutissaqaruit Tusassimut Mikisuluk Hammeken-imut attaveqarnissannut tikilluaqqusaavutit oqarasuaat: +299 598122.
Tusarfiginissat qilanaaraarput!
Atorfik una qinnuteqarfigiuk
