Qasigiannguani pisiniarfimmi pisortaq

Angusaqarluarniartuullutit unammillerniagassanut nutaanut piareeqqavit? Siuttuullutit, aqqutissiuussisuullutit pisisartugut immikkuullareqqinnaamik kiffartuunneqarnissaat qulakkeersinnaagukku KNI A/S Qasigannguani nioqqutissaqarnermi immikkoortortaqarfia piaartumik imaluunniit isumaqatigiissuteqarnikkut sulilersussamik pikkorissumik anguniagaqarluartumik pisiniarfimmi pisortassarsiorpoq.

Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsitsilluaannarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.

Unammillerusussuseqarnissat naatsorsuutigaarput, kiisalu sulisut suleqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaani ineriartortitsisinnaanissat nutaamillu eqqarsartarnissat. Pisiniarfimmi pisortap nunap immikkoortuani pisortaq qaninnertut pisortarissavaa.

Pisiniarfimmi pisortatut, akisussaaffigissavatit:

· Pisiniarfik siuariartortinnissaanik periarfisarpassualik

· Nioqquteqarnermi annertuukkaanillu tunisaqarnermi kaaviaartitat pitsaanerpaamiitinnissaat, tamatumani pisisartunik attaveqartuarneq pingaarnerpaatillugu

· Sulisut aqutsilluarsinnaasumik pisiniarfiup ittuuffigineqartussat

· Sammisassanik pilersaarutit pisisartunit pisiniarfigerusunnarnerpaanissatsinni qulakkeerisussat

Pisiniarfimmi pisortatut pingaarnertut makku suliassarissavatit:

· KNI A/S Qasigiannguani nioqqutissaqarnermi immikkoortortaqarfiata ingerlataani tamani angusaqarusussuseqarlutit niuernermik ingerlatsinerup ineriartortinnissaa

· Pisiniarfiup tuniniaanissaani piareersimajuaqqullugu nioqqutissanik pilersorneqarnissap ingerlaavartuarnissaa qulakkeerlugu

· Ukiussamut peqqumaarsersornerup pitsaanerpaamik ingerlanneqarnissaa qulakkeerlugu

· Sulisut sapinngisartik tamaat sulilluarsinnaaqqullugit ineriartortillugit kaammattorlugillu

· Pisisartunik suleqatigisartakkanillu pitsaasumik suleqatiginnerusussusilimmillu attaveqarneq

· Pisiniarfiup tuniniaanissaani ullut tamaasa piareersimanissaa

Pisiniarfimmi pisortatut atorfik imaattumik inuttalerusupparput:

· Siuttuulluni angusaqarluarniartoq angusassanillu pitsaasunik angusaqarusuttoq

· Imminut sulisorisanullu pitsaanerpaatitsinissamik piumassusilik

· Imminut sulisorisanillu ineriartortitsisinnaasoq, inuttut sulisutullu

· Pissusissamisuuginnartumik aqutsisuulluni isumassarsiortitsillunilu kaammattuisinnaasoq

· Ulapaarfinni aqutsilluarsinnaasoq

· Avinngarusimasumi kaperlattartumilu inooqataalluarsinnaasoq

· Kalaallisut qallunaatullu oqalussinnaasoq

Atorfinittussamut neqeroorutigaagut:

· Piginnaasat naapertorlugit isumaqatigiissuteqarnikkut akissaateqartitaaneq

· Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il. il. inatsisit malillugit akilerneqartassapput.

• Nuunnermi angalanermi kiisalu pequtit angallannerannut akiliunneqarneq
• Piginnaanngorsaqqinnissamut periarfissat pitsaasut
• Suliffik ulluni tamani assigiinngisitaarfiusoq pissanganartoq unamminartorlu

Atorfik pillugu paasisaqarnerorusukkuit nunap immikkoortuani pisortaq Jens Kleist Østergaard attavigineqarsinnaavoq oqarasuaatikkut: 86 23 31 mobil: 22 12 89 imaluuniit e-mail-ikkut: jjk@kni.gl

Qinnuteqaat

Qinnuteqaat sukumiisumik tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 30. september 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.