Qullersanut siunnersuisarfimmi illuutinut sanaartukkanullu pisortaq

Nunarput tamakkerlugu kinguneqarluartumik peqqinnissakkut sullinneqarnermik qaffasissumik pitsaassusilimmik innuttaasunut tamanut napparsimasunullu neqeroorsinnaanissaaq, nunatsinni Peqqinnissaqarfimmi suliniutigaarput. Taamaammat piginnaasatit atorfissaqartippagut.

Qullersanut siunnersuisarfimmik illuutinik aserfallatsaaliinermut, nutarterinermut kiisalu teknikkimut nakorsaanermilu atortunut, sarfamut kuuffinnut assigisaannullu atortunut tunngatillugu aserfallatsaaliinermik atituumik assigiinngiiaartunillu suliassaqarfiusumi aqutsinissaq, inerisaanissaq pitsaassutsimillu qulakkeerinissaq kissaatigaajuk?– taamaassappat atorfissat nutaaq unammilligassalillu neqeroorutigaarput.

Suliffik

Illuutinut sanaartugassanullu qullersanut siunnersuisarfimmi pisortatut, Peqqinnissaqarfiup illuutaanik teknikkikkullu atortorissaarutaanik, nuna tamakkerlugu aqutsisunik sulisunillu suleqatigisartakkanillu amerlaqisunik allanik, qanimut kinguneqarluartussamillu suleqateqarnikkut, ulluinnarni ingerlatsineq inerisaaqqinnerlu akisussaaffigissavatit.

Peqqinnissaqarfik tamakkiisoq allanngorartuarmat, siunnerfeqarluni eqqarsarnissap illuutillu siunissamut naleqqussartuarnissaasa qulakkeernissaa, suliassaavoq annertooq pisarialillu. Pilersaarusiorneq, aningaasaliissutit iluini periarfissanik nutaanik pitsannguutaasinnaasunillu inerisaaneq, piviusunngortitsineq ataqatigiissaarinerlu ukkanneqarput.

Peqqinnissaqarfimmi suliat, nakorsaanermi atortorissaarutinit, sarfamut kuuffinnut assigisaannillu tunngasunik ingerlatsinerup attatiinnarnissaanut pingaaruteqarluinnartunit, ikorfartorneqarput. Nakorsaanermi atortorisaaarutit ineriartupiloormata, Peqqinnissaqarfimmi – nunaqarfimmi nakorsiartitsivimmiit nuna tamakkerlugu napparsimmavimmut- periarfissanik killiliisunillu paasinninnissaq pisariaqarpoq.

Illuutinut sanaartukkanullu qullersanut siunnersuisarfimmi – Peqqinnissaqarfimmi immikkoortumi pingaaruteqaqisumi- pisortamik ilinniagaqassutsikkut piginnaaneqarluartumik, aaqiissutissanik siunnerfilimmik angusaqarusussusilimmillu pissarsiorpugut. Suliat tamarmik ataqatigiinnerat, siunissamut qulannaarineq aningaasaqarnerlu alaatsinaallugit ingerlanneqassapput. Qullersanut siunnersuisarfimmi pisortatut, sulisunik sivisuumik sulisimasunik Peqqinnissaqarfiullu oqaluttuassartaanik ilisimaarinnittunut, aammali nutaanut ilinniagaqassutsikkut aqutsinikkullu siunersioqatigineqarnissamik pisariaqartitsisunut aqutsisussaassaatit.

Suliassat assigiinngitsorpassuit ilaatigut makkuupput:

• Qullersaqarfimmik aqutsisunillu allanik siunnersuineq
• Aserfallatsaaliinissamut pilersaarutinik teknikkimullu tunngatillugu atortorissaarutinik aningaasaleeqqinnissamut suliaqarneq malitseqartitsinerlu
• Aningaasartuutissanut missingersuusiorneq malitseqartitsinerlu
• Tusarniaanernut akissusiorneq politikkikkullu saaffiginnissutinut akissuteqarneq, tamatumunngalu atatillugu aningaasanut inatsisissamut siunnersuusiornermi peqataaneq
• Nalunaarusianik aqutsinermi sakkussanik suliaqarnermi peqataaneq, allakkiorneq, tusarniaassutinut akissusiorneq Peqqinnissaqarfimmi qullersanit Peqqissutsimullu Naalakkersuisoqarfimmit allaniillu aalajangiivigisassanik saqqummiussineq.
• Suliniutini sulianilu- illuutinut nakorsaanermilu atortorissaarutinik pisiniarnermut tunngasuni peqataaneq.

Toqqammavissat

Nunatsinni Peqqinnissaqarfik nuna tamakkerlugu – sinerissami qitiusumik immikkoortut, innuttaasunik peqqissaaneq, kigutileriveqarfik nakorsaatinillu pilersuineq ilanngullugit suliffeqarfiuvoq, peqqinnissamut tunngatillugu assigiinngiiaartorpassuarnik suliassalik. Peqqinnissaqarfik 1400-it missaannik- nunaminertanut 72-it sinneqartunut agguataarsimasunik sulisoqarpoq. Dronning Ingridip Napparsimmavissua nuna tamakkerlugu napparsimmavittut atuuppoq immikkullu ilisimasaqarfittut suliassanik isumaginnittuulluni. Peqqinnissaqarfik Rigshospitalimut Region Hovedstadimullu, qaffasinnerusumik immikkut ilisimasaqarfinnut suleqatigiinnissamut isumaqatigiissuteqarpoq.

Illuutit Sanaartornerlu pillugit qullersanut siunnersuisoqarfik 21-inik sulisulik Nuummi Dronning Ingridip Napparsimmavissuaniippoq.

Illuutinut sanaartukkanullu qullersanut siunnersuisarfimmi pisortatut, aaqqissuussaanikkut Peqqinnissaqarfimmi qullersat ataanni inissisimassaatit. Pisortaaneq pingaarnertut siunersuioqatissarissavat.

Piginnaasassat

• Qaffasissumik naapertuuttumik kandidatitut ilinniagaqarneq
• Sanaartukkanik aamma/imal. nakorsaanermi atortorissaarutinik suliaqarnermik misilittagaqarneq
• Aqutsinermik misilittagaqarneq- aqutsisutut ilinniarsimaneq iluaqutaassaaq
• Nunatsinnik ilisimanninneq pingaartinneqassaaq

Kinaavit?

• Imminnut akerleriinnik piumaffigineqarneq iliuuseqarfigisinnaavat, suliassannik nukissanillu isumannaatsumik, ilisimaarinnillutit, silatusaarlutit pingaarnersiuillutillu tulleriiaarisinnaallutit
• Siunnerfilimmik eqqarsartuuvutit, iliuuseqarsinnaassuseqarputit akisussaassuseqarlutillu
• Alapernaatsuuvutit naalaartuullutillu – oqaloqatigiinnermik, peqataatitsinermik attaveqatigiinnermillu tunngaveqartumik suleriaaseqarputit
• Sulisunik aqutsineq soqutigisaraat, tamatumunngalu atatillugu sullivimmi avatangiisinik, ataatsimoornermik, suliffimmik nuannarinninnermik, kajumissaarinermik piginnaasanillu inerisaanermik ukkassisuullutit
• Suleqatiginnittuuvutit, ammasuuvutit, pissutsit piviusut tunngavigalugit eqaatsimik suleriaaseqarlutit

Uagut

Peqqinnissamut tunngatillugu innuttaasunut neqeroortuuvugut. Ataqqinninneq, tatiginninneq, tungiuineq ilinniagaqassuserlu Peqqinnissaqarfimmi ataatsimoorluta naleqartitatut toqqammavigaagut. Suleqatit pikkorissut, tunniusimasut napparsimasut pitsaasunik aqqusaartugassaqarnissaannik ukkassisut suliaminnillu iluatsitsisartut naapissavatit. Nunatsinni Peqqinnissaqarfik uani annertunerusunik paasisassarsiorfigiuk: (http://www.gjob.gl/Sundhedsvæsenet/Organisationen).

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut qulaaluanut qulersanullu siunnersuisarfinnut arfinilinnut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Atorfik sap. ak. piffissaq suliffiusartoq tamakkerlugu suliffiuvoq.

Isumaqatigiissut ilinnut tunngasoq uani takuuk: (http://www.gjob.gl/Praktiske-forhold/Overenskomster)

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput

Qinnuteqarfissaq kingulleq: 20. marts 2025. Qinnuteqartunik oqaloqatearnerit taasinngornermi 24. marts 2025 ingerlanneqarnissaat naatsorsuutigineqarpoq immqalu internetsikkut ingerlanneqrsinnaassallutik

Sulilerfissaq: 1. maj 2025 – immikkulluunniit isumaqatigiissuteqarnikkut.

Attavissat:

Atorfik pillugu paasissutissat aningasaqarnermut pisortaq Pierre Vassard, oqarasuaatikkut: (+299) 554343 imal. mailikkut: piva@peqqik.gl / imal. suliniutinik aqutsisoq, Hans-Christian Jessen oqarasuaatikkut: (+299) 243278 imal. mailikkut: hcje@peqqik.gl. attavigalugit pissarsiarineqarsinnaapput.

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk