Royal Greenland A/S Assistent Global Brand Manager-issarsiorpoq

Royal Greenland A/S Assistent Global Brand Manager-issarsiorpoq

Nunatsinni suliffeqarfiit annersaanni suliassanut pissanganartunut suliaqalernissannut piareersimavit?

Suliffeqarfimmik ilisarititsineq

Royal Greenland suliffeqarfissuuvoq nunarsuarmi tamarmi aalisakkanik tunisassiortunut pisisartunullu kiisalu nunarsuarmi tamarmi atuisunut siuttutut ingerlatsisuusoq. Ukiuni 250-ini Royal Greenland aalisakkanik qalerualinnillu imarmiunik pitsaanerpaanik Atlantikup avannaani minguitsumi pisanik akisussaassuseqartumik aalisarneqartartunik pilersuisuusimavoq.

Suliassat nassuiarnerat

Nuummi Royal Greenland-imi Assistent Global Brand Manager-itut atorfik ukioq naallugu atorfiuvoq. Assistent Global Brand Manager-itut nittarsaassinermi attaveqaqatigiinnermilu ingerlatani ulluinnarni aqutsisuussaatit, tamatumani nittarsaassinermik paasititsiniaanermillu ineriartortitsineq piviusunngortitsinerlu, niuerfigisamik misissuinernik, atuisut atueriaasaannik misissueqqissaarinernik, unammillertit sunik ingerlataqarnerinik nakkutiginninnermik kiisalu nunarsuarmi tamarmi nittarsaassinernik suliniutinillu aqutsineq ilanngullugit suliarissallugit. Nittarsaassinermik ingerlatani sunik nittarsaassinissaq niuernermilu anguniakkat piviusunngortinnissaannut tapersersuinissamik qulakkeerinninissamut suliffeqarfimmi immikkoortoqarfiit tamaasa suleqatigisassavatit.

Piginnaasat

• Nittarsaassinerup, suliffeqarfiup attaveqaqateqarnerani kiisalu inuit attaveqatigiittarfiinik/digitalimik attaveqaqatigiittarnerup iluani sivikinnerpaamik ukiunik pingasunik misilittagaqarnissaq

• Nunarsuarmut tamarmut isigisumik suleriuseqarnissaq kulturinillu assigiinngitsunik alapernaassuseqarnissaq

• Nittarsaassinermik ilisarnaatigisamillu ussassaarinermik annertuumik pikkoriffeqarnissaq

• Niuerfigisap iluani periusissiornermik ineriartortitsinermik atuutsitsilernermillu misilittagaqarnissaq

• Niuerfigisamik misissuinerit atuisullu qanoq atueriaaseqarnerinik misissueqqissaarinerit

• Unammillertigisat ingerlataannik niuerfigisamilu qanoq pisoqarneranik misissueqqissaarisinnaaneq

• Attaveqallaqqissuuneq suleqateqallaqqissuunerlu

• Akunnattoorfeqarani tuluttoorsinnaaneq piumasaqaataavoq. Dansikut aamma/imaluunniit kalaallisut oqalussinnaasut piumaneruavut

• Siunnersuussiorsinnaanermut, nalunaarusiortarnermi ilusilersuinermilu kiisalu suliniutinik piffissamillu aqutsinermik piginnaasaqarneq

• Inuussutissalerinerup suliffissuaqarnermilu aalisakkanik nioqqutissiornerup iluani misilittagaqaraanni iluaqutaassaaq

• Nittarsaassinerup, niuernerup tamakkununngaluunniit assingusut iluini bacheloritut ilinniarsimaneq

Atorfik pillugu suliassallu annertussusaat annertunerusumik paasisaqarfigiumagukku paasiniaasinnaavat EVP Marketing & CSR Joanna Hutchins-imut e-mailerlutit uunga: jhut@royalgreenland.com.

Atorfimmut soqutinnikkuit ilinniarsimanermut siusinnerusukkullu sulisimanermut allattukkanik imalik aammalu sulisitsisorisimasavit attaveqarfiginissaanut paasissutissaq iserfissakkut matuma kingornaniittukkut nassiutikkit. Oqaloqatigiinnissamut ingerlaavartumik aggersaajumaarpugut.

Atorfik una qinnuteqarfigiuk