FAKTA
Atorfiup suussusaa: Safetymi ataqatigiissaarisoq
Suliffeqarfik: Air Greenland
Qinnuteqarfissamut killigititaq: 30. november
Attavissaq: Sigurd Schjøtt sschjoett@airgreenland.gl +299 549337 imal. +45 4095 6433 imaluunniit Per Lynge Hansen plhansen@airgreenland.gl +299 343413
Timmisartut isumannaatsuunissaanut ilaarusuppit? Air Greenlandip immikkoortortaqarfiani Safetymi sulisoqarpugut aaqqissuussaasumik sulianillu aqutsisinnaasumik IT-mut piginnaaneqartumik kiisalu suleqatigiilluarsinnaasumik.
Illiuppat Air Greenland immikkoortortaqarfiani Safetymi atorfininnissamut sulisussamik ataqatigiissaarisinnaasumik sulianullu eqqummaarissumik, IT-mut piginnaaneqarluartumik suleqatikkuminartumillu pissarsiorpugut.
Immikkoortortaqarfiup Safety, inatsisit atuuttut nunanilu tamalaani malitassat naammassineqarnissaannik qulakkeerinissaq akisussaaffigaa. Tamatuma saniatigut immikkoortortaqarfiup aaqqissuussaanerup sinneranut arlalitsigut kiffartuussisarpoq, taakkununngalu suliffeqarfiup iluani upalungaarsimaneq, kisitsisitigut paasissutissat atortunullu tapersersuineq ilaatinneqarput. Immikkoortortaqarfimmi aalajangersimasumik sulisut 11,5-iupput, tamannalu pitsaasumik ataqatigiissaarinissamik suleqatigiinnermullu sakkunik digitaliusunik piumasaqaateqarfiuvoq.
Immikkoortortaqarfimmi Compliance og Safety systemi nutaaq, 2026-mi atulersussatut naatsorsuutigineqartoq atulersinniarneqarluni suliarineqarpoq. Suliaq taanna immikkoortortaqarfiit arlallit akimorlugit suleqatigiiffiuvoq, tassanilu atoruminassuseq ingerlaannartumillu ingerlanissaq, Safety Coordinatoritut inissisimanermi periusissiornissamik ineriartortitsinissamillu suliaqarfiusussaq immikkut aallunneqarput.
Systemadministratoritut inissisimaffiit pingaarneq tassaavoq, atuisunik aqutsinissaq, isersinnaanermik pisinnaatitaaffinnillu qulakkeerinissaq, kisiannili aamma systemini ineriartortitsiffiusinnaasunik misissuinissaq suussusersinarnerlu.
Suliassatit pingaarnerit tassaassapput:
- Immikkoortortaqarfimmi IT-system-inut systemadministratori, tassungalu ilanngullugu:
- Compliance- aamma Safety-systemi, misissuinerni, inatsisit malillugit pisussaaffiusumik suliffeqarfiullu iluani nalunaarusiortarnerni kiisalu ulorianartorsiorfiusunik aqutsinerni atugassaq
- Allagaatinik passussinissamut systemi, inatsisit malillugit pisussaaffiusumik ilitsersuusiornernut atugassaq
- Upalungaarsimanermut systemi, pisunik nalunaarsuinermut aamma suliniutinik malittaasunik ataqatigiissaarinermut atugassaq
- Immikkoortortaqarfiup IT-system-ianut sungiusarnermut pilersaarutinik ineriartortitsineq ingerlatsinerlu
- System-inik atuisunut suleqataaneq ilitsersuisarnerlu
- Suliffeqarfiup iluani sullitanut kisitsisitigut paasissutissanut akisussaaneq
- Safety-p intranet-iani aaqqissuisutut akisussaaffik, tassunga ilanngullugit atuagassat naqinnerinik aqutsineq aamma imaanik nutarterisarneq
Suliassat allat:
- Sammisaqartitsinernik aaqqissuussineq, tassunga peqataaniarluni nalunaartarnerit ataqatigiissaarisarnerillu ilanngullugit
·Angalanernut sammisaqartitsinernullu atatillugu immikkoortortaqarfimmut bilitsinik inniminniisarneq
- Air Greenlandip Flight Data Monitoring-imut pilersaarutaata ineriartorteqqinneqarnerani ingerlanneqarneranilu suleqataaneq
·Air Greenlandip Management System-ianik ineriartortitseqataaneq aserfallatsaaliueqataanerlu, suliassat tassunga atasut ilanngullugit
Ukununnga piginnaaneqarfeqarnissat naatsorsuutigaarput:
- Suliani namminersorsinnaaneq piginnittuunermillu tigusisarneq
- Atorfimmit assingusumit misilittagaqarneq
- IT-system-inut pikkorissuseqarneq – ajornanngippat IT-mut tunngasunik attuumassutilinnik tunuliaqutaqarneq
- Ulappuffiup nalaani aaqqissuussamik sulisinnaaneq aamma suliassanik pitsaasumik aqutsisinnaaneq
- Minnerpaamik oqaluttariarsornikkut allattariarsornikkullu tuluttut qallunaatut piginnaasaqarnissaq, kalaalisoorsinnaaneq iluaqutaassaaq.
Neqeroorutigaavut:
Suliffeqarfimmi uummaarissumi atorfik pissanganartoq unammillernartorlu, inuttut suliatigullu ineriartornissamut periarfissaqarluartoq. Suliffeqarfiup iluani avataanilu pikkorissartitsineq aqqutigalugu pisariaqartitannut ilinniartinneqassaatit, aamma ilinniakkamik ingerlatitseqqinnissamut periarfissaqarpoq.
Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Tassunga ilaqutariit ukiumut ataasiarlutik sulinngiffeqarnermut atatillugu angalanerannut akiliussisarneq, kiisalu sillimmasiissutit pilerinartut, piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu akiliunneqarnissamut sillimmasiissutit ilaqartut ilaatinneqarput
Paasissutissat amerlanerusut:
Director Safety, Sigurd Schjøtt sschjoett@airgreenland.gl +299 549337 imlt. +45 4095 6433 imaluunniit Safety Manager Technical, Per Lynge Hansen plhansen@airgreenland.gl +299 343413
Qinnuteqarnissamut killissarititaasoq: novembarip 30.-at, 2025
Atorfik una qinnuteqarfigiuk
