Sammisassaqartitsinermi Immikkoortortami aqutsisoq

Kommuneqarfik Sermersooq Sammisassaqartitsinermut tunngasuni Meeqqanut Atuarfeqarnermullu Ingerlatsivimmiittumi pikkorissumik tunniusimasumillu aqutsisussarsiorpoq, decembarip aallaqqaataani 2025-imi imaluunniit taassuma kingornagut piaartumik atorfinittussamik.

Ingerlatsivik pillugu:

Sammisassaqartitsinermut Kulturimullu immikkoortortaq sunngiffimmi kulturilerinermilu Kommuneqarfik Sermersuumi innuttaasunut tamanut isumalinnik neqerooruteqarnissamik suliaqarpoq – meeqqanut, inuusuttunut, inersimasunut utoqqarnullu. Sunngiffimmi suliassaqarfik immikkuullarissuuvoq ilaatigut peqatigiiffinnik suleqateqarfiusoq, GIF-imut isumaqatigiissummik atuutilersitsiffiusoq, peqatigiiffiit illuutaannik, sunngiffimmi atuartitsinermik, arsaattarfiit aaqqissuussinerillu - aammalu sisorarfiit qanimut suleqatiginerat, naluttarfik, Inussivik sunngiffimmilu aallutaqartut allat - kommunimiittut namminersorlutillu ingerlataqarfiusut.

Immikkoortortami sulisut tunniusimasut 10-t missaat allaffimmiipput, immikkoortortaqarfik tamakkerlugu suleqatit qanimut suleqatigalugit sunngiffimmi neqeroorutinik ineriartortitsisuusut, ataatsimoorfinnik nukittorsaasut aammalu sunngiffimmi nammineq peqataanissamut akuutitsinermilu siuarsaasut.

Sunngiffimmi Kulturimullu immikkoortortami suliat siammasissorujussuupput, aammalu kulturimut tunngasunik suliassaqarfimmi aamma sisamanik sulisoqarpoq, aammalu suliffeqarfiit arlallit, tapiissuteqartarnermut tunngasut allallu.

Atorfik ilivitsuuvoq, taannalu Sammisassaqartitsinermut Kulturimullu Immikkoortortaqarfimmi fagchefimut attaveqarpoq suliassaasa ilagivaat sunngiffimmut tunngasunik suliaqartut sisamat missaannik aqutsineq. Immikkoortortami aqutsisutut aaqqissuussaanermi politikikkut aqunneqartumi sulissaatit, tassanilu oqaloqatigiinneq, suleqatigiinneq aammalu politikkikkut aalajangiinerit qanoq paasineqarnissaat ulluinnarni pingaaruteqartuupput.

Paasissutissat uatsinnut tunngasut amerlanerusut uani pissarsiarisinnaavatit: www.sermersooq.gl

Atorfiup imarisai:

∙Kommuneqarfik Sermersuumi sammisassaqartitsinermut tunngasuni tamakkiisumik aqutsineq ineriartortitsinerlu

∙Peqatigiiffinnik, kajumissutsimik suleqataasunik, avataaniillu suleqatinik suleqateqarneq

· Peqatigiiffinnut tapiissutinik agguaassineq

∙GIF-mik isumaqatigiissumik atuutilersitsineq malinnaatitsinerlu

∙Arsaattarfinnik ingerlatsineq ineriartortitsinerlu, peqatigiiffiit illuutai, hal-it sunngiffimmilu sammisaqarfiusunik allanik

∙Sisorarfinnut tunngasunik sulialinnik suleqateqarneq aamma sunngiffimmi sulialinnik allanik suleqatinik

∙Sulisunik aqutsineq sulisunillu siunersiueqateqarneq (4 miss.)

∙Missingersuutinik malinnaaviginnittarneq aamma aningaasatigut aqutsineq

∙Sunngiffimmi atuartitsinermik aamma sunngiffimmi aaqqissuussinissanik pilersaarusiorneq

∙Kulturimut tunngasunik sulialinnik akimut suleqateqarneq aamma ingerlatsivimmi immikkoortunik allanik

∙Allaffissornikkut ataqatigiissaarineq suliassanillu sunilluunniit takkuttunik

Suliassat Meeqqanut Atuarfeqarnermullu Ingerlatsivimmi suleqatit qanimut suleqatigalugit suliarineqassapput aammalu peqatigiiffiit, suliffeqarfiit suleqatillu avataaneersut allat suleqatigalugit.

Qinnuteqaateqartunut naatsorsuutigisat:

∙Attuumassuteqartumik ilinniagaqarsimasoq imaluunniit tassunga attuumassuteqartumik misilittagalik

∙Aqutsinermi misilittagalik imaluunniit ilinniagalik

∙Sunngiffiup meeqqanut, inuusuttunut, inersimasunut utoqqarnullu pingaaruteqarneranik paasinnittoq

· Kommunimi timersornermut sunngiffimmullu politikkimik piviusunngortitseqataassaatit aammalu kommune tamakkerlugu peqatigiiffilerinermi sunngiffilerinermilu sinaakkusiornissaq peqataaffigissavatit.

∙Allaffissornikkut piginnaasaqarluartoq aningaasaqarnermullu tunngasunik paasisimasaqarluartoq.

∙Suliniutinik aqutsinermik assigiinngitsunillu suleqateqarnermi misilittagalik

∙Kulturimut tunngasunik paasinnilluarsinnaasoq aammalu najukkami ileqqunik suleqatigeeriaatsinillu ataqqinnittoq

∙Aaqqissuussami politikkikkut aqunneqartumi sulisinnaasutit

Tamatuma saniatigut pingaartipparput:

∙Aalajaatsoq, akisussaaffimmik ilisimaarinnittoq aammalu pitsaassutsimik pingaartitsisoq

∙Ulapaarnerup nalaani ataatsimut isiginnaassuseqartutit eqqissisimasuullutillu

∙Oqalunnikkut allattariarsornikkullu paasinartumik paatsuugassaanngitsumillu attaveqarsinnaasoq

· Namminersorsinnaalluartoq, aalajangersimasumik suleriaaseqartartoq iluarsiinissatigullu sulianik ilisimasaqarluartoq.

∙Suliassanik aallartitseqqaarnissamut sapiissusilik, ineriartortitsinissamik eqqarsartoq aammalu allat peqatigalugit angusaqarusuttoq

∙Illit nammineq nammineq suliassaqarfivit iluani suliatigut inuttullu ineriartornissat eqqarsaatigigit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

Aaqqissuussaanermi ineriartortumi allanngoriartortumilu atorfik unammillernartoq. Sunngiffimmi suliassaqarfimmik sunniuteqarnissannut periarfissaqassaatit aammalu innuttaasut - meeqqat, inuusuttut, inersimasut utoqqaallu - ataatsimoornissaat pimoorussamik peqataaffigisinnaavat

Suleqatigiilluarneq aallartitsinissamut nutaaliornissamullu assigiinngitsunik suliaqarnissamut inissaqartitsiffiusoq pingaartippagut. Sulisutut suliatigut inuttullu ineriartornissamut periarfissaqassaatit, tamatumani ingerlaavartumik piginnaasanik ineriartortitsineq aqutsinermilu siunersiueqatigiinneq pingaartitaraarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Pipaluk Lynge Berthelsen, oqarasuaat +299 36 81 66 imaluunniit e-mail: plbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1100-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 19.-at, 2025

Atorfik una qinnuteqarfigiuk