Sammisassaqartitsisartoq

Nunatta Atuagaateqarfia sammisassaqartitsisartussamik juulip 1-ianni 2026 sulilertussamik isumaqatigiissuteqarnikkuulluunniit sulisussarsiorpoq.

Atuagaateqarfik atuakkanik atorniartarfiinnaanani kulturimut tunngasunik sammisaqartitsisarpoq assigiinngitsorpassuarnillu allanik sammisassaqartitsisarluni. Taamaattumik sulisussarsiorpugut assigiinngitsorpassuarnik annertuunik annikinnerusunilluunniit sammineqarsinnasunik isumassarsiornermik, pilersaarusiornermik piviusunngortitsinermillu suliaqartarsinnaasumik.

Sammisassaqartitsisartuni (Team Oplevelser) suleqataanissaq pingaarnertut atorfigissavat, tassani aaqqissuussanik assassornertalinnik sammisassanillu allanik meeraaqqanit utoqqarnut assigiinngitsunik sammisassarsiortitsisarput. Aaqqissuuttakkagut makkuusinnaapput: sapaatip-akunneranut meeqqanut assassugassanik suliaqartitsisarnernit oqalugiartitsisarnernut, filmertitsinerit, saqqummersitsinerit, workshopertitsinerit immikkullu nalliussititsinerit. Sammineqartussanut qulakkeertinniartarpagut isumassarsiortitsinerit, ukkassilluni suliaqartitsinerit ilikkartitsiniaanerillu. 

Taakku saniatigut suliniutinik assigiinngitsunik ingerlataqarpugut, soorlu Repair Café (atisanik atortunillu atoqqissinnaasunngorlugit iluarsartuusseqatigiinnerit), inuusuttunut suliniutissat kiisalu tegneserianut tunngatillugu festivalertitsinissamut suliniut. Tassa tamakku suleqataaffigiumaagassatit. 

Suliassanut nutaanut sapiisuseqarlutit misileraallutillu sulerusuppigit? 

Ataatsikkut amerlasuunik suliassaqartillugu eqqummaarittarpit suliassanillu immikkoortitsisinnaavit? 

Sammisassaqartitassanut isumataallaqqippit, nutaaliorsinnaallutit sullinniakkanullu assigiinngitsunut suleriuseqarlutit? 

Taamaassimassappat illiusimassaaq suleqatitaarerusutarput. 

Pingaarnertut suliassarissavatit: 

• Atuagaateqarfiup kulturimut tunngasunik sammisaqartitsiuarnissaanik meeqqanut, inuusuttunut inersimasunullu naleqquttunik inerisaaqataassaatit 

• Atuagaateqarfiup neqeroorutaanik isumassarsiorluni takoqqusaarusiorsinnaaneq 

• Saqqummersitassanut aaqqissuussinernullu oqaasertassaliorneq nittarsaassinerlu

• Atuagaateqarfiup ammanerata nalaani atuagaatilerisutut vagtiuneq. Atuisunik ilisarinninnerulernissaq taakkununngalu naleqquttunik sammisassaqartitsinissamut isumataarnarnerulersinnaammat. 

• Aaqqissuussanut saqqummersitanullu atatillugu illoqarfeqatinik, nunatta sineriaaneersunik nunarsuarmioqatinillu attavissarsiorneq/suleqatissarsiorneq 

Naatsorsuutigaarput: 

• Atuagaatilerisutut DB/cand. scient. bibl., cand. mag imaluunniit tassunga naleqquttumik kulturimut aaqqissuisarnernulluunniit tunngasumik tunuliaqutaqassasutit 

• Suliniutinik aqutsinernut pisussanullu pilersaarusiornermut misilittagaqassasutit 

• Assassugassanik nutaaliorluni misilittagaqassaatit kulturimullu tunngasunik sammisaqartitsisarnermut isumassarsillaqqittuussaatit 

• Inuit attaveqatigiittarfiatigut siammarterinissamut piginnaaneqartutit

• Oqaatsinut piginnaaneqarluassasutit allattariarsornermik oqalunnermullu tunngatillugu 

• Kalaallit kulturiannut ataqqinnittuusutit inuiaqatigiinnilu suleqataarusussuseqassaatit 

• Kalaallisut oqalussinnaaneq iluaqutaassaaq piumasaqaataanngilarli. 

Neqeroorutigaagut: 

• Atorfik nuannersoq unammillernartorlu

• Nunatsinni kulturikkut suliniartunut inerisaaqataaneq 

• Suleqatit piginnaasaqarluartut, misilittagaqarluartut sulerusussuseqartullu suleqatiginissaat 

• Suliffimmi ineriartornissamut kiisalu nammineq inuttut ineriartornissamut periarfissaqassaaq 

• Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq

• Suliffeqarfik nuannersoq allanngoralaartuaannartoq, illoqarfimmi kusanarluinnartumiittoq sunngiffimmilu pinngortitarsuarmi atorluaanissamut periarfissarpassualik.

Uagut pilluta: 

Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuusoq. Illoqarfiup qeqqani inissisimanermini innuttaasunit atorluarneqartarpoq. 

Suliffeqarfik suleqatigiinnut sisamanut agguataarneqarpoq: Team Groenlandica, Team Nunarput, Team Oplevelser aamma Team Service. Suliffipput kulturikkut atuakkialerinikkullu paasissutissanik ingerlatitseqqiinikkut aaqqissuussarpassuaqarfiusarpoq, soorlu atuakkiortunik malunnartitsinerit ukiumullu ataasiarluni Unnuk Kulturisiortitsisarnerit. Illoqarfiullu kulturikkut pikialaartitsinerani peqataasarpugut, soorlu Nuummi Suialaa Arts Festivaleqaleraangat. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.