Saqqummiuteqqitaq: Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi immikkoortortaqarfimmi pisortaq

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik,  Immikkoortortaqarfik Periusissiorneq, Ineriartortitsineq Inatsisiliornerlu siuariarnissaanik ineriartornissaanillu qulakkeerinnissinnaasumik, tunniusimalluartumik immikkoortortaqarfimmi pisortassarsiorpoq

Pisortaqatigiinni peqataarusuppit meeqqat, inuusuttut ilaqutariillu atugaat pitsanngorsarniarlugit qulakkeerinninnissamut siuttuusuni?  Naalakkersuinikkut anguniakkanik qanimut suliaqarnerup kajumilersittarpaatit? Sulianik aqutsinissamut piginnaaneqarluarpit? Suleqatigiinnerlu uummaarilersittarlugu?  Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik immikkoortortaqarfimmi pisortassarsiorpoq ataqatigiissaarinermik, sulianik aqutsinermik suleqatigiinnermillu aallussilluarsinnaasumik anguniagalimmillu.  Immikkoortortaqarfimmi pisortaq suliassat eqqortumik suliarinissaannik ukkatarinnittoq, meeqqat inuusuttullu pillugit sullissinermi naalakkersuinikkut aallartinneqartunik iliuusissatut pilersaarutinik periusissanillu ingerlatsinissamut, ataqatigiissaarinissamut naammassinninnissamullu nuannarinnittoq. 

Naalakkersuisoqarfimmi meeqqat inuusuttullu atugaannik pitsanngorsaanissaq qitiutipparput aammalu suliassaqarfimmi naalakkersuinikkut suliallit anguniagaannik piviusunngortitsinissamik qulakkeerinnittussaalluta.  Immikkoortortaqarfimmi pisortassarsiorpugut, naalakkersuisoqarfimmi pisortaqatigiit sulisullu peqatigalugit siuarsaanissamik kiisalu suliassaqarfimmik pingaarutilerujussuarmik kivitsinissamut ukkatarinnittumik. 

Immikkoortortaqarfimmi pisortatut atorfik aaqqissuusaanikkut Periusissiorneq, Ineriartortitsineq Inatsisiliornermilu Immikkoortortaqarfimmi inissisimavoq, tassani suliassat ilaatigut tassaapput periusissiukkamik anguniakkat tigussaasumik iliuuseqarfigalugit, suliassaqarfimmi periusissiat iliuusissatullu pilersaarutit ineriartortillugit atuutsilersinneqarnissaannullu pilersaarusiorlugit, kiisalu naalakkersuinikkut kiffartuussilluni.

Taakku saniatigut Periusissioneq, Ineriartortitsineq Inatsisiliornermilu Immikkoortoqarfiup, immikkoortortaq ataani inissisimasoq, Isumaginninnermut Aqutsisoqarfik qanimut suleqatigalugu meeqqanut inuusuttunullu isumaginninnikkut suliniutit inerisarlugillu atuutsilersinnissaannik suliaqartarput – assersuutigalugu imminut toquttarnermut pitsaaliuineq, ilaqutariinnut siusinaartumik ujartuisumillu suliniuteqarneq, angerlarsimaffiup avataanut inissiinnginnissamut suliniutit kiisalu eqqarsartaatsikkut peqqissuuneq.

Aammattaaq suliassaqarfimmi inatsisiliorneq immikkoortortaqarfiup akisussaaffigaa, tassani suliatigut pitsaassutsip qaffasissup qulakkeernissaanut, piffissamik eqquinissamut aamma inatsisilerinikkut tunniunneqartut tamaasa naalakkersuinikkut paasineqarnissaannut tunngatillugu immikkoortortaqarfimmi pisortaq qitiusumik atuuffeqarpoq.  

Atorfik pillugu

Ulluinnarni sulinermi sulisunut qulingiluanut tunniusimalluartunut anguniaqarluartunullu aqutsisutut akisussaassaatit, naalakkersuisoqarfimmilu qanimut suleqatigissallugit.

Immikkoortortaqarfimmi pisortatut suliassat ilaatigut tassaapput:

Sulianik aqutsineq, periusissianik suliaqarnermi pitsaassusaannik siuariartornerannillu qulakkeerinninneq kiisalu naalakkersuisunit aallartinneqartunik sulianik allanik isumaginninneq

Immikkoortortaqarfimmi sulisunik aqutsisuuneq

Immikkoortortaqarfiup suliassaanik agguataarinninneq aamma pingaarnersiuineq

Immikkoortortaqarfimmi sulisunut sulinermi siunersiuineq

Suliffeqarfimmi aqutsinissamut sakkunik ineriartortitseqataanermut ingerlatsinermullu qulakkeerinninneq

Atorfimmi suliassanut attuumassuteqartunik arlalinnik allaffissornikkut aningaasaqarnermullu tunngasunik suliassaqartassaaq.

Immikkoortortaqarfimmi pisortap makku piginnaaneqarfigissagai naatsorsuutigaarput:

Naleqquttumik kandidatitut qaffasissusilimmik ilinniagaqarsimasoq

Isumaginninnermut atatillugu Kalaallit Nunaanni meeqqanut inuusuttunullu suliassaqarfik pillugu siammasissumik ilisimasalik

Aqutsinermik matumani suliniutinik aqutsinermik misilittagalik

Suliassanut ajornakusoortunut amerlaqisunullu tamakkiisumik isiginnissinnaasoq

Oqaloqatigiissitsinermut suleqatigiinnermullu aqqutissiuillaqqissoq - suliffeqarfiup iluani avataanilu

Allattariarsornikkut oqaatsitigullu atassuteqallaqqittoq

Namminersortoq iliuuseqarluarsinnaasorlu

Inuttut ammasuusoq, akuersaartoq tatiginninnermillu tunngavilimmik atassuteqarnermik pilersitsisinnaasoq

Suliffeqarfimmik politikikkut aqunneqartumik misilittagaqarluartoq

Naalakkersuinikkut siunnersuinissamik piareeqqasoq

Inuiaqatigiinnut kalaallinut kulturiannullu ilisimasaqarluartoq

Isumaginninnermut tunngasunik suliassanik pisariusunik paasinnillaqqissoq, aaqqiissuteqarsinnaasoq tamannalu pillugu pisariitsumik paasititsillaqqissoq  

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik pillugu

Meeqqanut, Inuusuttunut Ilaqutariinnullu Naalakkersuisoqarfimmi sulisut 24-t missaanniippugut immikkoortunut pingasunut avissimasut. Aqutsisunut Allattoqarfik, Periusissiorneq, Ineriartortitsineq Inatsisiliornerlu, Inatsisit Atuutsinneqarnerannut Naligiissitaanermullu Immikkoortortaqarfik. Naalakkersuisoqarfik taakku saniatigut immikkoortoqarpoq, Isumaginninnermut Aqutsisoqarfik kiisalu arlaannaannulluunniit attuumassuteqanngitsoq, pisinnaatitaaffinnik suliaqarfiusoq MIO.

Akissarsiat aamma atorfeqarnermi atugassarititaasut

Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 64.048 ukiumullu Kr. 768.576.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Akissarsianut atorfeqartitaanermullu atugassarititaasut, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. 

Inissaqarneq

Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni, sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Qinnuteqaat  

Qinnuteqarnissamut ulloq killigititaq tassaavoq 25. oktobari 2026.

Ulloq sulilerfissaq 1. decemberi 2026 imaluunniit isumaqatigiissuteqarnikkut.

Oqaloqatigiinnissat piffissap ingerlanerani ingerlanneqarnissaat naatsorsuutigineqarpoq. 

Paasissutissat annertunerusut

Atorfik pillugu paasisaqarnerujumaguit, naalakkersuisoqarfimmi pisortamut Helena Lynge Møllerimut attaveqarnissamut tikilluaqqusaavutit, uunga helm@nanoq.gl imaluunniit oqarasuaammut +299 56 31 80.