Fakta
Atorfiup suussusaa: ServiceDeskimi kiffartuussisoq
Suliffeqarfik: Tusass
Qinnuteqarfissamut killigititaq: Piaarnerpaamik
Attavissaq: Allan D. I. Streymoys saaffiigisinnaavat: adis@tusass.gl.
Tusass-ip IT-mi Kiffartuussiviata saaffiginnittarfiani suleqatissarsiorpugut
IT-ip iluatsittumik ingerlanissaa peqataaffigerusuppiuk – ilutigisaanillu tassaassallutit suleqatigiit IT-llu akornanni pitsaasumik naapeqatigiissitsisoq?Tusass-imi pissarsiarerusupparput Saaffiginnittarfimmi suleqatissaq, suliaminik pimoorussisoq kiffartuusserusussuseqartorlu, suliffeqarfimmi IT-mik ikiuinerup iluani Kalaallit Nunaannik ataqatigiissitsisumi.
Atorfik pillugu
Kiffartuussiviup saaffiginnittarfia tassaasarpoq Tusass-imi IT-mik pissarsiniarnermi ornitaq siulleq. Tassani suleqatit ulluinnarni pilertortumik ikiorneqarnissamik pisariaqartitsisunit saaffiginneqartartut naapitassaapput aammali tassaalluni aaqqissuussaanermi suliffik patajaatsoq ingerlalluartorlu.
Kiffartuussiviup Saaffiginnittarfiani suleqataaleruit tassaassaatit IT-mi Kiffartuussivimmi suleqataasoq, ulluinnarni ingerlatsinermi ikiuisarnermilu pingaarutilimmik atuuffeqartussaq.
Suliassatit pingaarnerit ilaatigut ukuussapput:
- Tusassip iluani IT-mi ikiuinermi suleqat ornitaq siulleq
- ITSM-imik attavik aqqutigalugu, siarnguttunik namminerlu ornigulluni saaffiginnissutinik tigoqqaaneq sullissinerlu
- Qarasaasianik, atuisunik atortunillu piareersaallunilu aserfallatsaaliuineq
- Ataatsimiittarfinni, AV-mi atortunik skærminillu sullissisutut ikiortaaneq
- Ulluinnarni ingerlatsinermi suliassanik kukkunernilu annikitsunik aaqqiineq
- IT-teamsini allanik pilersuisunillu avataaneersunik annertusaaneq suleqateqarnerlu
- Suliat uppernarsaatissaannik eqqortumillu nalunaarsorneqarnissaannik suliaqarneq
Illit
Naatsorsuutigaarput:
- IT-mi ikiuinermik misilittagaqartutit – ass. IT-mi ikiuisartutut, kiffartuussivimmi saaffigisartakkatut assigisaanilluunniit
- Windows-imik Microsoft 365-imillu nalunngisaqarluartutit
- Atuisunik attaveqarnermik nuannarisalik aammalu teknikkimut tunngasut pillugit eqqissisimasumik paasinnittumillu nassuiaasinnaasutit
- Aaqqissuulluakkamik suleriaasilik misikkarissorlu – aamma ulapaarfinni
- Oqaluukkuminartoq, ikiuiumatooq suliassanullu akisussaassuseqartoq
IT-mut tunngasunik ilinniagaqarsimanissaq iluaqutaassaaq, piumasaqaataananili. Pingaarnerpaavoq kiffartuusserusussuseqartuuneq ilinniarusussuseqartuunerlu.
Neqeroorutigaarput
- Suliffeqarfimmi inuiaqatigiinnut pingaaruteqartumi ulluinnarni inuuneq pissanganarlunilu allanngorartoq
- IT-mik Kiffartuussivimmi suleqatit qanimut suleqatigiittut pikkorissullu
- Suliassaqarfimmi ineriartornissamut periarfissatsialaat
- Suliffeqarfik suleqatigiinnermik, akisussaassuseqarnermik ingerlalluarnermillu sammisalik
- Isumaqatigiissutit atuuttut malillugit atorfinitsitaaneq
Paasissutissat pisariaqartut
Najukkami suliffissaq: NuukSuliffiup sivisussusaa: Ulloq naallugu
Atorfimmut tunngasunik apeqqutissaqaruit IT-Services-imi immikkoortortami pisortaq Allan D. I. Streymoys saaffiigisinnaavat: adis@tusass.gl.
Qinnuteqaat, CV ilanngussallu attuumassutillit Tusass-imi atorfinnut portali aqqutigalugu nassiunneqassapput.
Tusass pillugu
Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Kalaallit Nunaat tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.
Uani paasisaqarnerusinnaavutit: www.tusass.gl
