Sikkersumi pisortap tullersortaatut atorfik

Sikkersumi pisortap tullersortaatut atorfik.

Meeqqanut ukioqatigiianut assigiinngitsunut ulluunerani paaqqinnittarfik Sikkersoq perorsaasumik pissarsiorpoq atorfinittussamik piaartumik imaluunniiit isumaqatigiissuteqarnikkut. Tamakkiisumik atorfik sapaatip akunneranut nalunaaquttap akunneri 40-t suliffiusarput.

Sikkersoq pillugu:

Ukioqatigiinngiiaanut meeqqerivik Sikkersoq Nuussuarmiippoq, meeqqanullu 64-inut inissaqartitsilluni, meeraaqqerivittaani meeqqanut 24-nut meeqqerivittaanilu meeqqanut 40-nut inissaqartitsivoq.

Sulisut inunnut 14-inut amerlassusiligaapput. Inini sisamani tamani 3-nut amerlassusiligaallutik, igaffimmioq pisortarlu.

Sikkersoq ulluinnarni nal. 07.00 – 17.00 ammasarpoq.

Pisortamut tullersorti inimi perorsaasutut atorfeqarpoq, aammalu pisortap tullersortaa pisortarlu qanimut suleqatigiilluinnartussaapput. Pisortallu peqannginnerani pisortatut sassartartuulluni. Sapaatillu akunneranut akunnerni 40-ni sulisarluni, tassa nal. 07.00-ip 17.00-illu akornanni piffissani nikerartuni.

Pisortaq, tullersorti aamma immikkoortortami aqutsisoq aqutsisoqatigiittut inissisimapput, taakkulu akisussaaffigalugit meeqqerivimmi perorsaanermut tunngasunik ineriartortitsinissaq, angajoqqaanik suleqatiginninneq aammalu suleqatinik aqutsineq.

Uagut ilinnut makku naatsorsuutingaagut:

∙Perorsaasutut ilinniagaqarsimassasutit

∙Pisortaq peqanngitsillugu isumaginnissinnaanissat

∙Meeqqat inerikkiartornerannut tunngasunik ilisimasaqartuusutit

∙Aalajaatsuusutit

∙Suleqatigiissinnaanermut kajumissuseqartuusutit

∙Aqutsinermik ilisimasaqartuunissat

∙Pc-mut ilisimasaqarnissat

∙Akisussaassuseqartuunissat

∙Allannguerusussuseqartuunissat

∙Illarsarumatuusutit/nuannersumik isumaqartuusutit

∙Inuunermut nuannersumik isiginnittaaseqartuusutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Anguniakkagut pingaartitagullu ilaatigut makkuupput:

∙Inuttut inooqataanikkullu piginnaasatigut inerisaaneq

∙Timimi aalaatsinik ullut tamaasa atuisitsineq

∙Sulisut atuisullu akornanni attaveqatigiilluarneq

∙Meeqqat ataasiakkat pisariaqartitaanik takunnissinnaasoq

∙Meeqqap imminut naleqartinneranik imminullu tatigineranik siuarsaaneq

∙Sulinermi avatangiisigissaarneq nuannaarnissamut piffissaqarneq

Makku neqeroorutigisinnaavagut:

∙Suleqatit eqeersimaartut 14-it

∙Sulisutigut inerisaanerup aallutarinera 

∙Meeqqat angajoqqaallu nuannaartut 

∙Suliffik unammillernartortalik aalajangeeqataanissamullu periarfissiisoq. 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Debora Olsen, oqarasuaat +299 36 67 30 imaluunniit e-mail: dols@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 690-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 23.-at, 2025

Atorfik una qinnuteqarfigiuk