Silap pissusia pillugu suliassaqarfimmi AC-fuldmægtigi

Silap pissusia pillugu suliassaqarfimmi AC-fuldmægtigi

Kalaallit Nunaata nunat tamalaat akornanni silap pissusia pillugu suliassaqarfimmi isumaqatiginninniarnerinut suleqataarusuppit? (AC-fuldmægtigi)

Atorfik pillugu

Pinngortitamut Avatangiisinullu Naalakkersuisoqarfik silap pissusia pillugu suliassaqarfimmi ataatsimik suleqatissarsiorpoq. Silap pissusianut allaffimmiilissaatit. Allaffimmi suleqatit peqatigalugu silap pissusia pillugu suliassaqarfimmi kalaallit nunaata nunat tamalaat akornanni silap pissusiata politikkikkut aqunneqarnera aamma nunami namminermi silap pissusia politikkikkut ineriartortitsinissamut suliaqarnissamut qularnaarissaasi.

Politikkikkut ineriartornermut aamma naalakkersuinikkut kiffartuussinermut atatillugu qitiusumik inissisimassaatit. Pingaarnertut nunat tamalaat akornanni silap pissusia pillugu politikkitigut suliaqarfigissavat.

Suliassaqarfimmi ineriartornermut suliassarpassuaqarpoq, nunatta 2024-mi Parisimut Isumaqatigiissummut ilanngunnikuunera aallaavigalugu. Allaffiup nunat tamalaat akornanni suliap pissusia pillugu isumaqatiginninniarnerit FN-ip ataaniittoq suliassaqarfigaa, aamma Kalaallit Nunaata aamma pingaarnertut Nunap Inoqqaavisa soqutigisaat suliassaqarfigaa. Tamatumunnga atatillugu allaffiup nunami namminermi silap pissusia pillugu periusissiaq ineriartortinnissaa akisussaaffigaa, matumani siunissamut nunap silap pissusia pillugu suliamut sinaakkusersuinissaq.

Pingaarnertut suliarissavatit:

• Suleqatitit peqatigalugit suliassat FN-ip ukiumoortumik silap pissusia pillugu isumaqatiginninniarneranut tunngasunik suliaqarneq,

• Suleqatigiissitanut Issittup Siunnersuisooqatigiit ataani Arctic Monitoring and Assessment Programme (AMAP)-imi peqataaneq,

• Nunat Avannarliit Siunnersuisoqatigiivinut atatillugu silap pissusianut atatillugu suliassanik suliaqarneq,

• FN-ip silap pissusia pillugu allattoqarfianut aamma Nunat Avannarliit Siunnersuisoqatigiivinut nalunaarusiorneq,

• Silap pissusiata allanngoriartornera pillugu naalakkersuisoqarfiup nittartagaa ineriartortillugu suliaralugulu,

• Akunniliulluni sullissinerit, tassunga atatillugu ass. tusagassiutinut nalunaarusiorneq aamma innuttaasunut paasissutissiineq,

• Silap pissusia pillugu suliassaqarfimmi suliassanut ikiuunneq, tassunga atatillugu misissueqqissaarinernut suliaqarneq il.il. nunami namminermi silap pissusia pillugu periusissiamut aamma nunami namminermi silap pissusia pillugu naleqqussaanermut atatillugu ikiuunneq.

Illit pillutit

Allaffissornikkut suleqatissarsiorpugut qanimut politikki naligalugu silap pissusiata politikkianik suliaqarusuttumik. Politikkikkut aaqqissuusaasumi aamma/imaluunniit namminersornermik inuussutissarsiuteqarfimmi misilittagaqarsimanissat, iluaqutaassaaq. Tamatumunnga atatillugu silap pissusiata politikkianik aamma FN-ip silap pissusiata ataatsimiitsitaliaata ataani silap pissusia pillugu isumaqatiginninniarnernut atassuteqartumik suliaqarnissamut paasisimaqartuunerit iluaqutaassaaq.

Ingerlatsinermut ineriartortitsinermullu suliassat siammasissut pineqarput, nutaanik suliaqarusussuseqassaatit aamma suliat naammaginartumik inerniliissuseqassaatit, siumut inerniliussassanut ilisimanngisatsinnut, peqatigisaanik kisimiillutit sulianik ingerlatsisinnaassuseqassaatit. Atorfimmut atatillugu angalasarnerit pisassapput.

Qinnuteqaatit ilinniartunit naammasserlaaniit aamma sivisuumik suliffeqartunit inuunermullu misilittagaqarluartumik tiguserusuppugut.

Taamaammat takorusupparput:

• Allaffissornikkut kandidatitut qaffasissusilimmik naleqquttumik ilinniagaqartuunissat

• Silap pissusia pillugu suliamut ilisimasaqartuunissat,

• Kalaallisut, tuluttut qallunaatullu allattariarsornikkut oqaatsitigullu isumaqatigiissuteqarsinnaanermut qaffasissusilimmik piginnaaneqassasutit,

• Kalaallit inuiaqatigiit aaqqissuusaaneranut ilisimasaqartuunissat, tassunga atatillugu nunap inoqqaavisa atugassarititaat,

• Allattariarsornikkut oqaluttariarsornikkullu attaveqaqatigiinnermut katitigaaneranut pikkoriffeqassasutit,

• Namminersorsinnaassasutit, inerniliisinnaassuseqarlutit aamma suliniutinut annertuunut tamakkerlugu isiginnissinnaassuseqassasutit,

• Politikkikkut aqunneqartumi aaqqissuusaasumi aamma/imaluunniit namminersortutut inuussutissarsiornermi misilittagaqassasutit,

• Sungiussiasoq, peqqissaartoq aamma inerniliussassanut misissueqqissaarisinnaasoq.

Pinngortitamut Avatangiisinullu Naalakkersuisoqarfik pillugu

Kalaallit Nunaata inuiaqatigiinni suliassat pingaarutillit kivittarpagut ulluinnatsinnilu nuannersumik pissusilersortarneq malunnarpoq aamma angusassanut nammineq inuttut sunniinissamut inissaqartitsisoqarluni. Ineriartortitsinermut soqutiginartunik suliassarpassuaqarpugut, uatsinnullu pingaaruteqarpoq illit suliffinni ineriartortutut misigisimanissat. Naalakkersuisoqarfimmi inuit 46-ut missaaniippugut immikkoortortaqarfinnut sisamanut agguagaalluta.

Akissarsiat atorfeqarnermilu atugassarititaasut

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.. AC-fuldmægtigetut atorfinitsitsisoqassaaq, kandidatinullu uppernarsaatit naleqquttut pigigaanni immikkut siunnersortitut/siunnersortaanertut atorfinitsitsisoqarsinnaavoq.

Sapaatip akunneranut akunnerit 40-t suliffiuvoq.

Sulilernissaq 1. august 2025 imaluunniit isumaqatigiinnikkut.

Qinnuteqarnissamut ulloq kingulleq 26. maaji 2025.

Atorfininnissamut oqaloqatiginninnerit sapaatip akunnera 22-mi ingerlatissavagut.

Inissiaq

Atorfinittussaq sulisunut inissiamut pequsersorneqanngitsumut, maleruagassat sukkulluunniit atuuttut naapertorlugit innersuuneqarsinnaatitaavoq. Inuit sulisunut inissiami, imaluunniit inissiami allami, kommunimit imaluunniit Namminersorlutik Oqartussanit pigineqartumi najugaqareersut sulisunut inissiamut innersuunneqarsinnaanngillat. Ineqarnermut akiliutit qularnaveeqqusiissullu inissiamut innersuunneqartumut maleruagassat sukkulluunniit atuuttut naapertorlugit akilerneqartassapput. Sulisunut inissiaq atorfeqarnermut atasuuvoq, aammalu atorfeqarunnaarnermi qimanneqartussaalluni.. Ineqarnermut akiliutit inissiallu pitsaassusia inissap pisoqaassusia, piginnittoqarnera apeqqutaallutik allanngorarsinnaapput. Sulisunut inissiamut najugarilivitassamut innersuunneqarnissamut utaqqisoqarsinnaavoq, taamaattumillu inissinneqarallarnissaq pisinnaalluni, taakkununngalu najugaqaqatigiiffiit minnerit imaluunniit akunnittarfiit inissiaataat akileraarnikkut akilerneqartussat ilaatinneqarput. Matumani qinnuteqartup Namminersorlutik Oqartussani sulisut inissiaataani atorfimmut atatillugu ineqareerpat, tamatumani inissiaq paariinarnissaanut pisussaaffeqarpoq.

Atorfik Nuummiippoq.

Paasissutissat sukumiinerusut

Atorfik pillugu paasisaqarnerorusukkuit imaluunniit Namminersorlutik Oqartussani sulineq pillugu apeqqutissaqaruit, immikkoortortaqarfimmi pisortaq Paninnguaq Kristiansen oqa. +299 48 57 62 attaviginissaanut tikilluaqqusaavutit.

Qinnuteqaat nassiuguk