Silap pissusia pillugu suliassaqarfimmi AC-fuldmægtigi

Kalaallit Nunaanni nunami namminermi silap pissusia pillugu suliniutinik isumaginneqataarusuppit? (AC-fuldmægtigi)

Atorfik pillugu

Pinngortitamut Avatangiisinullu Naalakkersuisoqarfik silap pissusia pillugu suliassaqarfimmi sulisussamik ataatsimik pissarsiorpoq. Silap pissusia pillugu allaffeqarfittaaniissaatit. Tassani silap pissusia pillugu suliassaqarfimmi suleqatitit suleqatigalugit oqartussaaffimmi aaammalu suliassaqarfimmi “silap pissusiaa”-ni inatsisitigut sinaakkutissat politikkikkullu anguniakkat tunngavigalugit ingerlatsinissaq politikkikkullu ineriartortitsinissaq qulakkiissavarsi. Atorfimmi pingaartumik nunami namminermi silap pissusianut suliniuteqarfissat, tassalu nunami namminermi politikkinik aammalu silap pissusiani annikillisitsinissamut naleqqussaanissamullu anguniakkanik suliaqarneq, silap pissusiani allannguutit il.il. pillugit inuiaqatigiinnut paasititsiniaaneq akuutitsinerlu immikkut ittumik aallunneqartussaapput. Suliat ataatsimut sunniutissaannik, aammalu immikkoortortaqarfiup avataani suleqatinik attuumassutilinnik tamanik qanittumik suleqateqarnermik qulakkeerisussaavutit, taakkununngalu Namminersorlutik Oqartussani naalakkersuisoqarfiit nunarsuarmilu avatangiisit amerlanerusut ilaatinneqarput, taamaalilluni allaffik Naalakkersuisup Naalakkersuissullu anguniagaannik piffissaagallartillugu angusaqarsinnaaniassammat.

Politikkikkut ineriartortitsinissaq naalakkersuisumillu kiffartuussinissaq eqqarsaatigalugit qitiusumik inissinneqassaatit.

Allaffik suliassaqarfimmi ineriartortitarpassuaqarpoq, Kalaallit Nunaat 2024-mi Parisimi isumaqatigiissummut ilaalersimammat. Allaffik FN-ip ataani nunani tamalaani silap pissusia pillugu isumaqatiginninniarnernik isumaginnittuuvoq, aammalu Kalaallit Nunaata – pingaartumillu nunap iniisa – soqutigisaannik isumaginnittuulluni. Tamatuma saniatigut allaffik nunami namminermi silap pissusia pillugu ineriartortitsinermut, nunatsinni siunissami silap pissusia pillugu suliniutissanut sinaakkusiisussamut akisussaasuuvoq.

Suliassatit pingaartumik tassaassapput:

• Nunami namminermi silap pissusianut politikkimik silallu pissusianut naleqqussaanermik, kiisalu nunami namminermi silap pissusiani CO2-mik annikillisaaniarluni anguniakkanik ataqatigiissaarineq suliaqarnerlu,

• Inuiaqatigiinni immikkoortuni tamani silap pissusiata allannguutai silallu pissusianut naleqqussaanerit eqqarsaatigalugit paasititsiniaaneq, akuutitsineq oqaloqateqarnerlu, taakkunanilu innuttaasut, suliffeqarfiit, inuussutissarsiornermi suliniaqatigiiffiit il.il. ilaatinneqarput.

• Suliassaqarfinnut qanigisanut allanut ataqatigiissaarineq suleqateqarnerlu, soorlu nunami namminermi annikillisaaniarnermi naleqqussaanermilu nukissiornermik suliassaqarfimmik,

• Kalaallit Nunaanni nunami namminermi nunani tamalaani suliassaqarfinnut, taakkununngalu UNFCCC, Issittumi Siunnersuisoqatigiit aamma Nunani Avannarlerni Siunnersuisoqatigiit il.il. ilanngullugit soqutigisaanik isumaginninnissaq eqqarsaatigalugu silap pissusia pillugu suliassaqarfiup nunanut tamalaanut tunngasortaanik ataqatigiissaarineq, suleqateqarneq ikiuisarnerillu.

• Suleqatit suleqatigalugu FN-imi ukiumoortumik silap pissusianut isumaqatiginninniarnernut atatillugu suliassanik isumaginninneq,

• FN-ip silap pissusia pillugu allattoqarfianut aamma Issittumi Siunnersuisoqatigiinnut nalunaarutinik suliaqartarneq,

• Ingerlatitseqqittarnermi suliassat, taakkununnga assersuutigalugu tusagassiorfinnut nalunaarutinik innuttaasunullu paasissutissiissutinik suliaqartarneq,

Ilinnut tunngasut

Sulisussamik ilinniagartuumik, silap pissusia pillugu silap pissusia pillugu politikki qanillugu suliaqarnissamut kajumissusilimmik pissarsiorpugut. Politikkikkut aaqqissuussaanermi aamma/imaluunniit namminersortut inuussutissarsiorneranni sulinermik misilittagaqaruit iluaqutaassaaq. Tamatuma saniatigut silap pissusia pillugu politikkimut aamma FN-imi silap pissusianut isumaqatigiissutip ataani silap pissusia pillugu isumaqatiginninniarnernut attuumassutilinnik ilisimasaqaruit iluaqutaassaaq.

Matumani ingerlatsinermi ineriartortitsinermilu suliassat assigiinngitsorpassuit pineqarput, tassanilu suliassat inernissaat ilisimareernagit qunusuissuseqarlutit nuannaralugulu suliaqartassaatit, tamatumalu saniatigut suliassat nammineerlutit ingerlassinnaassallugit. Atorfimmut atatillugu angalangaatsiartoqartassaaq.

Ilinniakkaminnik naammassinnerlaanit aamma piffissami sivisunerusumi sulinermik inuunermillu misilittagalinnit qinnuteqaatinik tiguserusuppugut.

Taamaattumik kissaatigaarput:

• Ilinniagartuutut attuumassutilimmut kandidatitut ilinniagaqarsimassasutit.

• Silap pissusianut suliassaqarfimmik ilisimaarinnittuussasutit.

• Kalaallisut, tuluttut danskisullu allattariarsornikkut oqaluinnarnikkullu isumaqatiginninniarsinnaanermut piginnaaneqassasutit,

• Inuiaqatigiinni kalaallini pissutsinik ilisimasaqarluassasutit, tassungalu nunap inuiinut atugassarititaasut ilaatinneqarput,

• Apeqqutit pisariusut pillugit allattariarsornermi oqaluinnarnilu oqaatsit ersarissut paasiuminartullu atorlugit nassuiaasinnaanermut piginnaaneqassasutit,

• Namminersorlutit, aaqqiissutissanik siunnerfeqarlutit, aammalu suliassat annertunerusut paasisimaaralugit sulisinnaassasutit,

• Aaqqissuussaanermi politikkikkut aqunneqartumi aamma/imaluunniit namminersortut inuussutissarsiornerani sulinermik misilittagaqassasutit,

• Apeqqutinik aaqqiiniarnermi eqaatsumik, peqqissaartumik misissueqqissaarfiusumillu sulisinnaassasutit.

Pinngortitamut Avatangiisinullu Naalakkersuisoqarfik pillugu

Inuiaqatigiinni kalaallini suliassat pingaarutillit suliarisarpagut, aammalu ulluinnarni sulinitsinni ataqatigiinnerput pitsaasuuvoq, inuillu namminneerlutik suliat inernerannut sunniuteqarnissaannut inissaqartitsivugut. Ineriartortitsinermi suliagut pissanganartorpassuupput, taammalu atorfimmi ineriartorlutit misigisinnaanissat uagutsinnut pingaaruteqarpoq. Naalakkersuisoqarfimmi sulisut 46-t missaanniippugut, immikkoortortaqarfinnut sisamanut agguagaalluta. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk