Sillimmasiinermut Ajoqusernernullu Immikkoortortaqarfimmi Pisortaq

Sillimmasiinermut Ajoqusernernullu Immikkoortortaqarfimmi Pisortaq –aqutsisussamik siunnerfilimmik misissueqqissaartumillu sillimmasiisarnerup assartuinerullu iluani misilittagaqarluartumik pissarsiorpugut

Sillimmasiinermut Ajoqusernernullu Immikkoortortaqarfimmi Pisortamik tunniusimasumik piginnaasaqarluartumillu, suliassaqarfinni imarsiornermut tunngasuunngitsuni suliffeqarfiup sillimmasiisarneranik naammagittaalliutinillu isumaginnittarnermut akisussaasussamik Royal Arctic Line pissarsiorpoq. Periusissiorfiusumik eqqarsartuuvutit, aaqqissuulluakkamik suleriaaseqarlutit aqutsinerlu piginnaasaqarfigilluarlugu. Nunat tamalaat akornanni sillimmasiisarnermut suliaqarfiit imaluunniit assartuusseriaatsit pisariusut misilittagaqarfigalugit, iluassaarlu inatsisitigut paasisimasaqarfigalugit, aqutsisoqatigiinni pingaarutilimmik peqataalissaatit, compliance, aarlerinaateqarsinnaasunik aqutsineq aamma digitalimik ineriartortitsineq qulakkiigassaralugit.

Atorfimmi akisussaaffiit anguniakkallu

Suliassaqarfiit imarsiornermut tunngasuunngitsut iluanni suliffeqarfiup sillimmasiinermit matussuserneqarnissaata naammagittaalliutinillu isumaginnittarnerup qulakkeernissaannut Royal Arctic Linemi Sillimmasiinermut Ajoqusernernullu Immikkoortortaqarfimmi Pisortatut qitiusumik inissisimassaatit. Umiarsuaatileqatigiiffimmi sillimmasiinerit sillimmasiisarnermut politikkimut naapertuunnissaat, suliffeqarfiup naammattumik matussuserneqarnissaa inatsisinillu malitsitsinissaq kiisalu suliffeqarfiup iluani compliance akisussaaffigissavatit. Aammattaaq aarlerinaateqarsinnaasunik aqutsinermi periusissiornikkut pingaarutilimmik inissisimassaatit aqutsisutigoortumillu aalajangiiniarnerit suleqataaffigalugit.

Naammagittaalliutinik saaffiginnittarfimmik nutaamik, umiarsuaatileqatigiiffiup assartukkat uppernarsaasiorneqarnerinut systemianut (TMS) ataqatigiissinneqartumik, digitalinngortitsineq atulersitsinissarlu siuttuuffigissavat. Tamatuma saniatigut missingersuutinut akisussaasuussaatit sillimmasiinermullu akilersuutit kontunut eqqortumik inississorneqarnissaat isumagalugu kiisalu usit assartorneqarnerminni ajoqusernerinut tunngatillugu naammagittaalliuutinik suliarinnittassallutit. Immikkoortortaqarfimmi periusissiornikkut ineriartortitsineq, atugarissaarnissaq sulisullu piginnaasaannik ineriartortitsinissaq qulakkiissavatit.

Suliassatit pingaarnerit tassaapput umiarsuaatileqatigiiffimmut ingerlatseqatigiiffiutaanullu sillimmasiisarnikkut pissutsinut tamanut akisussaaffeqarneq, tamatumunnga ilanngullugu sillimmasiisarfinnut, soraarnerussutisiaqalernissamut ingerlatseqatigiiffinnut sillimmasiisartunullu attaveqarneq. Naammagittaalliuutinik ajoqusernerillu pitsaaliornissaannut iliuusissanik tigusaqartarnermik, suliarinnittarnermik malitseqartitsisarnermillu isumaginnittuussaatit. Immikkoortortaqarfiillu susassaqartut peqatigalugit umiarsuaatileqatigiiffiup umiarsuaataanik assartuussinermi usit containerillu annertuumik ajoqusernerini pitsaaliuinermik suliaqartassaatit assartuinermilu aalajangersakkat ingerlaavartumik nutartertarnissaannik qulakkeerinnillutit.

Taarsiivigineqarnissamik piumasaqaatinut eqqartuussivitsigut aalajangiiffigisassanut atatillugu eqqartuussissuserisutut suliffeqarfinnik avataaneersunik oqaloqateqartassaatit, suliffeqarfiullu aarlerinaateqarsinnaasunik aqutsinera compliancemillu suliaqarnera eqeersimaartumik suleqataaffigalugu. Ajoqusernernut tunngasut ineriartorfiunerannik misissueqqissaarneq pitsanngorsaatissatullu siunnersuutitalinnik nalunaaruteqartarneq suliassannut aamma ilaapput, taamatuttaarlu sillimmasiinermut allagartanik nutarterineq assartukkanullu sillimmasiinernik tuniniaanerit pillugit sillimmasiisarfinnut attaveqaqatigiinnerit isumaqatiginninniarnerillu isumagissavatit.

Aammattaaq suliffeqarfiup iluani najoqqutassanik suleriaasissanillu suliaqassaatit, sulisunik susassaqartunik naammagittaalliuutinut sillimmasiinernullu pissutsit pillugit ilinniartitsisassallutit kiisalu pisortaqatigiinnut siulersuisunullu qaammammoortumik ukiumoortumillu nalunaarusiortassallutit. Pisunik sillimmasiinermut attuumassuteqartunik misissuiartornerit eqqortumillu poortuisarnissaq pillugu siunnersuisarneq sulinermut aamma ilaapput, aamma umiarsuaatileqatigiiffimmi suliaqarfiit akimorlugit suliniutini suleqataasassaatit.

Sillimmasiisarfiit, sillimmasiisartut, suleqatigisartakkat, aningaasaqarnermut immikkoortortaqarfik, sulisoqarnermut immikkoortortaqarfik, niuernermut immikkoortortaqarfik kiisalu umiarsualiviit terminalillu qanittumik suleqatigissavatit.

Ajoqusernernik suliarinninnermi aalajangiinissamut piginnaatitaassaatit aningaasat annertussusissaannut killilikkanut aamma pisiortorfigisassanik toqqaanissamut innersuussinissaq kiisalu suliffeqarfiup aarlerinaateqarsinnaasunut najoqqutassiaanut tunngatillugu sillimmasiinermit matussuserneqarnerup ukiumoortumik nalilersuiffigineqarnera akisussaaffigissavatit.

Piginnaasat:

• Attuumassuteqartumik ingerlaqqiffiusumik ilinniagaqarneq, ass. cand.jur., HD, cand.merc. assingusumilluunniit
• Nunat tamalaat akornanni suliffeqarfimmi imaluunniit assartuusseriaatsinik pisariusuni sillimmasiisarnermik misilittagaqarneq
• Risk managementip aamma compliancep iluanni imaluunniit sillimmasiissutinik tuniniaanermut allagartaqarneq iluaqutaassaaq
• Assartuussinerup/shippingip iluani misilittagaqarneq pingaartinneqassaaq
• Assartuussinermik suliaqarfimmit inatsisitigut tunuliaqutaqarneq iluaqutaassaaq

Pisinnaasat:

• Danskisut tuluttullu qaffasinnerusumik allassinnaaneq oqalussinnaanerlu. Kalaallisut allassinnaallutillu oqalussinnaaguit iluaqutaassaaq.
• Siunnerfilimmik misissueqqissaartumillu eqqarsartoq, aarlerinaateqarsinnaasunut tappissoq ataqatigiinnernillu pisariusunik paasinnissinnaasoq.
• Aaqqissuulluakkamik ilusilikkamillu suleriaaseqarneq immikkuualuttut tamaginnillu malinnaasinnaassuseqarneq ukkataralugit.
• Innarligassaannginneq naliliisinnaassuseqarluarnerlu taarsiivigineqarnissamillu piumasaqaatinik nalilersuinermi kinaassusersiunnginneq.
• Aaqqiagiinngissutinik suliaqartarnerup iluani piginnaasaqarluarneq.
• Attaveqaqateqallaqqinneq, allattariarsornikkut oqaluttariarsornikkullu, pissutsit pisariusut erseqqissumik saqqummiunnissaat piginnaasaqarfigalugu.
• Aqutsisutut kajumilersitsisoq, saqqumisoq tatiginartorlu suleqatigiinnissamullu piginnaasaqarluartoq.

Neqeroorutigaagut

Suliffeqarfimmi allanngorarfiusumi Kalaallit Nunaanni attaveqaasersuutinut ineriartornermullu pingaaruteqarluartumi aqutsisutut atorfik qitiusumik inissisimasoq unammilligassaqarfiusorlu. Nunat tamalaat akornanni avatangiisini nutaaliornermik piujuartitsinissamillu pingaartitsiffiusuni sillimmasiinermik ajoqusernernillu suliassanik pisariusunik siunnerfilimmik suliaqarnissannut periarfissaqassaatit. Sulinermi avatangiisit pitsaasuunissaannik, suliatigut ineriartornissamik atugarissaarnissamillu pingaartitsivugut, sunniuteqaqataanissamullu akisussaaffimmillu tunineqarnissamut annertuumik periarfissaqartitaassaatit. Aaqqissuussaaneq suliatigut piginnaasaqarfiulluartoq suliaqarfiillu aamma sumiiffiit akimorlugit suleqatigiittunik tunniusimasunik sulisoqartoq suleqataaffigilissavatit.

Royal Arctic Line pillugu

Royal Arctic Line Kalaallit Nunaata umiarsuaatileqatigiiffiutigaa Kalaallit Nunaata nunarsuup sinneranut atassuserneqarnissaanut pingaarutilimmik inissisimasoq. Suliffeqarfik 1993-imi tunngavilerneqarnerminiilli Kalaallit Nunaannut tassanngaanniillu aammalu umiarsualiviit akornanni assartuussinikkut aaqqiissutinik patajaatsunik tatiginartunillu qulakkeerinninnissamik anguniagaqarpoq. Royal Arctic Line umiarsuaatit nutaaliaasut attaveqarfigisallu pitsaasut atorlugit issittup imartaani assartuinikkut unammilligassat pisariusut ullut tamaasa isumagisarpai taamaalillunilu Kalaallit Nunaanni inuiaqatigiinnut inuussutissarsiuteqartunullu pilersuinermik pingaarutilimmik qulakkeerinnittuulluni. Umiarsuaatileqatigiiffik piujuartitsinermik, isumannaallisaanermik nutaaliornermillu annertuumik aallussisuuvoq Kalaallillu Nunaata aningaasarsiornikkut ineriartortinneqarnerani qitiusumik inissisimalluni.

Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip mobilikkut +299583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit

Flies HR sulisussarsiornermik isumaginnittuuvoq, taamaattumillu saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu sukumiinerusumik apeqqutissaqaruit pisortaaneq Niels Clemensen nic@ral.gl-imut allaffigalugu saaffiginninnissamut tikilluaqqusaavutit.

Tusarfiginissat qilanaaraarput.

Royal Arctic Line A/S

Royal Arctic Line A/S pillugu paasissutissat amerlanerusut www.ral.gl-ikkut pissarsiarineqarsinnaapput

Qinnuteqarnissamut killissarititaasoq: septembarip 9.-at, 2025

Atorfik una qinnuteqarfigiuk