SISA Pension-imut Backoffice-mi sulisoq

Kalaallisut/danskisut marlunnik oqaaseqartuuit, aamma Kalaallit Nunaata ineriartortinneqarneranut peqataarusussinnaavit? Aningaasaqarnermut tunngasunik piginnaasaqarpit ilinniarnerillu akilerneqarluni suliffissarserusussinnaavit? Kalaallit Nunaanni/Nuummi najugaqaruit ilinniarnerullu soqutinartup ilaatut Danmarkimukarnissannut sapiissuseqarpit,

Taava immaqa suliffissannik peqarpugut!

SISA pillugu

SISA Kalaallit Nunaanni soraarnerussutisiassanik aningaasaateqarfiuvoq ilaasortanit pigineqartoq, taassumalu suliassaraa Kalaallit Nunaanni kattuffinnut inuussutissarsiortunullu annertunerpaamik iluanaaruteqarluni ajutoorfiusinnaasullu annikinnerpaajutillugit soraarnerussutisiassanut aaqqissuussinernik pilerinartunik pilersuinissaq. SISA Kalaallit Nunaanni soraarnerussutisiassanik aningaasaateqarfittut 1999-imi pilersinneqarpoq Nuummi angerlarsimaffeqartoq. SISA-p allatseqarfianiit ilaasortat kalaallisut danskisullu sullippai. SISA 44.000-ngajannik ilaasortaqarpoq, taakkunanngalu affai akiliisarlutik. Suliffeqarfik soraarnerussutisiassanut toqqortikkanik ukiumut 420 millioner kr.-ngajannik tigusaqartarpoq. soraarnerussutisiassaniillu pisuussutit 5,7 milliarder kr.-ngajaat aqullugit.

Suliffeqarfik nuummiittoq ilaasortanik sullissisunik sisamanik inuttaqarpoq. Siulersuisunut pisortaq aammaluttaaq nuummi allaffitsinni inissisimasuuvoq. Ilaasortanut sullissisunut aqutsisuuvoq SISA-mi pisortaq ulluinnarmilu SISA-mi ingerlatsinermut, tunisinermut siunnersuinermullu akisussaaffilik. SISA-mi pisortaanerup tullersortia nalilinnik aalerinaatilinnik ingerlatsinermik akisussaaffilik aammalu SISA-mi pisortaq qullersaq aningaaserivimmut akisussaasoq, nunatsinniik Danmark-imiillu sulisartuullutik.

Anguniagarput tassaavoq Nuummi Ilaasortanik sullissivitta suli pitsaanerulersikkiartornissaa, aammalu ingerlatsinerup allafffissornerullu annertunersaat Kalaallit Nunaannit tiguneqarnissaat. Tamanna siunertaralugu ilinniartutut atorfimmik suli ataatsimik pilersitsivugut, tassanilu Ilaasortanik Sullissivitsinni sullissartutut atuuffeqarneq isiginiarneqarpoq.

Atorfimmi COO qullersarineqassaaq.

Atorfik pillugu

Atorfiniffissat nuummiippoq. Atorfinitsinneqaruit ilinniariarfissannut piareersarnerit ilutigalugu ulluinnarni suliassanut pikkorissarluarneqassaatit ataqatigiissaarisussamik ilinniarfimmut Forsikringsakademi-mi Rungsted-miittumut. Tassani ilinniarfigissavat naammassisassat tunngaviusumik soraarnerussutisiassanut ilisaritinneqarnermi katitikkani siulleq moduli (uani itinerusumik atuarsinnaavat: https://www.forsikringsakademiet.dk/eksamener/grundlaeggende-pension-324 ). Ilinniartitaaneq suliassanut paasinnissinnaanissamut ineriartortinneqarninni pingaaruteqarluinnarpoq, ingerlanneqassallunilu annertunersumik nuummi sulinerup iluani ilaatigullu Danmark-imi. Ilisimalikkatit piginnaasallu angusatit, ulluinnarni sulininni piviusunngortillugit atugarileriartussavatit.

Backoffice-mi atorfinitsinneqartutut annertunerusumik allaffissornermut tunngasunik suliassaqartinneqassaatit. Qanimut suleqatigissavatit ilaasortanik siunnersortit massakkumut pingasuusut.

Ulluinnarni annerusumik sulinermi uku sakkorissavatit:

• Polaris – livkernesystem (produktionssystemi)
• Office365 – Outlook, Word, Excel, Powerpoint, Sharepoint il.il.
• Teams – oqarasuaatitut videokkullu ataatsimiinnerni atorneqassaaq
• Adobe Acrobat DC

Pingaarnertut annerusumik suliassat Polaris atorlugu ingerlatissavatit, ukuusinnaapput:

• Suliffeqarfinnut attaveqarneq akilioraanermut tunniussinermullu tunngatillugu
• Aningaasat isaasut aniatitallu iliuuserisassanut piareersaatinut, aammalu naligiissaarineq nakkutilliinerlu akilioraasunut akilioqqakkat fiilinngorlugit sanileriissinnerani siunnersortit suleqatigalugit
• Katersanut akilioraatinut aningaasanillu tunniussinermi tunngatillugu ullut killerititat tamarmik malinneqarnissaanut akisussaasutut
• Soraarnerussutiassanut aaqqissuussaniik tunniussisarnerit tamaasa isumagineqarnissaat soorlu ukuusinnaasut, inuunerup sinnera pisartagaqarnissamut aallartitsineq, ataasiaannartumik tunniussineq toqukkut qimaguttoqarsimatillugu, nappaatinut perulunnartumik eqqugaasunut tunniussineq, siusinaartumik sulisinnaajunnaartoqarsimatillugu pisartagassanik aallartitsineq, qimaguttumiit qitornaasut pensionisiassaat il.il.
• Suliat piareersarneri nalilersortinnissamut Nakorsat Siunnersortiniik
• Polaris-mi inunnut ataasiakkaanut paasissutissanut tunngasut nutarsarneri
• Cpr-registerimiit nutaarsiassaasut Polaris-mi suliarineri
• Allaffissornikkut Polaris malinnaatinnera
• Siunnersortitut atorfillit kaaviiaartinneqarneranni suleqatigiinneq Backoffice-mi, illilli annerusumik Backoffice-mi sulineq aqunneqarnera ilisimasassarivat
• Allallu allaffissornermi suliassat takkussinnaasut

Ilinnut tunngasut

Takorloorparput illit inuttut namminersorsinnaassuseqartutit, ilusilersuisinnaassuseqarlutit nalilersuillaqqittuusutillu. Peqqissaartuuvutit immikkuualuttunik takunnillaqqissoq, sulilluarsinnaallutillu pisarneq malillugu kisimi suliassanik ingerlassinissamut. Kajumissuseqarnarivat inernerisissaartunik angusaqarnissat, team-eqativillu suleqatigiinneranni akuulluarlutit anguniagaqatigiinnermi peqataasinnaallutit. Taakkua ingerlannerani aamma aalajangiisinnaassuseqarputit akisussaaffimmillu tigusisinnaallutit malittarisassat malinneqarnissaat anguniarlugit ullullu killerititat malinniarlugit.

Naatsorsuutigaarput aalaakkaasuusutit, tatiginartoq sullissilluartorlu. Aammalu apeqqarissuusutit paasisaqarusuttartuunerit ilimanaateqartoq takorloorparput, paasisanullu nutaanut isornartorsiutilimmik isiginnissinnaassuseqarlutit unammillersinnaassusilimmillu inissisimasarsinnaasutit. Aningaasaateqarnermut ilisimasaqareersimanissat iluaqutaassaaq piumasaqaataanngilarli.

Forsikringsakademi-mi taamaallaat ilinniarneq danskit inuunerannut tulluarsagaasoq neqeroorutigisinnaammassuk, nunatsinnut tulluarsaganngornissaa sulinermi ilinniarneqassaaq. Taamaammat qallunaatut ilisimalikkavit kalaalinngorsarnissaanut piginnaannitit aaliangiisuussapput atorfinissinnaaninnut.

Naatsorsuutigaarput minnerpaamik marlunnik oqaaseqartuusutit (kalaallisut/qallunaatut) aammalu sullitagut oqaloqatigisinnaagitit oqaatsit taakku atorlugit. Iluaqutaassaaq aamma tuluttut oqalussinnaaguit. 

Neqeroorutigaagut

Suliffik akiliunneqarlunilu ilinniarneq ataatsimoortillugit neqeroorutigaagut – suliamik ingerlatsinermi inuttut annertuunik unamminartoqarfiusut, sulisut pikkorissut aamma Kalaallit Nunaanni inuiaqatigiinnut isumassarsiuffiusartunik atassuteqarfippassuaqarneq. Aamma suliffik pitsaasunik atugassaqarfiuvoq piginnaasallu malillugit akissarsiaqarfiulluni.

Atorfimmi aallaaviusumik inissaqartitsisoqanngilaq.

Soqutiginnippit? 

Una tuugassaq toorlugu atorfimmut qinnuteqarit, tassani qinnuteqaatit CV-llu nassiussinnaavatit.

Atorfik pillugu apeqqutissaqaruit Mette Landau Landau Headhunting-imeersoq mobilikkut + 45 2190 2188 attaveqarfiginissaanut tikilluaqqusaavutit.Landau Headhunting sulisussarsiornermik ingerlatsivoq qinnuteqaatillu ingerlaavartumik atuarneqartassapput. Piffissap qinnuteqarfissap naanerani atorfinitsinneqarsinnaasut aggersarsinnaanissaat sillimaffigineqassaaq.

Tusarfiginissat qilanaaraarput!

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (UTC-2), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.

Atorfik una qinnuteqarfigiuk